Aakhiri baar milo aisay keh jaltay huye dil
raakh ho jayein koi aur taqaza na karain
chaak wada na silay , zakham-e-tamana na khilay
saans hamwaar rahay shama ki lu tak na hily
baatain itni keh lanhay inhain aa kar gin jayein
aankh uthay koi umeed to , aankahin chhin jayen
iss mulaqat ka is baar koi weham nahin
jis se ik aur mulaqaat ki surat niklay
ab na heejan-o-junoon , na hikayat ka waqat
ab na tajdeed-e-wafa ka , na shikayat ka waqat
lut gayi shaher-o-hawadis main mata-e-alfaaz
ab jo kehna hai to kaisay koi noh kahay
aaj tak tum se rag-e-jaan ky kai rishtay hain
kal se jo hoga ussay kon sa rishta kahain
phir na dekhain gy kabhi Aariz-o-ruksaar , milo
matami hain dam-e-rukhsat dar-o-dewaar milo
phir na hum hon gy , na iqrar , na inkaar , milo
Aakhri baar milo............................!!!!!
