Aaj woh muddat baad aayi bhi bas yeh kehnay

Supurdagi 

Aaj woh muddat baad aayi bhi 

Bas yeh kehnay 

Jaana !

Meray saray khat lota do 

Sab tasveerein , qalam , kitabein 

Wapis kar do saray tohfay 

Mujh se sab kuch maangnay wali 

Jatay jatay 

Meray kamray ki chokhat par 

Chor gayi hai 

"Apna Aap "

Jab se teray khayal ka mousam hua hai dost

Jab se teray khayal ka mousam hua hai dost 

Duniya ki dhoop chaon se aagay nikal gaye 

Murr murr kay ab bhi khait sadaein diya kiye 

Ab kay bhi teray gaon se aagay nikal gaye 

Hum ko palat kay dekhna mushkil sa ho gaya 

Shayed teri sadaon se aagay nikal gaye

Main woh nanha bacha hoon

Marsiya 

Main woh nanha bacha hoon 

Bol nahin sakta hai jo 

Aur ik ujray station par 

Apni maan se bichar gaya hai 

Maan be'chari

Janay kab se 

Mujh ko chalti gaari main dhoond rahi hai 

Tamam shaher main ab to hai raaj kaanton ka

Tamam shaher main ab to hai raaj kaanton ka 

Mujhay qabool nahin yeh simaaj kaanton ka 

Chalo keh kuch to tasali hui meray dil ko 

Isi main khush hoon keh paya khiraaj kaanton ka 

Hamaray phool se chehron ko nochnay walo 

Kabhi to tum pe bhi utray anaaj kaanton ka 

Sambhal saktay nahin hum yeh gham ki jageerein 

Utaar leejiye sar se yeh taaj kaanton ka

Yeh aur baat keh gul ki tarah mehaktay rahay 

Wagarna rakhtay thay hum bhi mizaj kaanton ka 

Bhout ajeeb se lehjay main baat karta hai 

Hai aaj phool main kuch imtizaaj kaanton ka 

Jab tumhari aankh ho gehray samandar ki tarah

Jab tumhari aankh ho gehray samandar ki tarah 

Kiyon na lagta ho samandar deeda-e-tar ki tarah 

Is liye roshan kiya hai teray chehray ka chragh 

Do'pehar tareek hai meray muqaddar ki tarah 

Na'shanasa  jis ki dewarein hain dar bhi ajnabi 

Woh mila mujh ko hamesha ik naye ghar ki tarah

Andheri raat main rehtay to kitna acha tha

Andheri raat main rehtay to kitna acha tha 

Hum apni zaat main rehtay to kitna acha tha 

Dukhon ne baant liya hai tumharay baad hamein 

Tumharay haath main rehtay to kitna acha tha

Kal ajab saneha sa hua rait par

Kal ajab saneha sa hua rait par 

Naam tera nahin likh saka rait par

Kis ki awaz se tham gaye hain qadam 

Phir se kis ne mujhay di sada rait par 

Us ki aankhon se sholay nikaltay rahya 

Naachti reh gayi kal ghatta rait par 

Tu ne jo bhi hawa se kaha reh gaya 

Mitt gaya main ne jo bhi likha rait par 

Main tumhein choomna chahata hoon abhi 

Us ne mujh se yeh ik din kaha rait par 

Ab yeh sehra hi teray muqaddar main hain 

Tu ne mangi hi kiyon thi dua rait par 

Aik shola utha us jaga se wasi
Mera aansu jahan gir gaya rait par

Mujh ko maloom hai tum badal jao gay jaa kay pardes main

Mujh ko maloom hai tum badal jao gay jaa kay pardes main 

Chahaton ki hadon se niklo jao gay jaa kay pardes main 

Raakh ho jaye gi qurbaton main mehakti hui zindagi 

Hijar ki aag main tum pighal jao gay jaa kay pardes main 

Sab ko bhulo gay par apnay bachon ki jab tum ko yaad aaye gi 

Khud bhi bachon ki surat machal jao gay jaa kay pardes main 

Apni pehchan ko khawaishon kay samandar main gar kho diya

Dastano main phir tum bhi dhal jao gay jaa kay pardes main 

Ain mumkin hai jab tum wahan jao to aur barh jayein dukh 

Kis ne tum se kaha hai behal jao gay jaa kay pardes main 

Yeh bata doon tumhein sardiyan aag barsa'ein gi us jaga 

Soch lo ab bhi tum warna jal jao gay jaa kay pardes main 

Tum pe youn haath dalein gi tanhaiyan aik waqat aaye ga 

Koi aahat bhi hi gi dehal jao gay jaa kay pardes main