Daawa wafa ka , aur tamana jism ki

Daawa wafa ka , aur tamana jism ki 

Agar yeh ishq hai to phir hawas kiya hai

Jatay jatay woh kis liye palta .. .. ?

Jatay jatay woh kis liye palta .. .. ?

Ab sataye ga yeh sawaal mujhay

Yeh adaaein , yeh tabassum , yeh mast nigahein , ussay kehna

Yeh adaaein , yeh tabassum , yeh mast nigahein , ussay kehna 

Hijaab orho , kahin hum phir se na ujar jayein

Mubtela-e-ishq dekh kar woh sahib-e-aqal bolay

Mubtela-e-ishq dekh kar woh sahib-e-aqal bolay 

Lagtay masoom ho par barbaad ho rahay ho

Nazar main zulmat badan main thandak jamal kitna ajeeb sa tha

Nazar main zulmat badan main thandak jamal kitna ajeeb sa tha 

Main us ki chahat main ghar se nikla , to haal kitna ajeeb sa tha

Na main ne ussay khatoot likhye , na us ne meri panah chahi 

Dono ko apni be'khudi pe , malaal kitna ajeeb sa tha 

Woh apni raaton main chaand dekhye , Main apni raaton main us ko sochon

Badaltay lamhon main  soch ka yeh , Wisaal kitna ajeeb sa tha

Zindagi akelay hi kaat lo main ne poocha to ro diya woh 

Sawal kitna ajeeb sa tha , jawab kitna ajeeb sa tha

Intizaar to un ka kiya jaata hai jinhain wapis na aana ho

Intizaar to un ka kiya jaata hai jinhain wapis na aana ho 

Sahil jo khud gharz hon un kay liye mara nahin kartay

Pila sara meh'khana agar hosh urr jaye to phir gila karna

Pila sara meh'khana agar hosh urr jaye to phir gila karna 

Saqi lakin shart yeh hai keh mehfil main zikar-e-yaar na ho

Katti phatti si yeh jholi faraakh itni thi

Katti phatti si yeh jholi faraakh itni thi 

Keh haar maan gaya dard baantnay wala

Meray saqi teray hathon se agar jaam giray

Meray saqi teray hathon se agar jaam giray 

Iss ka matlab hai meray khoon kay kuch daam giray 

Zalzala aaya to be'khana hua shaher ka shaher 

Qasar-e-sultaani kay bhi deewar-o-dar-o-baam giray 

Dil main doob gaya doobtay suraj ki tarah 

Kuch sitaray meri aankhon se sar-e-shaam giray 

Aaina toot gaya gir kay kisi pathar par 

Dar-e-asnaam pe jaisay dil-e-na'kaam giray 

Tab khula mujh pe keh jaltay hain chraghon pe chragh 

Lab-e-gul'rang se jab shola-e-gulfaam giray

Koocha-e-yaar main Aanay ki saza hai shayed 

Pathron ki tarah iss sar pe kuch ilzaam giray 

Ab to deewar-e-badan khassta hui hai 

Nahin maloom keh yeh subho giray shaam giray

Andaaz dekho us kay dil tornay ka

Andaaz dekho us kay dil tornay ka 

Rukhsaar par haath rakh kar kaha us ne 

Tum pyaaray bhout ho 

Par pyaar nahin tum se

Abhi tum sa tha koi ru'baru ,Tumhain yaad hum ne bhout kiya

Abhi tum sa tha koi ru'baru ,Tumhain yaad hum ne bhout kiya  

Bari ras bharri thi woh guftagoo, Tumhain yaad hum ne bhout kiya 

Wohi mast aankhon ki mastiyaan  Wohi chand chehray ki chandani 

Wohi arz-e-haal tha hu'bahoo ,tumhain yaad hum ne bhout kiya  

Wohi hont thay wohi phool thay  Wohi be'misal udasiyaan 

Wohi khwaab tha wohi Aarzoo, Tumhain yaad hum ne bhout kiya 

Wohi Aarzoo-e-wasal thi Jo roz-o-shab ki misaal thi 

Wohi dil'kashi wohi rang-o-boo, Tumhain yaad hum ne bhout kiya 

Tumhain yaad hum ne bhout kiya

Abhi tum sa tha ko ru'baru

Tumhain yaad hum ne bhout kiya 

Bari ras bharri thi woh guftagoo

Tumhain yaad hum ne bhout kiya 

Wohi mast aankhon ki mastiyaan 

Wohi chand chehray ki chandani 

Wohi arz-e-haal tha hu'bahoo

tumhain yaad hum ne bhout kiya 

Wohi hont thay wohi phool thay 

Wohi be'misal udasiyaan 

Wohi khwaab tha wohi Aarzoo

Tumhain yaad hum ne bhout kiya 

Wohi Aarzoo-e-wasal thi 

Jo roz-o-shab ki misaal thi 

Wohi dil'kashi wohi rang-o-boo

Tumhain yaad hum ne bhout kiya 

 

 

Chalo kuch dair hanstay hain

Chalo kuch dair hanstay hain 

Mohabbat par 

Inayat par 

Keh be'buniyaad baatein hain 

Sabhi rishtay 

Sabhi naatay 

Zaroorat ki hain Ejaadein 

KAhin koi nahin marta 

Kisi kay wastay jana 

Keh sab hai phair lafzon ka 

Hai sara khail harfon ka 

NA hai mehboob koi bhi 

Sabhi jumlay se kastay hain 

Chalo kuch dair hanstay hain 

Jissay hum zindagi kehtay 

Jissay hum shairy kehtay 

Ghazal ka qaafia tha jo 

Tha jo unwaan nazmon ka 

Woh lehja jab badalta tha 

Qayamat khaiz lagta tha 

Waqat se aagay chalta tha 

Bala ka tez lagta tha 

Jo saya ban kay rehta tha 

Juda ab us kay rastay hain 

Chalo kuch dair rotay hain 

Chalo kuch dair hanstay hain 

 

Ijazat ho agar teri, to tum se baat aik poochon ?

Ijazat ho agar teri, to tum se baat aik poochon ?

Jo hum se ishq seekha tha , woh ab tum kis se kartay ho 

Kuch log mujhay apna kaha kartay thay Saqi

Kuch log mujhay apna kaha kartay thay Saqi 

Sach main woh log sirf kaha kartay thay 

Her surat-e-haseen pe gumaan-e-tabeeb hai

Her surat-e-haseen pe gumaan-e-tabeeb hai
Saaqi meray marz ki tabiyat ajeeb hai

Rehta hai sa'sabeel kay daman main tishna'lab
Kehtay hain jis ko shaikh , bara bad'naseeb hai

Masti sharab main bhi hai . O mah'jabeen
Lakin teri nigah ki masti ajeeb hai

Ya Rab ! na daal shaikh ko dozakh ki aag main
Yeh Aadmi hamara purana raqeeb hai

Dil hi kay dard, is ki nahin kuch khabar Adam
Ek dard mustaqil hai keh dil kay qareeb hai 

Kuch waday qasmein , yaadein thein

Kuch waday qasmein , yaadein thein

Kuch qeh'qahay thay , fariyadain thein

Kuch aansoo thay jo bahaye thay

Kuch dhokay thay , jo khaye thay

Kuch lehjon ki parchaiyan thein

Kuch dil ko rog lagaye thay

Ab paas hamaray kuch bhi nahin

Ab aas kay maaray kuch bhi nahin

Bas yaadon ki zanjeerain hain

Kuch rog utri tasveerain hain

Kuch lafz miti tehreerain hain

Ek dil ko deed ka payasa hai

Bas yehi Mera Asasa hai

Yeh lamhon ki nahin hai yeh to sadiyon ki musafat hai

Yeh lamhon ki nahin hai yeh to sadiyon ki musafat hai

Kisi ki yaad ka sehraa, mohabbat hamsafar meri

Ghubaar-e-raah main kuch door tak hi saath deta hai

Wohi ik main wohi tanha , mohabbat hamsafar meri

Wohi her waqat sochon par kisi ki yaad ka pehra

Wohi din raat ka jalna , mohabbat hamsafar meri

Wo Pichhli Barishon Men Hum barry Nadaan Hotay They

Wo Pichhli Barishon Men Hum

Barry Nadaan Hotay They

Sabhi Ki Aankh Se Bach Kar

Puraani Kaapiyon Se Hum

Waraq Kuch Noch Lete They

Hum ik Kashti Bnaaty They

Wo Paani Pr Chalaatey They

Hmain Lagta Tha Jesy Hum

Usi Kashti Men Bethy Hain

Wo Kashti Doob Jati Thi

To Hum B Doob Jatey They

Wo Kashti Paar Lagti Thi

To Hum Bhi Paar Lagty They

Chalo Guzrey Huye Kal Kay

Wo Pal phr Dhond Laatey Hain

Puraani Kaapiyan Le Kar

Nai Kashti Banaty Hain

Wo Paani Pr Chalate Hain

Chalo Phir Paar Lagtey Hain

Chalo Phir Doob Jate Hain

Tery lab sey jo ada hoty hain

Tery lab sey jo ada hoty hain

Naseeb un lafzoon kay bhi kiya hoty hain

Main wahan ja kay tujhay mang loon ga

Koi bata de kay faisly qudrat kay kahan hotay hain

Teri yaad jab had se guzar jati hai

Meri aankhon se tab aanso rawan hoty hain

Main ab kahan chala jaon is dil ko le kar

Teri yaad kay lamhy to har jaga hoty hain

Chot muhabbat ki kha kay bhi jo muskuraien

Wo log bhi sabar ki intaha hoty hain

Shikway bhi hazaaron thay aur gilay bhi hazaaron thay

Shikway bhi hazaaron thay aur gilay bhi hazaaron thay

Hum to usi kay thay magar ik wo na hamary thy

Kaha hum ne keh kisi aur k honay lagy ho tum

Muskuraty huay bolay k pehly kab tumhary thay

Zindagi k mor par tanha chor gaya hai wo mujhay

Koi ja kar kahy k hum jety hi usi k sahary thay

Yeh pal hain buray mujh pa to koi bat nai

Kuch pal to tumhary sath achy bhi guzary thay

Teri Aankhon kay isharon ki bhout yaad aayi

Teri Aankhon kay isharon ki bhout yaad aayi

Aaj patt jharr men Baharon ki bhot yad aayi

Jab larkhraata hova nikla kabhi Mehkhaney say

Teri baahon k sahaaron ki bhot yaad aayi

Jab bi haathon se men ne ponchay hain aansu apne

Tere Daaman k Kinaron ki bhot yaad aayi

Aaj is ujrey huway shehr may "Mohsin" humko

Apne bichre huway yaaron ki bhot yaad aayi

Tumhein jo Yaad rakha hai yahi apni mohabat hai

Tumhein jo Yaad rakha hai

yahi apni mohabat hai

Mohabat karne walon ki

Mohabat kab Badalti hai

Jo Dil me Naqsh ho jaye

or Nigahon me Simat aye

Alamat hai ye Chahat ki

To Chahat kab Badalti hai

Tumhi ko Chahte hain hum

Tumhi se Piyar karte hain

Yahi Barson se Aadat hai

Aur Aadat kb Badlti hai.