Her ek rut main tera gham hai salamat
Yeh mousam aik jaisa reh gaya hai
Baras kuch aur Ae awara badil
Keh dil ka shaher piyasa reh gaya hai
Mar 9, 2015
Khwaab ki musaafat se hijar ki riyazat tak
Musaafat
Khwaab ki musaafat se
Hijar ki riyazat tak
Sirf Aansoo paya tha
Dil se aankhon ki
Is musaafat main
Bas us ki yaadon main
Woh bhi ab ganwaya hai !!!
Kitna khush feham hai woh shakhs keh her mousam main
Kitna khush feham hai woh shakhs keh her mousam main
Ek naye rukh, nayi surat se mujhay sochta hai
Hamein tum se mohabbat hai
Hamein tum se mohabbat hai
Hamein tum se mohabbat hai
Hamara dosh hai mana
Tumhain apna jo hai jana
Tumharay bin yeh jeevan marg jaisa hai
Hamein jannat ka her gosha bhi goya narg jaisa hai
Haqeeqat main agar socho
Mohabbat main Anaa ka kaam hi kya hai
Chalo ab maan bhi jaayo
Keh tum ko hum manaatay hain
Hamein tum se mohabbat hai
Khushi bhi ek udaasi hai
Khushi bhi ek udaasi hai
Khushi bhi ek udaasi hai
Suno ! !
Yeh ik haqeeqat hai
Tumhari shairy kay saray harfon main
Jigar ka khoon jalta hai
Sisaktay ,bain kartay aur sulagtay saaray lafzon se
Tum apnay shair buntay ho
Tumharay saaray shairon main
Udaasi apni aankhein chor kar
Khud Aaina khaano main jaa kar sar patakhti hai
Youn hi dar dar bhatakti hai
Khushi ko bhi kabhi likho gulaabon ki kitaabon main
Khushi bhi ek udaasi hai !!!!
Koi ab tak jaag raha hai
Koi ab tak jaag raha hai
Dheeray dheeray raat ne palkain
Mond lein apni
Aur sitaaron ki wadi main
Khoya khoya sa sanaata
Khwaab nagar main gum lagta hai
Chand kay chehray par raqsan hai
Thakan , wichora aur tanhai
Be'kal sa , madham lagta hai
Lakin jaana !
Dekh lo aa kar
Koi ab tak jaag raha hai
Mujhay ek baat kehni hai
Mujhay ek baat kehni hai
Mujhay ek baat kehni hai
Jo tum hotay ho mujh se door
Udaasi ki siyaah chadar
Na janay kis tarah , kiyon kar
Meray sar par
Kahin se aan girti hai
Haath ki lakeeron main kya talaash kartay ho ?
Haath ki lakeeron main kya talaash kartay ho ?
Haath ki lakeeron main
Kya talaash kartay ho
In fazool baaton main
Kis liye ulajhtay ho
Jis ko milna hota hai
Bin lakeer dekhye hi
Zindagi kay raaston par
Saath saath chalta hai
Phir kahan bicharta hai
Jo nahin muqaddar main
Kab hamein woh milta hai
Kab woh saath chalta hai
Gulaabi phool dil main khil chukay thay
Gulaabi phool dil main khil chukay thay
Gulaabi phool dil main khil chukay thay
Hum is mousam main tujh se mil chukay thay
Tawajo se teri phir khil rahay hain
Wagarna zakham to yeh sil chukay thay
Satoon kitna sahara in ko detay
Jo ghar buniyaad se hi hil chukay thay
Puraani ajnabiyat phir loat aayi !
Hum in se aur woh hum se mil chukay thay
Tar-o-taaza thi jaan raah-e-junoon main !
Agarcha paaon apnay chhill chukay thay
Parveen Shakir
Chaara gar haar gaya ho jaisay
Chaara gar haar gaya ho jaisay
Chaara gar haar gaya ho jaisay
Ab to marna hi dawa ho jaisay
Mujh se bichra tha woh pehlay bhi magar
Ab kay yeh zakham naya ho jaisay
Meray maathay pe teray pyaar ka haath
Rooh par dast-e-saba ho jaisay
Youn bhout hans kay mila tha lakin
Dil hi dil main woh khafa ho jaisay
Sar chupaein to badan khulta hai
Zeest muflis ki rida ho jaisay
Parveen shakir
Saahil pe ik tanha larki sard hawa ka bazu thamay
Aanchal aur baad'baan
Saahil pe ik tanha larki
Sard hawa kay baazoo thaamay
Geeli rait pe ghoom rahi hai
Janay kis ko dhoond rahi hai
Bin kajal , haickal aankhon se
Khulay samandar kay seenay par
Faraatay bharti kashti kay baad,baan kay lehraanay ko
Kis hairat se dekh rahi hai !
Kis hasrat se apna aanchal massal rahi hai !
Parveen shakir
Hum se ziyada agar toot kay chahye to us kay ho jana
Hum se ziyada agar toot kay chahye to us kay ho jana
Hum ne tumhari yaad main Aansoo kay dariya baha diye
Uss ki aankh main narmi bhi aa jaye to uss kay ho jana
Hum ne tumhari khaatir khud ko jala diya
Uss ne agar chragh bhi jala diya to uss kay ho jana
Hum ne tumharay liye apni neend qurbaan kar deen
Woh ik shab bhi teray liye jaagay to tum uss kay ho jana
Bas agar koi mujh se ziyada tum ko chaahy to us kay ho jana
Saleeqa deed ka kab tha teray deedaar se pehlay
Saleeqa deed ka kab tha teray deedaar se pehlay
Zameen abaad hi kab thi diyaar-e-yaar se pehlay
Gulon ne muskurana aur hawa ne bolna seekha
Kissai idraak haasil tha teri guftaar se pehlay
Chaman main is baras yaaro qayamat kya ajab dekhi
Fiza Kaanton ne mehkaai gul-o-gulzaar se pehlay
YEh meri bad'naseebi hai , ya meri khush naseebi hai
Keh meray paaon hain zakhmi raah-e-pur'khaar se pehlay
Yahan aa kar milaye khaak main naam-o-nasab hum ne
Hamein bikna kab aata tha teray bazaar se pehlay
Raat din hijar ki wehshat bhi nahin rakhni
Raat din hijar ki wehshat bhi nahin rakhni
Ab kisi se itni mohabbat bhi nahin rakhni
Jis ka jee chahye hamein tor kar tukray kar de
Is qadar narm tabiyat bhi nahin rakhni
Ik do saal kay rishton se hamaein kya haasil
Ik do pal ki rafaqat bhi nahin rakhni
Jin se bichrain to sambhalnay main zamanay lag jayein
Aisay logon se murawat bhi nahin rakhni
Kya ajeeb haal hai chahat kay talab'gaaron ka
Shouq mohabbat ka hai aur jhuknay ki aadat bhi nahin rakhni
Ajeeb logon ka basaira hai teray shaher main
Ajeeb logon ka basaira hai teray shaher main
Ghroor main mitt jatay hain magar yaad nahin kartay
Uss kay aanay ki khabar suntay hi tayari ki
Uss kay aanay ki khabar suntay hi tayari ki
Main ne jee bhar kay gulaabon ki kharidaari ki
Haalat-e-hijar main filhaal sakoon milnay laga
Nasha-e-dard ne awaz nahin bahaari ki
Ishq main mera bhi dewaangi maslak hai yahan
MAin ne is wastay majnoo ki taraf'daari ki
Warna yeh log mujhay tujh se juda kar detay
MAin ne danasta mohabbat main adakaari ki
Phool khiltay hi koi bichra hua yaad aaya
Main khush honay kay mousam main azadaari ki
Deepak , jugnoo , chand , sitaray , aik se hain
Deepak , jugnoo , chand , sitaray , aik se hain
Yehni saaray ishq kay maaray , aik se hain
Hijar ki shab main dekh to aa kay meray chand ?
Meray aansoo aur yeh "taaray " aik se hain
Meri kashti kis ne dabooi , kiya maloom ?
Saari lehrain , saray dhaaray , aik se hain
Kuch apnay aur kuch be'gaanay aur main khud
Meri jaan kay dushman saaray , aik se hain
Ab batlaao kis se hum fariyaad karain ?
Qaatil, haakim , munsif saaray , aik se hain
Teray harf-o-Lab ka talism tha , meri aab-o-taab main reh gaya
Teray harf-o-Lab ka talism tha , meri aab-o-taab main reh gaya
Woh kisi gulaab ka jism tha jo meri kitaab main reh gaya
Meri baat baat main roshni , meray harf harf main dil'kashi
Tu meri shareek-e-wisal-e-jan , meri her kitaab main reh gaya
Koi phool ban kay bikhar gaya , koi baat ban kay bigar gaya
Na sawal koi labon pe hai , na gila jawaab main reh gaya
Tujhay kya bataein keh kya hua , woh saroor-e-raqs-e-wafa gaya
NA gunnah main rahi baat woh , Na maza sawaab main reh gaya
Uljhi hui nigahon se mujhay musal'sal dekhta raha
Uljhi hui nigahon se mujhay musal'sal dekhta raha
Aainay main kharra parishaan tha ik shakhs
Hamaray baad safeer-e-sabaa hai aakhir kon
Hamaray baad safeer-e-sabaa hai aakhir kon
Talaash-e-manzil-e-jana main hai aakhir kon
Rehn-e-khilwat-e-shab , chandani se pooch kabhi
Keh shajar shajar bhatka hai teri khaatir kon
Hamain aziz thi maqtil ki Aabroo warna
Bharay jahan main hai apnay lahoo ka taajir kon
Hum ne shaikh ka pindhaar-e-khud saari tora
Wagarna us ki nazar main nahin tha kaafir kon
Sukhan'wari hamain wajah-e-sharf nahin "Mohsin
Magar hamaray siwa shaher main hai shair kon
Woh kitnay Itminaan se thukra gaye mujhay
Woh kitnay Itminaan se thukra gaye mujhay
Aansoo bana kay aankh se tapka gaye mujhay
Kaisi rehbari thi , yeh kaisa faraib tha
Manzil dikha kay raah se bhatkaa gaye mujhay
Khamosh nigahon se kahani suna kar
Lafzon kay hair phair main atkaa gaye mujhay
Mujh ko bhi bachpan ka ek mazaaq samjh kar
Choti si ik hansi main urra gaye mujhay
Do din main us kay dil se mohabbat utar gayi
Aur do hi din main yaad se bhi mita gaye mujhay
Kaha tha na hamein bhool jaao gay ?
Kaha tha na hamein bhool jaao gay ?
Meri iss baat pe aksar lara kartay thay tum
Teri awaz aaj bhi meray kaano main raqs karti hai
Teri awaz aaj bhi meray kaano main raqs karti hai
Woh tera ik baar ka kehnakeh tum sirf meray ho
Apnay aapay main nahin shouq kay maaray gaisoo
Apnay aapay main nahin shouq kay maaray gaisoo
Phailay jaatay hain rukh-e-yaar pe saaray gaisoo
Nppr-e-emaan kay Mu'aawan hain tumharay Aariz
Kufr ushhaaq kay haami hain tumharay gaisoo
Kaam aayi gi woh un ki pareshaani main
Chasham-e-be'maar kay dhoondain na saharay gaisoo
Maa'il-e-shouq mujhay paa kay woh bolay hans kar
Dekho tum ne jo chhuye aaj hamaray gaisoo
Zulmat-e-zulf se noor-e-rukh-e-khubaan na dbaa
Jeet Aariz ki hui , shart main haaray gaisoo
Faatiha parhnay chalay marqad-e-hasrat pa jo woh
Pehlay kis naaz se ro ro kay sanwaray gaisoo
Honton se phisalti hui her baat ghaneemat
Honton se phisalti hui her baat ghaneemat
Jitni bhi hui uss se mulaqaat ghaneemat
Tanhai bhi jis dour main tanhai nahin milti
Uss Aalam-e-hangaam main yeh zaat ghaneemat
Her chaar qadam door , nayi ghaat lagi hai
Jitna bhi phirain shaher main mohtaat ghaneemat
Uss banda-e-gustaakh se ab dil nahin lagaana
Guzri hai jo na'qadri-e-jazbaat ghaneemat
Qismat main likha tha jo bar'haal hua hai
Jaisay bhi hon dosto ab halaat ghaneemat
Kab tak bhugtun main ab saza teri
Ae ishq maaf kar de ghalti ho gayi
Tum ho , Raqeeb saath ho , Phir raat ka safar
Tum ho , Raqeeb saath ho , Phir raat ka safar
Hai wadi-e-yaqeen main shubhaat ka safar
Mumkin agar ho dost ! Qayamat se kam nahin
Karna khird kay dosh pe jazbaat ka safar
Hum to kisi kay aankh kay taaray , na mahtaab
Phir kar rahay hain kiyon , hamein din raat ka safar
Itna taweel keh umar bhar teh na ho saka
Seenay se lay kay hont aik aik baat ka safar
Wapis huye , to apna bhi pehchaanana mohaal
Hum ne kiya tha dosto ! jab zaat ka safar
Jalta hai apni zaat main , roshan hai is liye
Yeh kehkashaan kay naam se zaraat ka safar
Hum Aam se log
Hum Aam se log
Hamara Aam sa lehja
Hamara Aam sa chehra
Aam si baatein
Aam si chahatein
Aam se din
Aam si raatein
Hum main to kuch bhi khaas nahin
Phir
Phir
Tum kaisay hamein yaad rakh paao gay ?
Shayed is tarah keh
Kitna Aam sa banda tha main !
Ishq sufi hai , na mufti hai , na Aalim hai Ghalib
Ishq sufi hai , na mufti hai , na Aalim hai Ghalib
Ishq zalim hai faqat zaalim hai bas zaalim
Parda daari kay saath hum dono
Parda daari kay saath hum dono
Kitnay khaakon main rang bhartay hain
Naam letay huye Mohabbat ka
MAin bhi darta hoon , woh bhi dartay hain
Kitni dil'kash hai uss ki khamoshi
Kitni dil'kash hai uss ki khamoshi
Saari baatein fazool hon jaisay
Laa'haq hai yahan marz mohabbat ka sabhi ko
Laa'haq hai yahan marz mohabbat ka sabhi ko
Iss shaher kay logon main waba aam bhout hai
Her darja sharafat ka libaas hai orha
Aur dil main haqaarat ki bala aam bhout hai
Rishton kay yahan paas to rakhtay hain sabhi par
Hairat hai keh lutnay ki sada aam bhout hai
Daawa hai keh her fard wafadaar hai yahan
HAi darj kitaabon main jafa aam bhout hai
Tum naik tamana'ein to rakhtay ho bhout "Qateel"
Iss shaher main naiki ki saza aam bhout hai
Na'janay kya kaha tha doobnay walay ne samandar se
Na'janay kya kaha tha doobnay walay ne samandar se
Keh lehrain aaj tak saahil pe aa kay sar patkhti hain
Hawa Aansoo bahaati hai iss se poocho
Hawa Aansoo bahaati hai
Iss se poocho
Issay bhi kya meri surat
Kisi ki yaad aati hai ?
Kasak koi staati hai
KAhin andar
Bhout andar
Koi shai tilmalaati hai
GAye lamhon ka koi gham
Koi be'dard sa humdam
Bhout dil ko jalaata hai
Youn hi shab bhar jagaata hai
Naye sapnay dikhaata hai
Issay poocho
Issay kisi ne
Wafa ka zakham bakhsha hai
Issay kis ne
Koi charkhaa lagaaya hai
Issay rogi banaya hai
Jo is ki gungunahat thi
Woh komal si jo Aahat thi
Woh gham se choor kaisay hai ?
Hawa ranjoor kaisay hai
Issay poocho
Hawa kiyon nohay gaati hai ?
Bhout Aansoo bahaati hai
Haath baalon main phairay to main so jaayon
Haath baalon main phairay to main so jaayon
Koi Qissa woh sunaye to main so jaayon
Uss se kehna keh mujhay neend nahin aati
Apni baanhon main sulaye to main so jaayon
Meri palkon pe sajay hain kahim raaton se diye
Koi palkon se bujhaye to main so jaayon
Aakhri saans mujhay moka de de yeh zara
Mera wada hai keh woh aaye to main so jaayon
Baad ki baad main dekhein gay us se kaho
Aaj ki raat na jaye to main so jaayon
Phir ussi be'wafa se pyaar bara mushkil hai
Phir ussi be'wafa se pyaar bara mushkil hai
Phir mohabbat kai Aetabaar bara mushkil hai
Dil ka her zakham to paband-e-wafa hai ab bhi
Bas yeh ronay pe ikhtiyaar bara mushkil hai
Zindagi maang loon tujh se , khushiyaan lakin
Phir chukaana tera udhaar bara mushkil hai
Rooth kar tum ne meray , Qissa-e-ulfat main sanam
Ab kay likha hai jo kirdaar bara mushkil hai
Zard chehray pe yeh kajal se bharri aankhein
Hum ne kehtay thay yeh singhaar bara mushkil hai
Dil to raaghib hai mohabbat ki taraf kya keejiye
Iss kay iqraar ka izhaar bar mushkil hai
Geeli zulfon ko jab chehray pe sajaya us ne
Geeli zulfon ko jab chehray pe sajaya us ne
Jaisay mehtaab ko badal main chupaya us ne
Ruk gayi gardish-e-duniya bhi us kay jalwey ki khatir
Jaisay hi baalon ko chehray se hataya uss ne
Moo-e-be'niaz jabeen par bikhray jis waqat
Chaand roshan ko girhan jaisay lagaya uss ne
Woh jo rukhsaaron pe gaysoo se giri thi shabnam
Boond ko moti ki surat main banaya uss ne
Tab mera hosla-e-emaan dag'magaata raha
Jab bhi zulfon ki chaaon main sulaya uss ne
Lay chali aankhon se neendain woh churra kar "Hasrat"
Jab baalon ko gira kay meray chehray par , jagaya uss ne
Sahib-e-izzat ho to phir zara soch kay karna
Sahib-e-izzat ho to phir zara soch kay karna
YEh ishq aksar Maqaam-e-zillat par lay jata hai
Mehtaab wohi gul wohi barsaat wohi hai
Mehtaab wohi gul wohi barsaat wohi hai
Ik tu hi nahin warna her ik baat wohi hai
Badla hi nahin dil main teri yaad ka mousam
TAnhai wohi dard wohi raat wohi hai
Mehfil main teri shor bhout hai magar ab bhi
Pabandi-e-izhaar-e-khiyalat wohi hai
Saanson main basi rehti hai ik yaad ki khushboo
Mehsoos yeh hota hai meray saath wohi hai
Meri soch mera gumaan adhoora reh gaya
Meri soch mera gumaan adhoora reh gaya
YEh bhola bhaala sa insaan adhoora reh gaya
Uss ne kaha tha keh ek ehsaan karna mujhay bhula dena
Mujhay her pal woh yaad aaya mera ehsaan adhoora reh gaya
Bula liya ussay kahin zamanay ki gardish ne
Uss shakhs ka mozu-e-biyaan adhoora reh gaya
Woh jo paas tha to mujhay koi kami na thi jaana
Woh jo bichra to mera sara jahan adhoora reh gaya
Phir bhi bethi hai khizaan baagh ki dewaar kay saath
Phir bhi bethi hai khizaan baagh ki dewaar kay saath
JAb keh patta bhi nahin hai koi ashjaar kay saath
Aik hai meri anaa, Aik anaa kis ki hai
Kis ne dewaar bana di meri dewaar kay saath
Tum baray log ho seedhay hi guzar jaatay ho
Warna kuch tang si galiyaan bhi hain bazar kay saath
Mustaqil dard ka soda hai zara narmi se
Kuch riayat bhi to kartay hain kharidaar kay saath
MAin ne pehchaan liya door se ghar tera hai
Phool liptay huye dekhye jahan dewaar kay saath
Saqi kisi madhosh jaam ka intizaam kar dy
Saqi kisi madhosh jaam ka intizaam kar dy
Uss ne aana hai aaj jaam sar-e-aam kar dy
Sab kay haath main ho jaam ussi kay naam ka
Aaj sara meh'khana nelaam kar dy
Tu rakh lay meri dosti ka bharram saqi
Botal bhi jhoom uthaye aaj kuch aisa ehtamaam kar dy
Ujra chehra bikhri zulfain be'jaan aankhein "Faraz"
Ujra chehra bikhri zulfain be'jaan aankhein "Faraz"
Mujhay to tum bhi kisi ki chahat kay maqrooz lagtay ho
Ab itni mukhtasir ho gayi hai guftagoo-e-yaran
Ab itni mukhtasir ho gayi hai guftagoo-e-yaran
Jo raat hui to subha bakhair , jo subha hui to bas ik salaam
Hum haath barhaein to teray oonchay dar-o-baam
Hum haath barhaein to teray oonchay dar-o-baam
Ehsaas dila detay hain Aoqaat main rehna
Ahmed Faraz, Parveen Shakir, Bushra rehman , Wasi shah
Ahmed Faraz Says :~
Ussay hum yaad aatay hain magar fursat kay lamhon main
Magar yeh baat bhi sach hai ussay fursat nahin milti
Parveen Shakir Says :~
Hum tasleem kartay hain hamein fursat nahin milti
Magar yeh bhi zara socho tumhain jab yaad kartay hain zamana bhool jatay hain
Bushra Rehman Says :~
Zamana bhool jatay hain teri ik deed ki khaatir
Khayalon se nikaltay hain to sadiyan beet jaati hain
Wasi Shah Says :~
Mana keh sadiyan beet jaati hain teray khayalon se nikalnay main
Lakin phir jab teri yaad aati hai to aanhkein bheeg jaati hain
Rukhsaar aisay tim'timatay hain janab kay
Rukhsaar aisay tim'timatay hain janab kay
Pehnay hon jaisay chand ne gajray gulab kay
Likha tera naam hi chahat kay khoon se
Ayo warq dikhaon main dil ki kitab kay
Pila dy aaj keh jee bhar kay royein
Niklain hamari aankh se Aansoo shahrab kay
Mil kay raat bhar phir bhi nahin mila
Suraj bata gaya keh yeh dhokay thay khwaab kay
Utra woh is tarah se samandar ki goad se
Jitnay bhanwar thay so gaye pehlu main aap kay
Deedar un ka kaisay ho aaj kal
Pehray hain chand kay chehray pe kaalay niqaab kay
Subscribe to:
Comments (Atom)
