Ajeeb log hain kiya khoob munsafi ki hai

Ajeeb log hain kiya khoob munsafi ki hai 

Hamaray qatal ko kehtay hain khud kushi ki hai 

Yeh baankpan tha hamara  keh zulam par hum ne 

Bajaye naala-o-fariyaad shairy ki hai 

Zara se paaon bhigoye thay ja kay dariya main 

Ghuroor yeh hai keh hum ne shanaawari ki hai 

Isi lahoo main tumhara safeena doobay ga 

Yeh qatal-e-aam nahin , tum ne khud kushi ki hai 

Hamari qadar karo chodween kay chaand hain hum 

Khud apnay daagh dikhaanay ko roshni ki hai 

Udaasiyon ko hafeez aap apnay ghar rakhain 

Keh anjuman ko zaroorat shaguftagi ki hai 

Uljhaao ka maza bhi teri baat hi main tha

Uljhaao ka maza bhi teri baat hi main tha 

Tera jawaab teray sawalaat hi main tha 

Saya kisi yaqeen ka bhi jis par na par saka 

Woh ghar bhi shaher-e-dil ki muzaafaat hi main tha 

Ilzaam kiya hai yeh bhi na jana tamaam umar 

mulzim tamaam umar hawalaat hi main tha 

Ab to faqat badan ki murawat hai darmiyaan 

Tha rabt jaan-o-dil ka to shoruaat hi main tha 

Mujh ko to qatal kar kay manaata raha hai jashan 

Woh zi'lihaaz shakhs meri zaat hi main tha 

Kiya sar-o-kaar ab kisi se mujhay

Kiya sar-o-kaar ab kisi se mujhay 

Waasta tha to tha tujhi se mujhay 

Be'hissi ka bhi ab nahin ehsaas

Kiya hua teri be'rukhi se mujhay 

Mout ki aarzoo bhi kar dekhon 

Kiya umeedain thi zindagi se mujhay 

phir kisi pe na aaitabaar aya 

Youn utaaro na apnay jee se mujhay 

Tera gham bhi na ho to kiya jeena 

Kuch tasali hai dard hi se mujhay 

Kar gaye kis qadar tabbah "Zia"

Dushman , andaaz-e-dosti se mujhay 

Soz-e-dil bhi nahin sakoon bhi nahin

Soz-e-dil bhi nahin sakoon bhi nahin 

Zindagi wabaal youn bhi hai 

Teri khwaish aur is qadar khwaish 

Wajah-e-haasil sahi junoon bhi hai 

Khush bhi hai iltafaat-e-dost se dil 

Ghairat-e-ishq sar nagoon bhi hai 

Jal kay bujh bhi gayi "Zia" aksar 

Aag seenay main joon ki toon bhi hai 

Dil ka kiya hai woh to chahaye ga musalsal milna

Dil ka kiya hai woh to chahaye ga musalsal milna 

Woh sitam'gar bhi magar sochay kisi pal milna 

Wahaan nahin waqat to hum bhi hain adeem-e-fursat 

Us se kiya kehaiyea jo roz kahay kal milna 

Ishq ki raah kay musaafir ka muqadar maloom 

Dasht-e-umeed main andeshay ka baadal milna 

Daaman-e-shab ko agar chaak bhi kar lain to kahaan 

Noor main dooba hua subha ka aanchal milna 

Dasht-e-shab par dikhaei kiya dain gi

Dasht-e-shab par dikhaei kiya dain gi 

Silwatain roshni main ubhrain gi 

Ghar ki dewaarain meray jaanay par 

Apni tanhaiyon ko sochain gi 

Ungliyon ko taraash doon phir bhi 

Aadatain us ka naam likhain gi 

Rang-o-boo se kahin panaah nahin 

Khwaishain bhi kahaan amaan dain gi 

Ek khushboo se bach bhi jaaon agar 

Doosri nikhatain jakar lain gi 

Khirkiyon pe da'beez parday hon 

Baarashain phir bhi dastakain dain gi 

Ab mujhay hai ussay bhulaa dena

Ab mujhay hai ussay bhulaa dena 

Ae khuda tu hi hosla dena 

Main nahin zindagi sawaali thi 

Meri ghairat ko yeh bata dena 

Sakhat jaani to hijar seh lay gi 

Tum mujhay doosri saza dena 

Aandhiyaan pehlay thamna ya'rab 

Tab meray haath main diya dena 

Jab mujhay tum pukaarna chaho 

Roshni , roshni , sadaa dena 

Ek jabar hai ab ehsaas-e-wafa bhi yeh dil main basaana theek nahin

Ek jabar hai ab ehsaas-e-wafa bhi yeh dil main basaana theek nahin 

Ab saaz-e-dil afsurda par , es geet ko gaana theek nahin 

Tum bhool chukay yeh sab behtar , tum chor chalay yeh aur acha 

Khwaabon main magar majbooriyon ka yeh aana jaana theek nahin 

Keh do keh nahin hum mil saktay , keh do keh koi majboori hai 

Lakin yeh labon tak la la kar baaton ko chupaana theek nahin 

Ae shouq-e-janoon ab baaz bhi aa , kuch maan bhi lay tu mera kaha 

Jo jaan kay bhi anjaan banay , gham us ko sunaana theek nahin 

Ab chor bhi do dewaana pan , ab bhool bhi jaao maazi ko 

Ae shams yeh pal pal khilwat main ashkon ka bahaana theek nahin 

Jo mil na saki mujh ko jageer naachti hai

Jo mil na saki mujh ko jageer naachti hai 

Aankhon main ab bhi teri tasveer naachti hai 

Apna bana kay tujh ko ghar to basa loon lakin 

Sar pe musaafarat ki shamsheer naachti hai 

Bach kar nikalna chahon lakin nikal na paaon 

Yaadon ki teri her soo tanveer naachti hai 

Hum sookhata dilon ka kiya haal poochtay ho 

Her roz sar pe koi tazeer naachti hai 

Paish-e-nazar hamaray khwaabon ki kirchiyaan hain 

Aur aainay ki surat tabeer naachti hai 

Kiya ho gaya hai tum ko kuch to bataao "Babar"

Maathay pe kiyon shikan ki zanjeer naachti hai  

Main idhar hoon yeh dil udhar kiyon hai

Main idhar hoon yeh dil udhar kiyon hai 

Aashnaayi ka yeh safar kiyon hai 

Mout ko un kay baad aana tha 

Haadsa phir yeh paish'tar kiyon hai 

Mujh ko mujrim to kar diya saabit 

Us kay chehray pe itna dar kiyon hai 

Mujh ko jalaana hai raat bhar lakin 

Aandhiyon ki idhar nazar kiyon hai 

Ghar se nikla tha manzilon kay liye 

Meri manzil mera hi ghar kiyon hai 

Zindagi phool chun rahi thi jo 

Aaj kaanton ki saij par kiyon hai 

Jis kay gham main hain matwaalay "gulshan"

Woh meray gham se be'khabar kiyon hai 

Honton pe hansi dekh li , dil kay andar nahin dekha

Honton pe hansi dekh li , dil kay andar nahin dekha 

Yaaron ne meray gham ka samnadar nahin dekha 

Kitni haseen hai duniya yeh dekha hai aap ne 

Mar mar kay jeenay walon ka manzar nahin dekha 

Sheeshay ka makaan tum ne bana too liya ae dost 

Lakin waqat kay haath ka pathar nahin dekha 

Rishton kay tootay ka dard aap kiya samjhain 

Woh lamha kabhi aap ne jee kar nahin dekha 

Bhatkay roshni ki talaash main na janay kahaan kahaan 

Afsoos kay apni rooh kay andar nahin dekha 

Dekhi hai us ki aankhon main nami 

Youn lagta hai jaisay samandar udaas dekha 

Garmi-e-shouq-e-nazaraa ka aasra to dekho

Garmi-e-shouq-e-nazaraa ka aasra to dekho 

Gul khil jaatay hain woh saya-e-dar to dekho 

Aisay nadaan to na thay jaan se guzarnay wale 

Naasiho , rehbar-o-rahguzar to dekho 

Woh to woh hain tumhain ho jaye gi ulfat mujh se 

Ek nazar tum mera mehboob-e-nazar to dekho

Woh jo ab chaak garebaan bhi nahin kartay hain 

Dekhnay walo kabhi un ka jigar to dekho 

Daaman-e-dard ko gulzaar bana rakha hai 

Aao ik din dil-e-purkhoon ka hunar to dekho 

Subha ki tarah jhamkaata hai shab-e-gham ka ufaq 

"Faiz" tabindagi-e-deeda-e-tar to dekho 

Abhi kuch nahin badla

Abhi kuch nahin badla 

Abhi raston ne dekha hi nahin badla huwa mousam 

Keh fasal-e-gul ussi tarah se hai shadaab-o-taza'tar 

Naye pattay toot kay girtay hain shaakhon se 

Na phoolon kay lab-e-la'lain main zardee hai 

Abhi bhi rag-e-sehraa ki fiza-e-subha main thandak hai 

Magar khoon kay alawo main tamaazat mojzan hai 

Sab hi ird gird baithay 

Zindagi ki garm saansain lay rahay hain 

Abhi aankhon kay jungle main 

Shana'saai kay jugnoo jhil'milaatay hain 

Abhi paani ne apna zaaiqa badla nahin hai 

Abhi kuch laaj baaqi hai 

Abhi bhi neechi nazron main 

Haya parwaan charti hai 

RAgon main surkh lawa beh raha hai 

Maloom nahin kiyon yaad aatay ho

Maloom nahin kiyon yaad aatay ho 

Saanson main tum bas gaye ho 

Aankhon main meri tum samaa gaye ho 

Maloom nahin kiyon itna yaad aatay ho 

Aankhon main tum , saanson main tum 

Bas tum hi tum , jo hamain itna yaad aatay ho 

Meri subha tum , shaam tum , her pal main tum 

Tum kon ho jo hum ko be'chain kar detay ho 

Mera her lamha mujh se choot jaata hai 

Mujhay be'chain kar detay ho , tum kon ho 

Keh do aaj teray dil main nahin koi aya hai

Keh do aaj teray dil main nahin koi aya hai 

Aaj jo hai samaa yeh bas tu ne banaya hai 

Is baar thukraya tu ne phir na thukraana 

Bari minatoon se khuda ko manaya hai 

Aap kay dil main ishq ki shamma jalanay ko 

Hum ne raat din khud ko jalaya hai 

Is janam main tu meri ho nahin sakti par 

Main ne aglay her janam kay liye tujh ko paya hai 

Kasak teray siwa aur kuch na chahyea , tu ne hi 

To is ghayal ko ishq karna sikhaya hai 

Hum se chahat na ziada jataya karo

Hum se chahat na ziada jataya karo 

Door rehtray ho kiyon paas aya karo

Tera jalwa kabhi hum ne dekha nahin 

Kabhi chehra hamin to dikhaya karo 

Roz ghairon ki majlis main jaatay ho tum 

KAbhi to apno ki majlis sajaya karo 

Hum ranjeeda bhi hain neem deeda bhi 

Aa kay dil tum hamara behlaya karo 

Teri majboorion ki khabar hai mujhay 

Baat baat pe qasmain na khaya karo

Teray waday pe hum ne bharosa kiya 

Kuch to ulfat ka tum bhi haq nibhaya karo

Chahnay wale ki chahat pe kar lo yaqeen 

Roshni main diya na jalaya karo 

Hum bhi humraaz hain tum bhi hum raaz ho 

Dil ki baat hum se na chupaya karo 

Bhrosay ne bhi dhoka dy diya hamain

Bhrosay ne bhi dhoka dy diya hamain 

To wafa se aasra kiya karain 

Jab dharkan ne hi dil ka saath na diya 

To sansoon ki arzoo kiya karain 

Palkon se saja gaya woh hamaray diye judaai kay 

Ab andhi se shikwa kaisay karain 

Kaha tha us ne keh aik din loat kay aaon ga 

Ab waqat se gila kaisay karain 

Zindagi ki kashti beech samnadar ataq gayi 

Jiyeain bhi to kaisay aur kaisay hum marain 

Hamaray qatal ko kehtay hain khud kushi ki hai

Ajeeb log hain kiya khoob munsafi ki hai 

Hamaray qatal ko kehtay hain khud kushi ki hai 

Yeh baankpan tha hamara  keh zulam par hum ne 

Bajaye naala-o-fariyaad shairy ki hai 

Zara se paaon bhigoye thay ja kay dariya main 

Ghuroor yeh hai keh hum ne shanaawari ki hai 

Isi lahoo main tumhara safeena doobay ga 

Yeh qatal-e-aam nahin , tum ne khud kushi ki hai 

Hamari qadar karo chodween kay chaand hain hum 

Khud apnay daagh dikhaanay ko roshni ki hai 

Udaasiyon ko hafeez aap apnay ghar rakhain 

Keh anjuman ko zaroorat shaguftagi ki hai 

Tera jawaab teray sawalaat hi main tha

Uljhaao ka maza bhi teri baat hi main tha 

Tera jawaab teray sawalaat hi main tha 

Saya kisi yaqeen ka bhi jis par na par saka 

Woh ghar bhi shaher-e-dil ki muzaafaat hi main tha 

Ilzaam kiya hai yeh bhi na jana tamaam umar 

mulzim tamaam umar hawalaat hi main tha 

Ab to faqat badan ki murawat hai darmiyaan 

Tha rabt jaan-o-dil ka to shoruaat hi main tha 

Mujh ko to qatal kar kay manaata raha hai jashan 

Woh zi'lihaaz shakhs meri zaat hi main tha 

Waasta tha to tha tujhi se mujhay

Kiya sar-o-kaar ab kisi se mujhay 

Waasta tha to tha tujhi se mujhay 

Be'hissi ka bhi ab nahin ehsaas

Kiya hua teri be'rukhi se mujhay 

Mout ki aarzoo bhi kar dekhon 

Kiya umeedain thi zindagi se mujhay 

phir kisi pe na aaitabaar aya 

Youn utaaro na apnay jee se mujhay 

Tera gham bhi na ho to kiya jeena 

Kuch tasali hai dard hi se mujhay 

Kar gaye kis qadar tabbah "Zia"

Dushman , andaaz-e-dosti se mujhay 

Zindagi wabaal youn bhi hai

Soz-e-dil bhi nahin sakoon bhi nahin 

Zindagi wabaal youn bhi hai 

Teri khwaish aur is qadar khwaish 

Wajah-e-haasil sahi junoon bhi hai 

Khush bhi hai iltafaat-e-dost se dil 

Ghairat-e-ishq sar nagoon bhi hai 

Jal kay bujh bhi gayi "Zia" aksar 

Aag seenay main joon ki toon bhi hai 

Woh sitam'gar bhi magar sochay kisi pal milna

Dil ka kiya hai woh to chahaye ga musalsal milna 

Woh sitam'gar bhi magar sochay kisi pal milna 

Wahaan nahin waqat to hum bhi hain adeem-e-fursat 

Us se kiya kehaiyea jo roz kahay kal milna 

Ishq ki raah kay musaafir ka muqadar maloom 

Dasht-e-umeed main andeshay ka baadal milna 

Daaman-e-shab ko agar chaak bhi kar lain to kahaan 

Noor main dooba hua subha ka aanchal milna 

Ghar ki dewaarain meray jaanay par

Dasht-e-shab par dikhaei kiya dain gi 

Silwatain roshni main ubhrain gi 

Ghar ki dewaarain meray jaanay par 

Apni tanhaiyon ko sochain gi 

Ungliyon ko taraash doon phir bhi 

Aadatain us ka naam likhain gi 

Rang-o-boo se kahin panaah nahin 

Khwaishain bhi kahaan amaan dain gi 

Ek khushboo se bach bhi jaaon agar 

Doosri nikhatain jakar lain gi 

Khirkiyon pe da'beez parday hon 

Baarashain phir bhi dastakain dain gi 

Ae khuda tu hi hosla dena

Ab mujhay hai ussay bhulaa dena 

Ae khuda tu hi hosla dena 

Main nahin zindagi sawaali thi 

Meri ghairat ko yeh bata dena 

Sakhat jaani to hijar seh lay gi 

Tum mujhay doosri saza dena 

Aandhiyaan pehlay thamna ya'rab 

Tab meray haath main diya dena 

Jab mujhay tum pukaarna chaho 

Roshni , roshni , sadaa dena 

Ab saaz-e-dil afsurda par , es geet ko gaana theek nahin

Ek ajbar hai ab ehsaas-e-wafa bhi yeh dil main basaana theek nahin 

Ab saaz-e-dil afsurda par , es geet ko gaana theek nahin 

Tum bhool chukay yeh sab behtar , tum chor chalay yeh aur acha 

Khwaabon main magar majbooriyon ka yeh aana jaana theek nahin 

Keh do keh nahin hum mil saktay , keh do keh koi majboori hai 

Lakin yeh labon tak la la kar baaton ko chupaana theek nahin 

Ae shouq-e-janoon ab baaz bhi aa , kuch maan bhi lay tu mera kaha 

Jo jaan kay bhi anjaan banay , gham us ko sunaana theek nahin 

Ab chor bhi do dewaana pan , ab bhool bhi jaao maazi ko 

Ae shams yeh pal pal khilwat main ashkon ka bahaana theek nahin 

Aankhon main ab bhi teri tasveer naachti hai

Jo mil na saki mujh ko jageer naachti hai 

Aankhon main ab bhi teri tasveer naachti hai 

Apna bana kay tujh ko ghar to basa loon lakin 

Sar pe musaafarat ki shamsheer naachti hai 

Bach kar nikalna chahon lakin nikal na paaon 

Yaadon ki teri her soo tanveer naachti hai 

Hum sookhata dilon ka kiya haal poochtay ho 

Her roz sar pe koi tazeer naachti hai 

Paish-e-nazar hamaray khwaabon ki kirchiyaan hain 

Aur aainay ki surat tabeer naachti hai 

Kiya ho gaya hai tum ko kuch to bataao "Babar"

Maathay pe kiyon shikan ki zanjeer naachti hai  

Aashnaayi ka yeh safar kiyon hai

Main idhar hoon yeh dil udhar kiyon hai 

Aashnaayi ka yeh safar kiyon hai 

Mout ko un kay baad aana tha 

Haadsa phir yeh paish'tar kiyon hai 

Mujh ko mujrim to kar diya saabit 

Us kay chehray pe itna dar kiyon hai 

Mujh ko jalaana hai raat bhar lakin 

Aandhiyon ki idhar nazar kiyon hai 

Ghar se nikla tha manzilon kay liye 

Meri manzil mera hi ghar kiyon hai 

Zindagi phool chun rahi thi jo 

Aaj kaanton ki saij par kiyon hai 

Jis kay gham main hain matwaalay "gulshan"

Woh meray gham se be'khabar kiyon hai 

Yaaron ne meray gham ka samnadar nahin dekha

Honton pe hansi dekh li , dil kay andar nahin dekha 

Yaaron ne meray gham ka samnadar nahin dekha 

Kitni haseen hai duniya yeh dekha hai aap ne 

Mar mar kay jeenay walon ka manzar nahin dekha 

Sheeshay ka makaan tum ne bana too liya ae dost 

Lakin waqat kay haath ka pathar nahin dekha 

Rishton kay tootay ka dard aap kiya samjhain 

Woh lamha kabhi aap ne jee kar nahin dekha 

Bhatkay roshni ki talaash main na janay kahaan kahaan 

Afsoos kay apni rooh kay andar nahin dekha 

Dekhi hai us ki aankhon main nami 

Youn lagta hai jaisay samandar udaas dekha 

Gul khil jaatay hain woh saya-e-dar to dekho

Garmi-e-shouq-e-nazaraa ka aasra to dekho 

Gul khil jaatay hain woh saya-e-dar to dekho 

Aisay nadaan to na thay jaan se guzarnay wale 

Naasiho , rehbar-o-rahguzar to dekho 

Woh to woh hain tumhain ho jaye gi ulfat mujh se 

Ek nazar tum mera mehboob-e-nazar to dekho

Woh jo ab chaak garebaan bhi nahin kartay hain 

Dekhnay walo kabhi un ka jigar to dekho 

Daaman-e-dard ko gulzaar bana rakha hai 

Aao ik din dil-e-purkhoon ka hunar to dekho 

Subha ki tarah jhamkaata hai shab-e-gham ka ufaq 

"Faiz" tabindagi-e-deeda-e-tar to dekho 

Abhi raston ne dekha hi nahin badla huwa mousam

Abhi kuch nahin badla 

Abhi raston ne dekha hi nahin badla huwa mousam 

Keh fasal-e-gul ussi tarah se hai shadaab-o-taza'tar 

Naye pattay toot kay girtay hain shaakhon se 

Na phoolon kay lab-e-la'lain main zardee hai 

Abhi bhi rag-e-sehraa ki fiza-e-subha main thandak hai 

Magar khoon kay alawo main tamaazat mojzan hai 

Sab hi ird gird baithay 

Zindagi ki garm saansain lay rahay hain 

Abhi aankhon kay jungle main 

Shana'saai kay jugnoo jhil'milaatay hain 

Abhi paani ne apna zaaiqa badla nahin hai 

Abhi kuch laaj baaqi hai 

Abhi bhi neechi nazron main 

Haya parwaan charti hai 

RAgon main surkh lawa beh raha hai 

Saanson main tum bas gaye ho

Maloom nahin kiyon yaad aatay ho 

Saanson main tum bas gaye ho 

Aankhon main meri tum samaa gaye ho 

Maloom nahin kiyon itna yaad aatay ho 

Aankhon main tum , saanson main tum 

Bas tum hi tum , jo hamain itna yaad aatay ho 

Meri subha tum , shaam tum , her pal main tum 

Tum kon ho jo hum ko be'chain kar detay ho 

Mera her lamha mujh se choot jaata hai 

Mujhay be'chain kar detay ho , tum kon ho 

Aaj jo hai samaa yeh bas tu ne banaya hai

Keh do aaj teray dil main nahin koi aya hai 

Aaj jo hai samaa yeh bas tu ne banaya hai 

Is baar thukraya tu ne phir na thukraana 

Bari minatoon se khuda ko manaya hai 

Aap kay dil main ishq ki shamma jalanay ko 

Hum ne raat din khud ko jalaya hai 

Is janam main tu meri ho nahin sakti par 

Main ne aglay her janam kay liye tujh ko paya hai 

Kasak teray siwa aur kuch na chahyea , tu ne hi 

To is ghayal ko ishq karna sikhaya hai 

Dil ki baat hum se na chupaya karo

Hum se chahat na ziada jataya karo 

Door rehtray ho kiyon paas aya karo

Tera jalwa kabhi hum ne dekha nahin 

Kabhi chehra hamin to dikhaya karo 

Roz ghairon ki majlis main jaatay ho tum 

KAbhi to apno ki majlis sajaya karo 

Hum ranjeeda bhi hain neem deeda bhi 

Aa kay dil tum hamara behlaya karo 

Teri majboorion ki khabar hai mujhay 

Baat baat pe qasmain na khaya karo

Teray waday pe hum ne bharosa kiya 

Kuch to ulfat ka tum bhi haq nibhaya karo

Chahnay wale ki chahat pe kar lo yaqeen 

Roshni main diya na jalaya karo 

Hum bhi humraaz hain tum bhi hum raaz ho 

Dil ki baat hum se na chupaya karo 

To wafa se aasra kiya karain

Bhrosay ne bhi dhoka dy diya hamain 

To wafa se aasra kiya karain 

Jab dharkan ne hi dil ka saath na diya 

To sansoon ki arzoo kiya karain 

Palkon se saja gaya woh hamaray diye judaai kay 

Ab andhi se shikwa kaisay karain 

Kaha tha us ne keh aik din loat kay aaon ga 

Ab waqat se gila kaisay karain 

Zindagi ki kashti beech samnadar ataq gayi 

Jiyeain bhi to kaisay aur kaisay hum marain