Woh log bhout kush qismat thay

Woh log bhout kush qismat thay 

Jo ishq ko kaam samjhtay thay 

Ya kaam se aashiqui kartay thay 

Hum jeetay jee masroof rahay 

Kuch ishq kiya kuch kaam kiya 

Kaam ishq ky aaray ata raha

Aur ishq se kaam uljhta raha 

Phir aakhir tang aa kar hum ne 

Dono ko adhoora chor dia

Tanhaiyon ka dard liye meray dil kay sath

Tanhaiyon ka dard liye meray dil kay sath

Shab bhar teray khayal main jalti hai zindagi

Is raat ki udasiyon se poocho hamaray dil ki halat

Is raat ki udasiyon se poocho hamaray dil ki halat 

Jab tumhari yaad aati hai andheray aur bhi gehray ho jaatay hain

Kahin umeed si hai dil kay nihaan khanay main

Kahin umeed si hai dil kay nihaan khanay main

Abhi kuch waqat lagay ga ussay samjhanay main

Mousam-e-gul ho keh patt jhar ho bala se apni

Hum keh shamil hain na khilnay main na murjhanay main

Hum se makhfi nahin kuch rah guzar shouq ka haal

Hum ne ik umar guzaari hai hawa kahnay main

Hai youn hi ghoomtay rehnay ka maza hi kuch aur

Aisi lazzat na poochnay main na reh janay main 

Naye dewano ko dekhein to khushi hoti hai 

Hum bhi aisay hi thay jab aaye thay veerani main 

Mousam ka koi mehram ho to uss se poocho 

Kitnay patt jhar abhi baaqi hain bahaar aanay main 

Kis khawab ki yeh hum ko tabeer nazar aayi

Kis khawab ki yeh hum ko tabeer nazar aayi 

Zindaan nazar aaya , zanjeer nazar aayi 

Sab apnay azabon main sab apnay hisabon main 

Duniya yeh qayamat ki tasveer nazar aayi 

Kuch dekhtay rehnay se , kuch sochtay rehnay se

Ek shakhs main duniya ki taqdeer nazar aayi 

Jalta tha main Aagon main rota tha main khawabon main 

Tab harf main yeh apni tasveer nazar aayi 

Darbaar main haazir hain phir ehal-o-qalam apnay 

Kya harf-e-biyaan main hai taseer , nazar aayi 

Ek khawab kay aalam main dekha keh hum dono 

Lo shamma ki shab hum ko shamsheer nazr aayi 

Un zameeno main woh kaam kiye hum ne 

Phir un ki zameen apni jageer nazar aayi

Mohabbaton pe bhout itamaad kiya karna

Mohabbaton pe bhout itamaad kiya karna 

Bhula chukay hain ussay phir se yaad kya karna 

Woh be'wafa hi sahi uss pe tohmatein kaisi 

Zara si baat pe itna fasaad kya karna 

Mukhalifon se to mumkin hai dosti apni 

Munafiqon se magar itihaad kya karna 

Nigah main jo utarta hai dil se kiyon utray 

Dil-o-nigah main paida tazaad kya karna 

Main is liye ussay ab tak na choo saka Mohsin 

Woh aaina hai ussay sang-zaad kya karna

Ik bheegi shaam kay saaye main chupkay se agar tum aayo

Ik bheegi shaam kay saaye main 

Chupkay se agar tum aayo 

Yeh shaam sohaani ho jaye 

Rangeen kahani ho jaye

Woh baat jo hum na keh paye 

Aankhon ki zubani ho jaye 

Koi pyaar ki baatein tum chero 

Koi pyaar ki baat sunaein hum 

Phir pyaar karain youn hum dono 

Yeh raat sohaani ho jaye 

Main baithon teray pehlu main 

Kuch dil ki baatein ho jayein 

Tum ungliyan phairo baalon main 

Hum meethi neend so jayein 

Aik bheegi shaam kay saaye main 

Chupkay se agar tum aa jaao