Arsa beeta hai bin dekhye janay ab woh kaisi ho gi kaisi ho gi

Pagal woh kar deti ho gi 

ab bhi jab woh hansti ho gi 

Mujh ko to barbaad kiya hai 

Khud bhi shayed roti ho gi 

Arsaa beeta hai bin dekhye 

Janay ab woh kaisi ho gi 

Us kay haath ki rekhaon main 

ik rekha meri bhi ho gi 

Jis din us se milna ho ga 

shaam bhi uss kay jaisi ho gi 

Dulhan ban kar woh is dil main 

Socho kaisi lagti ho gi 

Jin haathon ko main en chooma 

Un ko ab tak tak'ti ho gi 

Sun kar mera naam woh shayed 

Mujh ko yaad to karti ho gi 

Arsa beeta hai bin dekhye 

Janay ab woh kaisi ho gi kaisi ho gi 

Gham ki dukaan khol kar baitah huwa tha Sahil

Gham ki dukaan khol kar baitah huwa tha Sahil 

Aansoo nikal paray hain kharidaar dekh kar

Ae jal'laad sooli charha do ab is ko

Ae jal'laad sooli charha do ab is ko 

Bhout kar li barbaadi nasal-e-Aadam ki ishq ne

Tum ko kya khabar hum udaas logon par

Tum ko kya khabar hum udaas logon par 

Shaam kay sabhi manzar ungliyaan uthatay hain

Aankh samandar , lab sehra , aur chehray pe hoo ka Aalam

Aankh samandar , lab sehra , aur chehray pe hoo ka Aalam 

Raaz chupanay ki koshish main , tum to charcha kar baithay

Meray wajood ko tu samait lay main bikhar raha hoon zara zara

Meray wajood ko tu samait lay 

Main bikhar raha hoon zara zara 

Meray aanso'on ko bhi poonch lay 

Main sisak raha hoon zara zara 

Meri chahaton ko samjh kabhi 

Meri hasraton ka khayal kar 

Teray deedar ki ik aarzoo main 

Main tarap raha hoon zara zara 

Apnay payar ka ik diya 

meri raah main tu jala kabhi 

Andheri raat ka naag mujhay 

das raha hai zara zara 

Aa dil pe meray haath rakh 

Meri dharkano ko qaraar de 

Meri saans to hai chal rahi 

par jee raha hoon zara zara

Mujhay sonay do zindagi bhar ka thaka hua hoon

Mujhay sonay do zindagi bhar ka thaka hua hoon 

Kuch dair ko to araam lenay do 

Safar zeest main guzri umar 

Kisi ki talaash main katti umar 

Sar gardaan raha umar bhar 

Dukh se naata raha umar bhar 

Sukh-o-chain ko raha main tarasta 

Apnay hi aansoo raha peeta 

Zulam her ik ka sehta raha 

Chot kha kay bhi main muskurata raha 

Din meray liye azaab thay 

Raaton ko teri yaad kay nisaab thay 

Khushiyon kay kuch sapnay thay 

Zulam-o-sitam karnay walay apnay thay 

Dukhon ko damanmain samait'ta raha 

Tanhai main akela rota raha 

Aankhon ka saath paani chor gaya 

Sagar apni rawani chor gaya 

Aaj ik khushi ka lamha aaya 

Maa kay jaisay thapak kay mujhay sulaaya 

Apni laash pe mujhay ronay do 

Apni miyyat pe maatam mujhay karnay do 

Logo mujhay sonay do

Phir yaad bhout aayi gi zulfon ki ghanni shaam

Phir yaad bhout aayi gi zulfon ki ghanni shaam 

Jab dhoop main saaya koi sar par na milay ga

Farz karo hum ehal-e-wafa hon

Farz karo hum ehal-e-wafa hon 

Farz karo dewane hon 

Farz karo 

yeh dono baatein jhooti hon afsanay hon 

Farz karo  

ye jee ki bipta jee se sunaayi hi 

Farz karo 

Abhi aur ho itni aadhi hum ne chupai ho 

Farz karo  

Tumhain khush karnay kay dhoonday hum ne bahanay hon 

Farz karo 

ya nahin tumharay sach much meh'khanay hon 

Farz karo  

YEh rog ho jhoota jhooti pareet hamari ho 

Farz karo 

IS preet kay rog main saans hum par bhaari ho 

Farz karo  

yeh jog ba jog keh hum ne dhong rachaya ho 

Farz karo 

Bas yahi haqeeqat baaqi sab maaya ho 

Bhout maan tha mujhay jis par

Bhout maan tha mujhay jis par 

Bara be'imaan nikla woh shakhs

Aray dekho hum dewano ko , na deen kay na duniya kay

Aray dekho hum dewano ko , na deen kay na duniya kay 

Ae ishq tu to shaitaan se bhi bara shaitaan nikla

Yeh ishq-o-mohabbat samjh se bala tar hain ghalib

Yeh ishq-o-mohabbat samjh se bala tar hain ghalib

Ilam hota to Aalim hotay , fun hota to maahir hotay

Itna qareeb aa keh jee bhar kay dekh loon

Itna qareeb aa keh jee bhar kay dekh loon

Shayed keh phir milo to yeh zouq-e-nazara na ho

Youn utro meray dil main Aankhon kay rastay se

Mujh main samaa jaao , nazar ko khabar na ho

Muddat hui milay nahin ik doosray se hum

Aaj sab gilay mitta do , koi shikwa phir na ho

Meray samnay baithay rahao , main dekhta rahon

Ruk jaye kaash waqat , tulo-e-sehar na ho

KAr lo mujh se wada meray ho , bas meray

JAb saath mera do to , zamanay ka dar na ho

Aaye ho ab keh jo tum to aik shab qayaam kar lo 

Shayed keh phir guzar ho to mera ghar na ho 

Mumkin hai keh tarteeb-e-waqat main aisa bhi lamha aaye 

Keh dastak ko tera haath uthay aur mera dar na ho 

Meray liye to dil tera shayed beqaraar nahin hota

Meray liye to dil tera shayed beqaraar nahin hota 

Aa jaa keh ab mujh se aur intizaar nahin hota 

Subha ka wada tha ab shaam bhi dhalnay lagi 

Phir deti ho ilzaam keh tumhain aetabar nahin hota 

Ab teri zulfon kay saaye main sona hai mujhay 

Tum kehti thi bhout keh tum se inkaar nahin hota 

Le jaata kahin door tumhain main is duniya se 

Roz-e-mehshar main agar yeh jurm shumaar nahin hota 

Kon kehta hai keh mujhay pyaar nahin tum se 

Pyaar to itna hai mujhay keh shumaar nahin hota 

Itnay diye zakham mujhay is duniya ne 

Keh ab jo bhi lagay chot yeh dil sogwaar nahin hota