Youn hi to deep nahin raah main jalaya tha

Youn hi to deep nahin raah main jalaya tha 

Chragh jaisa koi shakhs yaad aaya tha 

Woh dost tha magar us ne kabhi na poocha haal 

Yeh aur baat keh main ne bhi kab bataya tha 

Na'janay kiyon meri halat pe log hanstay rahay 

Kisi ka main ne yahan dil nahin dukhaya tha 

Qasoor'waar samjhnay laga main khud ko bhout 

Kuch is ta'paak se us ne galay lagaya tha 

Khizan darakhton se kamray main aa chuki thi Hassan

Hawa ne mujh ko bhout baad main jagaya tha 

Dareechay se jhankti woh larki ajeeb dukh se bhari hui hai

Dareechay se jhankti woh larki ajeeb dukh se bhari hui hai 

Keh us kay aangan main phool par aik neeli titli marri hui hai

Kabhi azano main khoi khoi , kabhi nimazon main roi roi 

Woh aisay duniya ko dekhti hai keh jaisay is se dari hui hai 

Dard se mehki mehki saansain wazeefa parhti hui woh aankhain 

Keh aik shamma-e-umeed un main kai baras se dhari hui hai 

Woh dukh ki chadar main lipti lipti , woh kaalay kapron main simti simti 

Mohabbat us ne kisi se shayed meri tarah hi kari hui hai 

Baray zamano kay baad barsi hain meri aankhain kisi ki khatar 

Baray zamano kay baad dil ki zammen phir se hari hui hai 

Poet : Hassan Abbasi