Karnay gaye thay Uss se taghafal ka hum gila

Karnay gaye thay Uss se taghafal ka hum gila

Ki aik hi nigah keh bas khaak ho gaye  

Main jo kehta hoon keh hum lain gay qayamat main tumhein

Main jo kehta hoon keh hum lain gay qayamat main tumhein 

Kis ra'oonat se woh kehtay hain keh hum hoor nahin 

Her ik baat pe kehtay ho tum keh "to kya hai "

Her ik baat pe kehtay ho tum keh "to kya hai "

Tum hi kaho keh yeh andaz-e-gutagoo kya hai 

Na shola main yeh karishma na barq main yeh adaa

Koi batao keh woh shokh-e-tund-e-khu kya hai 

Yeh rashk hai keh woh hota hai hum sukhan tum se

Wa'garna khouf-e-bad'amozi-e-adu kya hai 

Chipak raha hai badan par lahu se peh'rahan 

Hamari jaib ko ab hajit-e-rafu kya hai 

Jala hai jism jahan , dil bhi jal gaya ho ga !

Kuraidtay ho jo ab raakh , justagoo kya hai 

Ragon main doortay phirnay kay hum nahin qayel 

Jab aankh se hi na tapka , to phir lahu kya hai ?

Phir mujhay deeda-e-tar yaad aaya

Phir mujhay deeda-e-tar yaad aaya 

Dil-e-jiger tishna-e-fariyaad aaya 

Zindagi youn bhi guzar hi jaati 

Kiyon tera raah guzar yaad aaya 

Phir teray koocha ko jaata hai khayal 

Dil-e-gum gashta magar yaad aaya 

Koi veerani si veerani hai 

Dasht ko daikh kay ghar yaad aaya 

Main ne majnu pe , lark'pan main "Asad"!

Sang uthaya tha , keh sar yaad aaya 

Aashiqui sabar talab aur tamana be'taab

Aashiqui sabar talab aur tamana be'taab 

Dil ka kya rang karoon khoon-e-jiger honay tak 

Hum ne maana keh taghafal na karo gay lakin 

Khaak ho jayein gay hum tum ko khabar honay tak 

Par to khor se hai shabnam ko fanaa ki taleem 

Main bhi hoon aik inayat ki nazar honay tak 

Yak nazar baish nahin fursat hasti-e-ghafil

Garmi-e-bazam hai ik raqs-e-sharar honay tak 

Gham-e-hasti ka "Asad' kis se ho juz marg-e-ilaaj 

Shamha her rang main jalti hai sehar honay tak 

Kabhi jo yaad bhi aata hoon main , to kehtay hain

Kabhi jo yaad bhi aata hoon main , to kehtay hain 

Keh "Aaj bazam main kuch fitna-o-fasaad nahin "

Ujray huay ghar ka main woh darwaza hoon Ghalib

Ujray huay ghar ka main woh darwaza hoon Ghalib

deemak ke tarah kha gaye jissay teri dastak ki tamana

Na tha kuch to khuda tha , kuch na hota to khuda hota

Na tha kuch to khuda tha , kuch na hota to khuda hota 

Daboya mujh ko honay ne , na hota main to kya hoat ?

Hua jab gham se youn be'hiss to gham kya sar kay katnay ka 

Na hota gar juda tan se , to zano pe dhara hota 

Hui muddat keh "Ghalib" mar gaya par yaad aata hai 

Woh her ik baat par kehna keh youn hota to kya hota ?

Woh milay bhi to khuda kay darbaar main "Ghalib"

Woh milay bhi to khuda kay darbaar main "Ghalib"

Ab tu hi bata , Mohabbat kartay ya Ibaadat

Kitni zalim hoti hai yeh pal do pal ki dosti Ghalib

Kitni zalim hoti hai yeh pal do pal ki dosti Ghalib 

Na chahtay huye bhi dil ko kisi ka intizaar sa rehta hai

zulmat kaday main mere shab-e-gham kaa josh hai

zulmat kaday main mere shab-e-gham kaa josh hai
ik shamma hai daliil-e-sahar, so khamosh hai

naa muzdaa-e-visaal na nazaara-e-jamaal
muddat hui keh aashtii-e-chashm-o-gosh hai

mai ne kiyaa hai husn-e-khud_aara ko be_hijaab
ae shauq yaa.n ijaazat-e-tasliim-e-hosh hai

gauhar ko ikd-e-gardan-e-khubaa.n me.n dekhanaa
kyaa auj par sitaaraa-e-gauhar_farosh hai

diidaar, vaadaa, hausalaa, saaqii, nigaah-e-mast
bazm-e-khayaal maikadaa-e-be_kharosh hai

ae taazaa vaaridan-e-bisaat-e-havaa-e-dil
zi.nhaar gar tumhe.n havas-e-na-o-nosh hai

dekho mujhe jo diidaa-e-ibarat_nigaah ho
merii suno jo gosh-e-nasiihat_niyosh hai

saaqii ba_jalvaa dushman-e-imaa.n-o-aagahii
mutarib ba_nagmaa rahazan-e-tamkiin-o-hosh hai

yaa shab ko dekhate the ki har goshaa-e-bisaat
daamaan-e-baagabaa.n-o-kaf-e-gul_farosh hai

lutf-e-khiiraam-e-saaqii-o-zauq-e-sadaa-e-chang
ye jannat-e-nigaah wo firdaus-e-gosh hai

ya subh dam jo dekhiiye aakar to bazm main
naa vo suruur-o-soz na josh-o-kharosh hai

daag-e-firaaq-e-sohabat-e-shab kii jalii hui
ik shammaa rah gaii hai so vo bhii khamosh hai

aate hain ghaib se ye mazaamin khayal main
‘ghalib’, sariir-e-khama-e-navaa-e-sarosh hai

Gayi woh baat ki ho guftagoo to kiyon kar

Gayi woh baat ki ho guftagoo to kiyon kar

kahin se kuch na hua phir kaho to kiyon kar ho

humare zehan mein is fikr ka hai naam wisaal
ki gar na ho to kahan jaayen ho to kiyon kar ho

adab hai aur yahi kash'makash to kya kiije
hayaa hai aur yahi go'ma'go to kiyon kar ho

tumhin kaho ki guzara sanam paraston ka
buton ki ho agar aisi hi Khu to kiyon kar ho

uljhate ho tum agar dekhte ho aaina
jo tum se shahar mein hon ek do to kiyon kar ho

jise naseeb ho roz-e-siyaah mera saa
Wo shaqs din na kahe raat ko to kiyon kar ho

humein phir un se umeed aur unhin humari qadr
humari baat hi puchhe na wo to kiyon kar ho

Galat na tha humein Khat par gumaan tasalli ka
na maane deedaa_e deedaar ju to kiyon kar ho

bataao us mishaa ko dekhakar ho mujh ko qarar
Yah nesh ho rag_e jaan mein faro to kiyon kar ho

mujhe junoon nahi Gaalib wale baqaul_e huzoor
firaaq-e-Yar mein taskeen ho to kiyon kar ho

Be'khudi be'sabab nahin ghalib

Be'khudi be'sabab nahin ghalib

Kuch to hai jis ki parda daari hai

ஜ۩۞۩ஜ♥ஜ۩۞۩ஜ♥ஜ۩۞۩ஜ

Bana kar faqeeron ka hum bhais ghalib

Bana kar faqeeron ka hum bhais ghalib 

Tmasha-e-ehle-e-karam dekhtay hain

Jahan tera naqsh-e-qadam dekhtay hain

Jahan tera naqsh-e-qadam dekhtay hain 

Khiyabaan khiyabaan arm dekhtay hain 

Dil aashafta  gaan khaal-e-kanj-e-dehan ke 

Saweeda main sair-e-adm dekhtay hain 

Teray saroo-e-qamat se ik qad-e-adam

Qayamat ke fitnay ko kam dekhtay hain 

Tamasha kar Ae mehv-e-aaina daari

Tujhe kis tamana se hum dekhtay hain 

Suraag-e-tuf-e-naal-e-daagh-e-dil se 

Keh shab ru ka naqsh-e-qadam dekhtay hain 

Bana kar faqeeron ka hum bhais ghalib 

Tamashaye Ehl-e-karam dekhtay hain

Poet : Mirz Ghalib

Aah ko chahiye ik umar asar hone tak

Aah ko chahiye ik umar asar hone tak 

Kon jeeta hai teray zulf ke sar hone tak 

Daam her moj main hai , halqa-e-sad kaam-e-nahing

Dekhain kiya guzray hai qatray pe gehar hone tak 

Aashqui sabar talab aur tamana be'taab 

Dil ka kiya rang karon khoon-e-jigar hone tak 

Hum ne mana keh taghafal na karo gy lakin 

Khaak ho jayein gy hum tum ko khabar hone tak

Par tu khud se hai shabnum ko fanaa ki taleem 

MAin bhi hoon ik inayat ki nazar hone tak 

Yak nazar baish nahin , fursat hasti-e-ghafil 

Garmi bazam hai ik raqs shr'rr hone tak 

Gham hasti ka asad kis se ho marg-e-ilaaj

Shamaa her rang main jalti hai sehar hone tak 

Poet : Mirza Ghalib

Dil-e-nadan tujhe hua kiya hai ?

Dil-e-nadan tujhe hua kiya hai ?

Aakhir is dard ki dawa kiya hai ?

Hum hain mushtaaq aur woh baizaar

Ya'ilaahi yeh majraa kiya hai ?

Main bhi munh main zubaan rakhta hoon 

Kaash poocho ke muda'a kiya hai

Jab keh tujh nahin koi mojood

Phir yeh hangama. Ae khuda kiya hai 

YEh pari chahera log kaisay hain 

Gham'za-o-ashwa-o-ada kiya hai 

Shikan zulf-e-ambreen kiyon hai 

Nigah chasham-e-sumaa sa kiya hai

Sabza-o-gul kahan se aye hain 

Abar kiya cheez hai , hawa kiya hai 

Hum ko un se wafa ki hai umeed 

Jo jaantay nahin wafa kiya hai 

Jaan tum par nisaar karta hoon 

Main nahin jaanta wafa kiya hai 

Haan bhala kar tera bhala ho ga 

aur darwaish ki sadaa kiya hai

Main ne maana keh kuch nahin ghalib 

Mufat haath aye to bura kiya hai

Poet : Mirza Ghalib

Muddat hui yaar ko mehmaan kiye huye

Muddat hui yaar ko mehmaan kiye huye 

Josh qadha se bazam-e-chraaghan kiye huye

Karta hoon jamma phir jiger lakht lakht ko 

Arsa hua hai dawat-e-mazgaan kiye huye 

Phir wazah ehtiyaat se ruknay laga hai dam 

Barson huye hain chaak-e-giribaan kiye huye 

Dil phir tawaaf koo-e-malamat ko jaye hai 

Pindaar ka sanam 'kadha veraan kiye huye 

Phir shouq kar raha hai kharidaar ki talab 

Arz mata-e-aqal-o-dil-o-jaan kiye huye 

Phir chahta hoon , naam-e-dildaar kholna 

Jaan nazar dil'faraibi , unwaan kiye huye 

Phir jee main hai keh dar pe kisi kay paray rahain 

Sar zer-e-baar-e-minat-e-darbaan kiye huye 

Jee dhoondta hai phir wohi fursat ke raat din 

Baithay rahay tasawar-e-janaa kiye huye 

"Ghalib" hamain na chairr keh phir josh ashk se

Baithay hain hum Taahiya-e-toofaan  kiye huye 

Poet : Mirza Ghalib

Ishq pe zor nahin hai yeh woh aatish ghalib

Ishq pe zor nahin hai yeh woh aatish ghalib 

Keh lagaye na lage aur bhujaye na bujhay

Hum ko maloom hai jannat ki haqeeqat lakin

Hum ko maloom hai jannat ki haqeeqat lakin 

Dil ke khush rakhney ko ghalib yeh khyaal acha hai