Imran's Poetry: 03/12/15

Mar 12, 2015

Khuda woh waqat na laye keh so'gawaar ho tum

Sukoon ki neend tujhay bhi haraam ho jaye

Wafa ka naam suna tha puranay logon se

Hamaray waqat main yeh hadsa hua hi nahin

Ek shakhs paband kar gaya mujhay lamhon ki qaid main

Aankhon main apni yaad kay pehray bitha gaya

Baqi hum ehal-e-dil se yeh duniya bhi khush nahin

Jayein kahan keh sar pe falak uss taraf bhi hai

Bol do dil ki baat hum tera naaz rakhein gay

Keh do aaj her ik baat hum tera raaz rakhein gay

Tum ko hum se chahat hai ya nafrat kya pata

Kar do apnay jazbaat ka izhaar hum tera raaz rakhein gay

Mat samjhna keh tum ko ruswa karain gay zamanay main

Qasam hai hum ko teri yaar hum tera raaz rakhein gay

Mat ghabraao zamanay ki uljhano se

Bata do aaj her ik raaz hum tera raaz rakhein gay

Teray jalway ab mujhay her su nazar aanay lagay

Kaash yeh bhi ho keh mujh main tu nazar aanay lagay

Ibtada yeh thi keh dekhi thi khushi ki ik jhalak

Intaha yeh hai keh gham her su nazar aanay algay

Be'qaraari barhtay barhtay dil ki fitrat ban gayi

Shayed ab taskeen ka pehlu nazar aanay lagay

Khatam kar de Ae saba ab shaam-e-gham ki daastan

Dekh un aankhon main bhi Aansoo nazar aanay lagay

Jinhain chaha bhout hum ne magar apna nahin paye

Bhout aankhon ne baarish ki mujhay woh yaad jab aaye

BAray dawey thay hamein tum se juda ho kar bhi jee lain gay

MAgar ik lamha bhar ki hum judai seh na paye

MAin jin ki raah takta hoon na janay kitnay arsay se

Koi un se zara poochye woh milnay kiyon nahin aaye

NA janay kab se apnay aap ko hum to badal baithay

YEh qismat kay sitaaray kiyon badalnay ko nahin aaye

Ae qasid tum kaho un se woh larna chor dain hum se

Woh jab se rooth baithay tab se hum bhi so nahin paye

Khudaya shukar hai tera keh yaadon par nahin pehra

Agar yaadon pe pehra ho to phir Aashiq kahan jaye

Jo kehtay hain mohabbat kuch nahin hoti zamanay main

Woh khud bhi to mohabbat kay bina kiyon reh nahin paye

Wahan nahin waqat to hum bhi hain Adeem-ul-fursat

Us se kya kehiye jo her roz kahay kal milna

Kon sunta hai bhala ab yeh kahani meri

Heer jaisi thi woh ik larki dewani meri

Charhtay suraj ki maanind tha us ka husn-o-jamaal

Khilti hui dhoop kay jaisi thi jawani meri

Phool aur kaanton kay jaisa tha pal bhar ka saath

Zid thi us main bhout , baat na maani meri

Ab dareechon main kahin baith kay roti ho gi

Haath main thaam kay woh koi nishaani meri

Taptay sehra main ho jaisay akela musafir "Mohsin"

Youn guzarti hai ab zind'gaani meri

Faqat itni guzarish thi

Mujhay kuch roshni dena

Tumhain kis ne kaha tha yeh

Meri basti jala dena

Jissay baarish kay paani main

Baha kar muskuratay thay

Mujhay kaaghaz ki woh kashti

Zara phir se bana dena

Tumhara raasta phir umar bhar thakan se acha hai

KEh tum janay se kuch pehlay

Meri aankhein bujha dena

Main ne ik umar kay khawabon ko teray naam kiya

Apnay ehsaas ko kar meray hawalay tu bhi

Na jala itnay diye meri raah'guzar main

Keh manzil ko bhool kay mujhay raahon se pyaar ho jaye

Kya lagay raat keh phir dil main samaya koi

Raat bhar phirta hai is shaher main saya koi

Fikar yeh thi keh shab-e-hijar kattay gi kiyon kar

Lutf yeh hai keh hamein yaad na aaya koi

Shouq yeh tha keh mohabbat main chalain gay chup chaap

Ranj yeh hai keh tamasha na dikhaya koi

Shaher main hum'dam dereena bhout thay

Waqat parnay par meray kaam na aaya koi

Lehja aisa keh mut'maein kar dy

Kitna sacha hai meray yaar ka jhoot

Shaamat meri dil un ko dikhaya nikaal kar

Chaltay huye woh jaib main chupkay se daal kar

MArg-e-raqeeb ka na ziyada malaal kar

Tera kidhar khayal hai , ? apna khayal kar

Ulfat ki hum balaa main phansay daikh bhaal kar

Dil ko ghazab main daal diya aankh daal kar

Mujh ko diya hai garcha lab-e-yaar ne jawaab

Aankhein yeh keh rahi hain dobaara sawal kar

Liya koi us kanaaye ko pechaanta nahin

Detay ho gaaliyaan mujhay ghairon pe daal kar

Apni her baat bhool gaya woh guzray huye kal ki tarah

Toot kar jissay chaha tha pagal ki tarah

Agar meri hasti bhi mit jaye to zara gham nahin

Bas do pal aankh main saja loon kajal ki tarah

Raat dhaltay hi seenay main dard ki lehar uth'ti hai

Thehray huye pani man kisi hal'chal ki tarah

Mujhay kis taraf jana hai kuch khabar nahin

Meray raastay bhi kho gaye meri manzil ki tarah

Zara si thokar lagi to tukray tukray ho gaya

Aaina bhi nikla bilkul saahil ki tarah

Tum hi tum yaad rehtay ho

Kisi bhi moj melay main

ya duniya kay jhamailay main

Her ik shay chor kar bilkul

Main jab bethon akelay main

Tum hi tum yaad rehtay ho

Zamana bhool jaata hai

Khushi ki baat ho koi

Ghamon ki raat ho koi

Kisi se jeet jaaon main

Ya meri haar ko koi

Main jab bhi sonay lagta hoon

To aksar ronay lagta hoon

Jo dukh main bhool aaya tha

Phir un main khonay laga hoon

Meray tann main , meray mann main

Meri rag rag main behtay ho

Tum hi tum yaad rehtay ho

Dil ne gham kay pahaar ko dekha

Main ne khud main daraar ko dekha

Dasht kehta hai mujh se hairat se

MAin ne tujh main ujaar ko dekha

Khouf Aasaib ban kay aa baitha

Dil ne khud ro se jhaar ko dekha

Ban gaya hai khala meray andar

Main ne apni pichaar ko dekha

MAin khudi se nikal gaya baahir

Joun hi nafrat ki Aar ko dekha

Naqsh chehray kay dhul gaye

Jab bhi dil main bigaar ko dekha

Chaltay hain ab hum ghar ko keh raat bhout ho gayi

Kal phir milain gay iss tanhai kay meh'khanay main

Harf dar harf khwaab un ka hai

Kya kahon kya sabab un ka hai

Zulf, phir us main phool , uff Allah

Rukh, rukh-e-mahtaab un ka hai

Hont barg-e-gulaab bheega hua

Jism , jaam-e-sharaab un ka hai

Haath se khol di hai kacchi kali

Kitna roshan jawaab un ka hai

Ik hi waar , woh bhi dil pe karo

Seedha saadha hisaab un ka hai

Aqal to meri ek bhi sunti nahin

Dil bhi kahan khraab un ka hai

Woh jo phoolon main chup kay baithay hain

Kitna acha hijaab un ka hai

Toba woh geelay lab , woh Aankhein

Woh ghazab ka kajal

Tu hi bata Ae mohabbat

YEh dil marta na to kya karta

Andhera ho raha hai

Chalo ab dil jalatay hain

Kaanton main guzaar deta hai gulaab apni zindagi

Kon kehta hai keh phoolon ko koi gham nahin hota

Jaan tu kis kay liye apni ganwaata hai "Adeem"

Khoobsurat hai woh lakin tera kya lagta hai

Neend Aai na, na khul'la raat ka bistar mujh se

Guftagoo karta raha chand barabar mujh se

Apna saaya ussay khairaat main de aaya hoon

Dhoop kay dar se jo lipta raha din bhar mujh se

Kon si aisi kami meray khad-o-khaal main hai ?

Aaina khush nahin hota kabhi mil kar mujh se

Kya museebat hai keh her din ki mushaqat kay Evaz

Baandh jaata hai koi raat ka pathar mujh se

Apnay haathon ko jo kash'kol banaya main ne

Gir para janay kahan mera muqaddar mujh se

Zakham ko bharnay main kuch dair to lagti hai

Jis zakham main shaamil ho apno ki Enayat

Woh bhi dil se karti hain , main bhi dil se karta hoon

Woh nafrat mujh se , main mohabbat uss se

Tum ne zindagi ka naam to suna ho ga

Hum ne rakha hai dil main Essi naam se tumhain

Koi aur kaam somp do mujhay ab tum

Yeh kya tujhay sochna aur sochtay hi rehna

Kisi ghreeb qabeelay ki Aabru ki tarah

Hamara dard , kisi dard main shumaar nahin

Iss kay aanay se huwey zakham haray kitnay

Eid se keh do meray shaher main aaya na karay

Shokhi to dekhiye zara janab-e-haseen ki

Apnay labon ko Aainay main khud choomnay lagay

Sadma to hai mujhay bhi keh tujh se juda hoon main

Lakin yeh sochta hoon keh ab kya tera hoon main

Bikhra para hai meray hi ghar main tera wajood

Be'kaar mehfalon main tujhay dhoondta hoon main

Main khud'kushi kay jurm ka karta hoon ehtraaf

Apnay badan ki qabar main kab se parra hoon main

Kis kis ka naam loon main zuban par keh teray saath

Her roz naya shakhs kharra dekhta hoon main

Kya janay kis ada se liya tu ne mera naam

Duniya samjh rahi hai keh sab kuch tera hoon main

Poncha jo teray dar pe to mehsoos yeh hua

LAmbi si ik qataar main jaisay kharra hoon main

Lay meray tajarbon se sabaq Ae meray raqeeb

Do chaar saal tujh se umar main bara hoon main

Jaaga hua zameer hai woh Aaina "Qateel"

Sonay se pehlay roz jissay dekhta hoon main

Suna hai aur koi bhi chahnay laga hai tumhain

Suna hai aur koi bhi chahnay laga hai tumhain

Hum se ziyada agar toot kay chahye to us kay ho jana

Hum ne tumhari yaad main Aansoo kay dariya baha diye

Uss ki aankh main narmi bhi aa jaye to uss kay ho jana

Hum ne tumhari khaatir khud ko jala diya

Uss ne agar chragh bhi jala diya to uss kay ho jana

Hum ne tumharay liye apni neend qurbaan kar deen

Woh ik shab bhi teray liye jaagay to tum uss kay ho jana

Bas agar koi mujh se ziyada tum ko chaahy to us kay ho jana

Kuch waday qasmein , yaadein thein

Kuch waday qasmein , yaadein thein

Kuch qeh'qahay thay , fariyadain thein

Kuch aansoo thay jo bahaye thay

Kuch dhokay thay , jo khaye thay

Kuch lehjon ki parchaiyan thein

Kuch dil ko rog lagaye thay

Ab paas hamaray kuch bhi nahin

Ab aas kay maaray kuch bhi nahin

Bas yaadon ki zanjeerain hain

Kuch rog utri tasveerain hain

Kuch lafz miti tehreerain hain

Ek dil ko deed ka payasa hai

Bas yehi Mera Asasa hai

Yeh lamhon ki nahin hai yeh to sadiyon ki musafat hai

Yeh lamhon ki nahin hai yeh to sadiyon ki musafat hai

Kisi ki yaad ka sehraa, mohabbat hamsafar meri

Ghubaar-e-raah main kuch door tak hi saath deta hai

Wohi ik main wohi tanha , mohabbat hamsafar meri

Wohi her waqat sochon par kisi ki yaad ka pehra

Wohi din raat ka jalna , mohabbat hamsafar meri

Apna Aanchal meray chehray pe bikhar janay do

Main keh jaaga hoon bhout , aaj to mar janay do

Aaj sharma kay meray shaanay pe tum sar rakh do

Husan yeh shaam ka kuch aur nikhar janay do

Mujh pe jhuk janay do kinaron se bana yeh chehra

Meray chehray pe husan-e-dhoop utar janay do

Ungliyan meri hatao na , labon se apnay

In chraghon ko zara aur sanwar janay do

Tum jo aaye ho to tehra hai do Aalam ka samaa

Waqat ka kya hai , guzarta hai , guzar janay do

Meray shaanay pe bikhar janay do apni zulfain

Reshmi jheel ki lehron main utar janay do

Ek mohabbat kay saaye kay taqub main guzri hai hayat

Ab to hum pe rangon ko bikhar janay do

Nadi ka pani behta jaa raha hai

Ya phir aanchal tera lehraa raha hai

Fiza main kaisi hai khushboo si phaili

Woh shayed mujh ko sochay jaa raha hai

Meri Aankhon main pattay urr rahay hain

Koi patt jhar ka mousam aa raha hai

Suna hai raat bhar rota raha woh

Idher bhi aik sanaata raha hai

Ajab hain teri duniya kay yeh melay

Yahan her shakhs hi tanha raha hai

Bhout veeran hai yeh dil ki galiyan

YAhan ik shor sa barpaa raha hai

Woh koi ajnabi khushboo ka jhonka

Mera sara badan mehak raha hai

Koi rootha hai kuch youn mujh se

Zamana mujh se rootha jaa raha hai

Zakham dil kay naqaab kholain gay

Wehshaton kay azaab kholain gay

Harf saaray hamein pukaarain gay

Jab woh dil ki kitaab kholain gay

Kya tamana rahi , mila kya kya

Zindagi ka hisaab kholain gay

Fikar kiyon hamein musaafat ki

Raastay khud saraab kholain gay

Bhoolnay ko gham-e-mohabbat ko

Hum sharaabi sharaab kholain gay

Laakh guzro nazar bacha kay tum

Bhaid tera gulaab kholain gay

Raaz dil ka sada likho na youn

Log ji bhar utaab kholain gay

Ae meray pyaaray "Insha" jee !!!

Na gori hoon

Na sajni hoon

Na roop sa'roop ki devi hoon

Par teray lafzon ki narmi se

Jazbon ko garmi deti hoon

Ae kaash keh tum bhi dekh sako

Ae meray pyaaray "Insha" jee !!!

Akelay lawn kay goonjtay sanatay main

Chandani ki mar mar'ein baarish main bheegti hui

Ik tanha afsurda larki

Apnay phailay huye haath ko takti hai

Takti hai aur sochti hai

Woh naam , , ,

Jo us kay liye raha zeest ka unwaan hai

Shariyano main jo lahu ki jaga rawan hai

Woh naam , , , ,

Jis ki chandani dasht-e-zaat pe ehsaan hai

Jis ki asaaib ab bhi wehshaton ka samaan hai

Woh naam , , , ,

In lakeeron main kahan hai ? !!

Chand kay saath meri baat na thi pehli si

Raat aati thi magar raat na thi pehli si

Hum teri yaad se kal shab bhi milay thay lakin

Yeh mulaqaat , mulaqaat na thi pehli si

Aankh kiyon loat gayi khouf se sehraaon ko

Kiyon keh is baar to barsaat na thi pehli si

Ab kay kuch aur tarah ki thi udaasi in main

Chaand taaron ki yeh baraat na thi pehli si

Ishq ne pal main badal di meri saari duniya

Main ne dekha keh meri zaat na thi pehli si

Hamein bhi pyaar karnay ka khayal aaya

Jab bhi yeh kahyal aaya khud ko tanha paya

Dhoondtay rahay hum is duniya main dost

Kisi ko ajnabi to kisi ko be'wafa paya

Paro diye meray Aansoo hawa ne shaakhon main

Ghazal

Paro diye meray Aansoo hawa ne shaakhon main

Bharam bahaar ka baaqi rahay nigahon main

Saba to kiya keh mujhay dhoop tak jaga na saki

KAhan ki neend utar aayi hai in aankhon main

Kuch itni tez hai surkhi keh dil dharakta hai

Kuch aur rang pas-e-rang hai gulaabon main

Supurdagi ka nasha tootnay nahin paata

Anaa samai hui hai wafa ki baanhon main

Badan pe girti chali jaa rahi hai khwaab si barf

Khunak supaidi ghulli jaa rahi hai saanson main

Ae chaand si pyaari larki meri yaadon ko tum zara sambhalay rakhna

Yaadon ko sambhalay rakhna

Ae chaand si pyaari larki

Meri yaadon ko tum zara

Sambhalay rakhna

Khud se juda na karna

KEh her guzartay lamhay kay saath

Meri yaadon ka samandar

Apnay saahil se nikalnay kay liye

Be'taab sa rehta hai

Suno ! meri yaadon ko

Khud se juda mat karna

Tum mujhay gurriya kehtay ho

Theek hi kehtay ho !!

Khailnay walay sab haathon ko main gurriya hi lagti hoon

Jo pehnaa do , mujh pe sajay ga

Mera koi rang nahin

Jis bachay kay haath thamma do

Meri kisi se jung nahin

Soti jaagti aankhein meri

JAb chahye beenai lay lo

Kook bharo aur baatein sun lo

Ya meri goya'ei lay lo

Maang bharo , sindoor lagaao

Pyaar karo , aankhon main basaao

Aur jab dil bhar jaye to

Dil se utha kay taaq pe rakh do

Tum mujhay gurriya kehtay ho

Theek hi kehtay ho !!!

Mujhay tum se mohabbat hai

Aakhri khwaish

Meray saathi

Meri yeh rooh meray jism se parwaaz kar jaye

To loat aana

Meri be'khwaab raaton kay azaabon par

Siskatay shaher main tum bhi

Zara si dair ko rukna

Meray be'noor honton ki dua'on par

Tum apni sard paishaani ka pathar rakh kay ro dena

Bas itni baat keh dena

Mujhay tum se mohabbat hai

Khullay paaniyon main ghirri larkiyan

Narm lejron kay cheentay uraati hui

Baat be baat hansti hui

Apnay khwabon kay shehzadon ka tazkara kar rahi thein

Jo khamosh thein

Un ki aankhon main bhi muskurahat ki tehreer thi

Door saahil pe baithi hui ik nanhi si bachi

Hamari hansi aur mojon se be'khabar

Rait se ik gharonda bananay main masroof thi

Aur main sochti thi

Khudaya ! yeh hum larkiyan kacchi umaron se hi kiyon

Khwaab dekhna chahti hain , , , , !!!

KAbhi raaston se na'ashnaa main chala tha qurbatein dhoondnay

Mujhay manzilon ne sikha diya kuch faaslon kay siwa nahin

Kai rang thay jo bikhar gaye kuch log thay jo guzar gaye

Woh dariya saray utar gaye ab un ruton ki fiza nahin

Meray lab pe harf-e-gila nahin yeh naseeb-e-jaan kay hain silsalay

Mujhay jo mila meri be'basi meri zindagi main wafa nahin

Woh jo teray meray tha darmiyan ik khwaab tha keh saraab tha

Jo suna woh tum ne kaha nahin jo kaha woh tum ne suna nahin

Meri zindagi ki kitaab main baray hasraton kay hain tazkaray

Mera hamsafar jo kahayl tha sar-e-warq us ko likha nahin

Ab kya kahon keh woh kon tha koi saath tha meray paas tha

Mujhay yaad hai woh zara zara woh kahan gaya yeh pata nahin

Bari hairat se arbaab-e-wafa ko dekhta hoon

Bari hairat se

Bari hairat se arbaab-e-wafa ko dekhta hoon

Khatta ko dekhta hoon aur saza ko dekhta hoon

Abhi kuch dair hai shayed meray mayoos honay main

Abhi kuch din faraib-e-wafa reh'numa ko dekhta hoon

Khuda maloom dil ko justagoo hai kin jazeeron ki

NA janay kin sitaron ki Zia ko dekhta hoon

YEh kya gham hai meray Ashaar ko nam kar diya jis ne

YEh dil main kis samandar ki ghatta dekhta hoon

Zameer ik qaid-e-na'mehsoos ko mehsoos karta hai

Kisi na'deed'ni zanjeer-e-paa ko dekhta hoon

Main woh larki hoon jis ko pehli raat

Muqaddar

Main woh larki hoon

Jis ko pehli raat

Koi ghoongat utha kay yeh keh dy

Mera sab kuch tera hai , dil kay siwa

Parveen Shakir

Khawab nagar hai aankhein kholay dekh raha hoon

Us ko apni jaanib aatay dekh raha hoon

Kis ki Aahat qariya qariya phail rahi hai

Dewaron kay rang badaltay dekh raha hoon

Kon meray jaadu se bach kar jaa sakta hai

Aaina hoon Sab kay chehray dekh raha hoon

Darwaze par tez hawaon ka pehra hai

Ghar kay andar chup kay saaye dekh raha hoon

Jaisay mera chehra meray dushman ka ho

Aainay main khud ko aisay dekh raha hoon

Manzir manzir veerani ne jaal tany hain

Gulshan sulshan bikhray pattay dekh raha hon

Manzil manzil hole main doobi awazein hain

Rasta rasta khouf kay pehray dekh raha hoon

Shaher-e-sang'dilan main "Amjad" her rastay par

Awazon kay pathar chaltay dekh raha hoon

Shayed youn

choda to ab meri zid hai

Kyn keh choda ka kush chaand

us ko acha lagta tha