Imran's Poetry: 02/23/15

Feb 23, 2015

Mujh ko yeh hi nahin maloom kahan rehta hai

Jo keh chalti huwi saanson main rawaan rehta hai

Youn to her tarah se veeran hai dil ki basti

Bin bataye hi magar koi yahan rehta hai

Ab kisi raat main jalta nahin koi chragh

Shaam se bas usi ki yaadon ka dhuwan rehta hai

Koi do din ko jo ho jata hai mehmaan dil main

Woh chala jaye to phir us ka nishaan rehta hai

Aks us ka nazar aata hai her ik cheez main Mohsin

Raat din bas us ka hi gumaan rehta hai

Teri khushboo meri saanson main basanay aaye

Dil ki duniya main bahaaron kay zamanay aaye

YEh Aalag baat hai keh tabeer na dy saath mera

Khwaab to jitnay bhi aaye woh sohaanay aaye

Woh hai maghroor magar pyaar se majboor bhi

Khud hi naraz karay khud hi manaa'ny aaye

Kiyon taras aaya hai ussay meri tanhai par

Woh mujhay meri nazar se na giraanay aaye

Woh bataye na mujhay apnay bicharnay ka sabab

US se keh do woh mera dil na jalaanay aaye

Pyaar kya hota hai an tak mujhay maloom na tha

Chott khai to meray hosh thikanay aaye

Jo mera dil bhi saja dy meray chehray pe Qateel

Woh musawer meri tasveer banaanay aaye

Ab mohabbat ki wakalat nahin ki jaa sakti

Shaher bhar se to adawat nahin ki jaa sakti

Mera chehra , meri Aankhein hain salamat ab bhi

Kon kehta hai wazahat nahin ki jaa sakti

Baat yeh hai keh toot kay chahye to sahi

Her kisi se to mohabbat nahin ki jaa sakti

Aankh kehti hai kahin aur chalay jayein hum

Dil yeh kehta hai keh hijrat nahin ki jaa sakti

Loh-e-dil par yeh hi tehreer likhi hai Mohsin

Ishq walon ko Naseehat nahin ki jaa sakti

Shamma jalti hai jis aag main nu'maish ki khatar

Garmi-e-hasrat-e-na'kaam se jal jatay hain

Hum chraghon ki tarah shaam se jal jatay hain

Shamma jalti hai jis aag main nu'maish ki khatar

Hum usi aag main Gum'naam se jal jatay hain

Khud'numaai to nahin shaiwa-e-Arbaab-e-wafa

Jin ko jalna ho woh armaan se jal jatay hain

Bach nikaltay hain agar Aatish-e-sayaal se hum

Shola-e-Aariz-e-gul'faam se jal jatay hain

Jab bhi aata hai mera naam teray naam kay saath

Na janay kiyon log meray naam se jal jatay hain

Kaash khushboo ki tarah dard bhi hijrat kartay

Laakh pinjray ki shab-o-roz hifaazat kartay

Panchi urr jatay agar hum na mohabbat kartay

Qaaflay raah main qadmon kay nishaan chor gaye

Kaash khushboo ki tarah dard bhi hijrat kartay

woh jo jazbaat ki hurmat se hi na waqif hain

KAisay mumkin tha keh woh pyaar ki Izzat kartay

Mil bhi sakti thi hamain us se rafaqat lakin

Hum baray shaher main kis se adawat kartay

Woh na milein to kya huwa yeh Aashqui hai hawas nahin

Main usi ka tha Main usi ka hoon woh mera nahin to na sahi

Muskura kar dekho to sara jahan haseen ho jata hai

Warna bheegi aankhon se to Aaina dhundla nazar aata hai

Meri zindagi ki kitab tu

Meray her sawal ka jawab tu

MAin tumhain parhon tamaam umar

Meri hayat ka nisaab tu

Meri her dua teray liye

Meri ibtadaon ka sawaab tu

MAin sara din tujh main magan

Meri her raat ka khwaab tu

Likhon aur kya main teri zaat par

Meri zindagi meri zaat tu

Meri sari kainaat tu

Narm seenay main dharaktay hain woh nazuk lamhaat

Jin ki lehron main utar janay ko jee chahta hai

Tum se mera rishta kiyon hai , kab se hai maloom nahin

PAr is husan pe mar janay ko jee chahata hai

Surkh honton tha'rakti hai woh rangeen sharaab

Jis ko pe pe kay bheeg janay ko jee chahata hai

Sang-e-mar'mar se taraasha hua shafaaf badan

Itrna dil'kash hai keh apna'nay ko jee chahat ahai

Jee to yeh chahat ahai keh so jayein teri baanhon main

Aur phir inhi baanhon main mar janay ko jee chahat hai

Ishq ki raah pe chaltay chaltay shaam ho gayi

Tu na mila tujhay dhoondtay dhoondtay sham ho gayi

Jab sakon mila dil ko tera khayal aaya

Tasawur main tujhay laaya aur sochtay sochtay shaam ho gayi

Kitni muddat kay baad baithay hain us ki mehfil main

Bas aaj ussay dekhtay dekhtay shaam ho gayi

Tu na mila teri yaadein meray paas hain

Teri un yaadon ko pyaar kartay kartay sham ho gayi

Tu mera hamsafar hai lakin meray saath to nahin

Bas itna sochtay sochtay shaam ho gayi

Woh keh kay chalay itni mulaqaat bhout hai

MAin ne kaha ruk jaao abhi raat bhout hai

Aansoo meray tham jayein to phir shouq se jana

Aisay main kahan jaao gi barsaat bhout hai

Woh kehnay lagi jana mera bhout zaroori hai

Nahin chahti dil toron tera par majburi hai

Gar hui ho koi khata to maaf kar dena

Main ne kaha ho jaao chup itni kahi baat bhout hai

Samjh gaya hoon sab aur kuch kaho zaroori nahin

BAs aaj ki raat ruk jaao , jana itna bhi zaroori nahin hai

Phir kabhi na aayon ga tumhari zindagi main loat kar

Saari zindagi tanhai kay liye , aaj ki raat bhout hai

Raat baitha tha meray paas khayalon main koi

Ungliyan phair raha tha meray baalon main koi

Deeda-e-tar ne bari dair main pehchaana ussay

Roop kho baitha hai do chaar hi saalon main koi

Gham'zada shab ki galo'gar hawa kehta hai

Yaad karta hai mujhay jagnay walon main koi

Mat pooch keh teray hijar main yeh din aur raat

Guzar to jaatay hain magar guzaaray nahin jaatay

Rasm-e-mohabbat zara sarkar nibha kar sona

Meri tasveer ko seenay se laga kar sona

Mar'mari baanhain dukh na jayein karwat lenay main

Reshmi bistar pe phoolon ko bicha kar sona

Mera dawa hai keh parwanay tumhgain dhoondain gay

Imtihaan chaho to phir shamma bhuja kar sona

LAg na jaye kahin be'taab sitaron ki nazar tumhain

Chnad se chehray ko apnay aanchal se chupa kar sona

Choom lenay do hamain nargasi aankhein apni

Phir baray shouq se palkon ko jhuka kar sona

Subha hotay hi teray shaher se jana hai mujhay

Aaj ki raat zara mujh ko mana kar sona