Loat ayo , abhi bhi kuch nahin bigra jaana
Abhi tak baqi hai , aakhri shaam december ki
Dec 31, 2017
Dard qismat se milta hai warna ..
Dard qismat se milta hai warna ..
Teri auqaat nahin mujhay rulanay ki
Dec 19, 2017
Zindagi main yeh hunar bhi Aazmana chahiye
Zindagi main yeh hunar bhi Aazmana chahiye
Jung kisi apnay se ho to haar jana chahiye
Badan se rooh jaati hai to bichti hai saf-e-maatam
Badan se rooh jaati hai to bichti hai saf-e-maatam
Koi andar se mar jaye to maatam kiyon nahin hota
Baarish hui to teri khushbu kay qaaflay
Baarish hui to teri khushbu kay qaaflay
Aisay urray keh shaher gulabon se bhar gaya
Lafzon se shuru aur saanson pe khatam
Lafzon se shuru aur saanson pe khatam
Yeh ishq mukhtasir sahi par jaan leva hai
Dec 12, 2017
Dec 10, 2017
Qatra qatra meray halq ko tar karti hai
Qatra qatra meray halq ko tar karti hai
Meri rag rag main , uss ki mohabbat safar karti hai
Woh meri shaksiyat ki khoj main hain
Woh meri shaksiyat ki khoj main hain
Jin ko apna nasab nahin maloom
Dec 9, 2017
Rehnay ki to bhout jag'hein hain lakin
Rehnay ki to bhout jag'hein hain lakin
Apni oqaat main rehna mujhay pasand hai
Chara sazon ki chara sazi se
Chara sazon ki chara sazi se
Dard bad'naam to nahin ho ga
Haan , dawa do magar yeh batloo do
Mujhay Aaraam to nahin ho ga
Kuch is adaa se aaj woh pehlu nasheen rahay
Kuch is adaa se aaj woh pehlu nasheen rahay
Jab tak hamaray paas rahay , hum nahin rahya
Abhi pehli mohabbat kay bhout se qarz baqi hain
Abhi pehli mohabbat kay
Bhout se qarz baqi hain
Abhi pehli musafat ki
Thakan se choor hain paaon
Abhi pehli rafaqat ka
Her ik ghaao salamat hai
Abhi maqtool khawabon ko
Bhi dafnaya nahin hum ne
Abhi aankhein hain Id'dat main
Abhi yeh sog kay din hain
Abhi iss gham ki kafiyat se
Baahir kis tarah aayein
Abhi is gham ko bharnay do
Abhi kuch din guzarnay do
Yeh gham kay neel'goon dariya
Utar jayein to sochein gay
Abhi yeh zakham taza hain
Yeh bhar jayein to sochein gay
Dobara kab ujarna hai ????
Mohabbat rait jaisi thi
Mohabbat rait jaisi thi
Mujhay yeh ghalat fehmi thi
Keh mohabbat dhair sari thi
Main dono haath bhar bhar kar
Mohabbat ko sambhalon gi
Zamanay se chup'pa loon gi
Kabhi khonay nahin doon gi
Magar , main ne isi darr se
Keh mohabbat hi na kho jaye
Yeh muthiyan band rakhi thein
Magar , jab muthiyaan kholi
To dono haath khaali thay
Mohabbat kay sawali thay
Kiyon keh ,,,
Mohabbat rait jaisi thi
Roz gir jati hai , dewaar-e-ehad-e-wafa
Roz gir jati hai , dewaar-e-ehad-e-wafa
Roz umeedein nayi , tameer karta hoon
Yeh lamhay ishq-o-masti kay kabhi pa'band nahin rehtay
Yeh lamhay ishq-o-masti kay kabhi pa'band nahin rehtay
Sada khushiyan nahin rehti , hamesha gham nahin rehtay
Zara dekho darwaze pe dastak kon deta hai
Mohabbat ho to keh dena , yahan ab hum nahin rehtay
Main ne Aaitraaf-e-mohabbat kay baad
Main ne Aaitraaf-e-mohabbat kay baad
Mohabbaton ko pheeka partay daikha hai
Kuch to teray mousam hi mujhay raas kam aaye
Kuch to teray mousam hi mujhay raas kam aaye
Aur kuch meri matti main baghawat bhout thi
Ab tak junoon hi apna asaasa raha magar
Ab tak junoon hi apna asaasa raha magar
Tujh se milay to saahib-e-adraak ho gaye
Nov 26, 2017
Main mohabbat main uss maqam pe hoon jahan
Main mohabbat main uss maqam pe hoon jahan
Meri zaat main rehta hai teri zaat musalsal
Sep 30, 2017
Main aik barg-e-khizaan ki maanind
Main aik barg-e-khizaan ki maanind
Kab se shaakh nihaal-e-gham par
Laraz raha hoon
Mujhay abhi tak hai yaad-o-jaan figaar-e-sa'aat
Keh jab baharon ki aakhri shaam
Mujh se kuch youn lipat kay roi
Keh jaisay ab umar bhar na daikhay ga
Hum main aik doosray ko koi
Woh raat kitni karri thi
Jab aandhiyon kay shab-e-khoon se
Bu-e-gul bhi lahu lahu thi
Sehar hui jab khushk-o-zar-daroo thay
Keh jaisay maqtal main
meray bichray huye rafeeqon ki
Zakham khurda bar'hana laashein
Garri hui hoon
Main jaanta tha
Keh jab yeh bojhal buland ashjaar
Jin ki kohna jarrein zameen ki ameeq gehraiyon main
barson se ja'guzeen thein
Hajoom-e-sar sar main
Chand lamhi yeh istaada na reh sakay to
Main aik barg-e-khizaan bhi
Shaakh nihaal-e-gham par na reh sakon ga
Woh aik pal tha keh aik raat thi
Magar meray wastay bhout thi
Mujhay khabar hai keh kal baharon ki awleen subha
Phir se be'barg-o-baar shaakhon ko
Zindagi ki nayi qaba'ein ata karay gi
Magar mera dil dharak raha hai
Mujhay , jalsay aandhiyon ki yo'rash
Khizaan kay toofan na chu sakay thay
Kahin naseem-e-bahar
Shaakh-e-nihaal gham se
Juda na kar de
Na hareef-e-jaan na shareek-e-gham-e-shab intizaar koi to ho
Na hareef-e-jaan na shareek-e-gham-e-shab intizaar koi to ho
Kisi bazam-e-shoq main layein hum dil-e-be'qaraar koi to ho
Kissay zindagi hai aziz ab kissay aarzu-e-shab-e-tarb
Magar ae nigaar-e-wafa talab tera Aaitaabr koi to ho
Kahin taar daman-e-gul milay to yeh maan lain keh chaman khilay
Keh nishaan fasal-e-bahar ka sar shaakh'saar koi to ho
Yeh udaas udaas se baam-o-dar yeh ujaar ujaar si raah'guzar
Chalo hum nahin na sahi magar sar ku-e-yaar to ho
Yeh sakoon-e-jaan ki gharri dhallay to chragh-e-dil hi na bujh chalay
Woh bala se ho gham-e-ishq ya gham-e-roz'gaar koi to ho
Sar-e-maqtal shab-e-aarzu rahay kuch to ishq ki aab'ru
Jo nahin Adu to Faraz keh naseeb daar koi to ho
Juz teray koi bhi din raat na janay meray
Juz teray koi bhi din raat
Juz teray koi bhi din raat na janay meray
Tu kahan hai magar Ae dost puranay meray
Tu bhi khushbu hai magar mera ta'jasus be'kaar
Barg-e-awara ki maanind thikaanay meray
Shamma ki lo bhi keh woh to tha magar hijar ki raat
Dair tak rota raha koi sirhaanay meray
Khalq ki be'khabri hai keh meri ruswai
Log mujh ko hi sunatay hain fasanay meray
Lutt kay bhi khush hoon keh ashkon se bharra hai daman
Daikh ghaarat gar-e-dil yeh bhi khazanay meray
Kaash tu bhi meri awaz kahin sunta ho
Phir pukara hai tujhay dil ki sada ne meray
Kaash tu bhi kabhi aa jaye maseehai ko
Log aatay hain bhout dil ko dukhanay meray
Kaash auron ki tarah main bhi kabhi keh sakta
Baat sun li hai meri , aaj khuda ne meray
Tu hai kis haal Ae zood faramosh meray
Mujh ko to cheen liya ehad-e-wafa ne meray
Chaara gar youn to bhout hain magar Ae jaan-e-faraz
Juz teray aur koi zakham na janay meray
Qurbaton main bhi judai kay bahanay maangay
Qurbaton main bhi judai kay bahanay maangay
Qurbaton main bhi judai kay bahanay maangay
Dil woh be'mehar keh ronay kay bahanay maangay
Hum na hotay to kisi aur kay char'chay hotay
Khalqat-e-shaher to kehnay ko fasanay maangay
Yehi dil tha keh tarasta tha maraasam kay liye
Ab yahi tark-e-taaluq kay liye bahanay maangay
Apna yeh haal keh jee haar chukay lutt bhi chukay
Aur wohi andaz puranay maangay
Zindagi hum teray daaghon se rahay sharminda
Aur tu hai keh sada Aaina khana maangay
Dil kisi haal pe qanay hi nahin jaan Faraz
Mil gaye tum bhi to kya aur na janay maangay
Sep 29, 2017
Abhi to chand lafzon main samita hai tujhay main ne
Abhi to chand lafzon main samita hai tujhay main ne
Abhi to meri kitabon main teri tafseer baqi hai
Sep 28, 2017
Fitoor hota hai her umar main juda juda
Fitoor hota hai her umar main juda juda
Khilonay , ishq , paisa aur phir khuda khuda
Nafs ko aanch par , woh bhi umar bhar rakhna
Nafs ko aanch par , woh bhi umar bhar rakhna
Bara mohaal hai , hasti ko moh'tabar rakhna
Koi na mila hamein khushbu'on ka talab'gaar
Koi na mila hamein khushbu'on ka talab'gaar
Phool haathon main liye baitha hoon
Jab woh shakhs dil se hi utar gaya
Jab woh shakhs dil se hi utar gaya
To phir kya sochein keh kidher gaya
Sep 13, 2017
Tu jab band kay'waron aur dilon par dastak deti hai
Tu jab band kay'waron aur dilon par dastak deti hai
Sari baatein keh janay ko dil karta hai
Teray saath hi beh janay ko dil karta hai
Mansoob thay jo log meri zindagi kay saath
Mansoob thay jo log meri zindagi kay saath
Aksar wohi milay hain bari be'rukhi kay saath
Youn to main hans para hoon tumharay liye magar
Kitnay sitaray toot paray ik hansi kay saath
Fursat milay to apna giribaan bhi daikh le
Ae dost youn na khel meri be'basi kay saath
Majburiyon ki baat chali hai to may kahan
Hum ne piya hai zehar bhi aksar khushi kay saath
Ik sajda-e-khaloos ki qeemat fiza-e-khuld?
Ya'rab na kar mazaq meri zindagi kay saath
Mohsin karam ki lay bhi ho jis main khaloos bhi
Mujh ko ghazab ka payar hai uss dushmani kay saath
Chalo sari zameen'ein khodein
Chalo sari zameen'ein khodein
Aur is main apnay dil bo dain
Karein sai'raab iss ko aarzu'on kay paseenay se
Keh is be'rang jeenay se
Na main khush hoon , na tum khush ho
Nahin hoon muntazir teri...
Nahin hoon muntazir teri...
Main to bas
Raah main kharri
tak rahi hoon woh raasta
Jin se tu guzar kay gaya tha ........
Shayed keh main kam'zor par jata uss aakhri mulaqaat main
Shayed keh main kam'zor par jata uss aakhri mulaqaat main
Woh to baarish ki mehar'bani thi , jis ne chupa'ye aansu meray
Jab tanha sawan main bheego gay
Jab tanha sawan main bheego gay
Jab aangan khaali paao gay
Jab raat kay kaalay daman main
Tum chand ko aadha paao gay
Jab khud se baatein kartay huye
Tum khud bhi kabhi thak jao gay
Jab saahil ki takraati lehron main
Tum door kahin kho jao gay
Aur mann kay soonay pan main kabhi
Tum tanhai se ghabrao gay
Tab main .....
Tum se mohabbat karta hoon
Her baar yeh suna'nana chahao gay
In hi tamaam lamhon main jaan lena
Keh tum , tum nahin hum ban jao gay
Ya tujhay daikh kay bhar aaye khushi se aansu
Ya tujhay daikh kay bhar aaye khushi se aansu
Ya meri aankhon main guzri hui shab hai koi
Tumhein yeh dard likhna hai
Tumhein yeh dard likhna hai
Tumhara bool jana bhi
Tumhara yaad aana hai
Chalo aisa karein jaana , chalo aisa karein jaana
Bhulanay ki qasam ko ab
Naya ik naam detay hain
Mujhay shikwa na ho koi
Tumhein bhi ranj na ho ga
Badaltay waqat aur halaat ko ilzaam de lain hum
Zehar ki ik puriya tum
Bachay khawabon ko de dena
Zehar ki ik puriya main
Bachay khawabon ko de doon ga
To shayed bhool jayein hum
To shayed bhool jayein hum
Bachaa kar kuch nahin rakhna
Tumhein yeh dard likhna hai
Tumhara bool jana bhi
Tumhara yaad aana hai
Shab ko neend main aa jaye agar khayal uss ka
Shab ko neend main aa jaye agar khayal uss ka
Subha bistar se bhi phoolon ki mehak aati hai ...
Issi koochay main kai uss kay sha'nasa bhi to hain
Issi koochay main kai uss kay sha'nasa bhi to hain
Woh kisi aur se milnay kay bahanay aaye
Subscribe to:
Comments (Atom)
