Imran's Poetry: 06/23/14

Jun 23, 2014

Aankhon main raha dil main utar kar nahin dekha

Aankhon main raha , dil main utar kar nahin dekha

Kashti kay musaafir ne samandar nahin dekha

Bhout se un'dekhye raaston par hua hai aksar

Bhout se un'dekhye raaston par

hua hai aksar

Keh chonk uthay , thatak gaye hum

Palat kay dekha

Ti thein ta'aqub main kuch sadaein

Jo keh rahi thein

Yeh hi to tum se kaha gaya tha

Wafa ki raahon main

Manzalon ka kahin bhi saya talak nahin hai

Bhout thako gay , bhout thako gay

YEh soch lena

Bahaar kiya , ab khizaan bhi mujhay galay lagaye to kuch na paye

Main barg-e-sehra hoon , youn bhi mujh ko hawa urraye to kuch na paye

Main pastion main bhi bara khush hoon , zameen kay malboos main jura hua

Misaal-e-naqsh-e-qadam para hoon , koi mitaye to kuch na paye

Tamaam rasmain hi tor di hain , keh main ne aankhain hi phor di hain

Zamana ab mujh ko mera aaina bhi dikhaye to kuch na paye

Ajeeb khwaish hai meray dil main , kabhi to meri sada ko sun kar

Nazar jhukaaye to khouf khaye , nazar uthaye to kuch na paye

MAin apni be'maegi chupa kar , kawaar apnay khulay rakhon ga

Keh meray ghar main udaas mousam ki shaam aye to kuch na paye

Tu aashan hai na ajnabi , tera mera pyaar hai sar'sari

Magar yeh kiya rasm-e-dosti hai keh tu rooth jaye to kuch paye

Ussay ganwa kar ussay phir paanay ka shouq dil main youn hai "Mohsin"

Keh jaisay paani pe daa'ira sa koi banaye to kuch na paye

Baarishon ky mousam main waqat kay andheron main

Baarishon ky mousam main

Waqat ky andehron main

Main ne us se poocha tha

Chor to na jayo gy

Hath thaam kar us ne

Kaan main yeh bola tha

Kaisay chor sakta hoon

Tum to jaan ho meri

Aur aaj aisa hai

Waqat ki tamazat main

Wehshaton ky mousam main

Main ne us se poocha hai

Chor kar hi jana tha

Muskuraati galiyon main

Aas kiyon dilai thi

Piyaas kiyon jagai thi

Meray in sawalon par

Chalty chalty woh bola

Mousamon ky khail hain sab

Jo badalty hi rehtay hain

Bheeg jati hain aankhain tanhai main

Baarish main chalna

Bheeg jaati hain aankhain tanhai main

Dar jaata hoon keh koi jaan na lay

Pasand karta hoon baarish main chalna

Ta keh rotay huye koi pehchaan na lay

Ab hum apni bheegi hui january ki shruaat

Teray bakhsay huwey azaab-e-tanhai se kartay hain

Jis ka haq'daar tha hum ne usi haq main rakha

Tera khat aya to chandi ky warq main rakha

Gham parasti ki riyat nahin tori hum ne

Tera ansoo bhi gulaabon ky arq main rakha

Dard-o-dil ki basti main dua maang raha hai

Lut kar bhi zamanay ka bhala maang raha hai

Her shakhs mufadaat ki doori se bandha hai

Her shakhs mohabbat ki jaza maang raha hai

Sookha bhi sja leta hai khud par naye paty

Khota bhi yahan yaar khara maang raha hai

Tu meray hi lahoo main dabo kiyon nahin leta

Gar hath tera rang-e-hina maang raha hai

Foot path pe ik maan ka bilakta hua bacha

Duniya se luti maan ki rida maang raha hai

Dil dast-e-khizaan main hai magar yaad ka taa'ir

Qiyaas wohi pairr hara maang raha hai

Ya rab gham-e-hijraan main itna to kiya hota

Jo hath jigar pe hai wohi dast-e-dua hota

Ik ishq ka gham aafat aur is pe yeh dil aafat

Ya gham na dia hota ya dil na dia hota

Nakaam tamana-e-dil is soch main rehta hai

youn hota to kiya hota , youn hota to kiya hota

Umeed to bandh jati taskeen to ho jati

Wada na wafa karty wada to kiya hota

Ghairon se kaha tum ne ghairon se suna tum ne

Kuch hum ne kaha hota , kuch hum se suna hota

Apni tanhai ky ba'wasaf simat kar roye

Hum teri yaad main khud se hi lipat kar roye

Meri tanhai ko meri justagoo likh do

Khamosh hain lafaz , gutagoo likh do

Baarish main bheega ang ang mera

Boond boond ko ba'wuzu likh do

Meri kahani , us yaadon ki kaawish

ik shaam , ik sehar , ik ansoo likh do

Hasrat-e-deedaar jo phir se jaag utha

Kushboo-e-badan chaar soo likh do

Intizaar main qaid-e-qurbat ka nasha

Her khwaab ko dil-e-arzoo likh do

Sookhye paton ki aahat ab bhi mujh ko chonka deti hai

Yaad hai mujh ko in pe chalna tum ko acha lagta tha

Khizaan rakhay gi darakhton ko be'samar kab tak

Guzar hi jaye gi yeh rut bhi hosla rakhna

Jo main sar-ba-sajood hua kabhi , to zameen se anay lagi sada

Tera dil to hai sanam ashnaa, tujhay kiya mile ga nimaaz main

Khuda se husn ne ik roz yeh sawaal kiya

Jahan main kiyon na mujhay tu ne la'zawaal kiya

Mila jawaab keh tasveer khana hai duniya

shab-e-draaz adm ka fasana hai duniya

Hui hai rang-e-tagiyar se jab namood us ki

Wohi haseen hai haqeeqat la'zawaal hai jis ki

Kahain qareeb tha , yeh gutagoo qamar ne suni

Falak pe aam hui , akhtar-e-sehar ne suni

Sehar ne taaray se sun kar sunai shabnam ko

Falak ne baat bata di zameen ky mehram ko

Bhar aye phool ky ansoo payaam-e-shabnam se

Kali ka nanha sa dil khoon ho gaya gham se

Chman se rota hua mousam-e-bahaar gaya

Shabaab sair ko aya tha so'gawaar gaya

Gul shaakh se bichray to kahin ka nahin rehta

Tum khud ko juda meri zaat se kuch soch ky karna

Bhool jana bhi ussay yaad bhi kartay rehna

Acha lagta hai is dhun main bikhartay rehna

Hijar walon se bari dair se seekha hai hum ne

Zinda rehnay kay liye jaan se guzartay rehna

Kiya kahon kiyon meri neendon main khalal dalta hai

Chaand ky aks ka pani main utarty rehna

MAin agar toot bhi jayon to phir aaina hoon

Tum meray baad behar tor sanwartay rehna

Ghar main rehna hai to bikhraye huwey saaye chunn kar

Zakham dewaar-o-baam ky bhartay rehna

Shaam ko doobtay suraj ki hai aadat mohsin

Subha hotay hi meray sath ubhartay rehna

Ajab pagal si larki hai mujhay her roz kehti hai

Ajab pagal si larki hai

Mujhay her roz kehti hai

Batao kuch naya likha ?

MAin jab bhi us se kehta hoon

Keh haan ik nazam likhni hai

Magar unwaan dena hai

Bhout be'chain hoti hai

Woh kehti hai

Sunao, main ussay acha sa ik unwaan deti hoon

Woh meri nazam sunti hai

Aur us ki bolti aankahin kisi misray , kisi tashbeeh par youn muskuraati hain

Mujhay lafzon se kirnain phoot'ti mehsoos hoti hain

Woh meri nazam ko acha sa ik unwaan deti hai

Aur us kay aakhri misray kay neechay

Ik ada-e-be'niazi se

Woh apna naam likhti hai

MAin kehta hoon

Suno yeh nazm meri hai

To phir tum ne kiyon tum ne apnay naam se mansoob kar li hai

Meri yeh baat sun kar us ki aankhain muskuraati hain

Woh kehti hai

Bara sada sa rishta hai

Keh jaisay tum meray ho, isi tarah yeh nazam meri hai

Ajab pagal si larki hai

Ae kaash baras jaye yahan noor ki baarish

Emaan ky sheeshon pe bari gard jami hai

Nahin masroof main itna keh wahan ka raasta bhool jaaon

Koi jab muntazir hi na ho , to jaana acha nahin lagta

Puraani yaadain

Dastak de rahi hain

Zehan ky dareechon par

Kuch kush'kun

Kuch bojhal

Jinhain hum bhoolna chahein

To khud ko bhool jayein

Aarza laahaq hua hai arz-e-gulfaam se

Bas usi ki soch main baithay hain tanha shaam se

Khaali hai dil faqeer ky kash'kol ki tarah

Is shaher-e-be'wafa se wafa kon le gaya

Hamain kuch bhi nahin kehna

Kaha na , kuch bhi nahin kehna

Ana yeh rokti hai ,tokti hai

Tanz karti hai

Hamaray haal pe na janay kiyon

Bairan yeh hansti hai

Abhi kuch bhi nahin kehna

Wazahat bhi koi deni nahin hai

Sun liya tum ne

KAha na , haan nahin deni

Tumhari koi hamdardi bhi ab

hum ko nahin lyni

Kaha na . haan nahin lyni

Hamaray lafaz lota do

Kabhi jo hum ne bolay thay

Hamain tum se mohabbat hai

Yahi woh lafz bolay thay

Na janay dil ky darwaze

Kiyon hum ne tum par kholay thay

Na janay kiyon

Apni janib se dil ko saaf kiya

Apni jaanib se dil ko saaf kiya

Jaa mohabbat tujhay maaf kiya

Kabhi hum bhi mohabbat main apnay aap ko baadshah samjhtay thay

Kabhi hum bhi mohabbat main apnay aap ko baadshah samjhtay thay

Pata us din chala jab wafa maangtay rahay faqeeron ki tarah

Mohabbat hai keh nafrat koi itna to samjhaye

Kabhi main dil se larti hoon , kabhi dil mujh se larta hai

Shumaar us ki sakhawat ka kiya karain , keh woh shakhs

Chraagh baant'ta phirta hai cheen kar aankahin

Aur kuch nahin hota to bhari barish main

Tujh se bichray huwey raston pe safar karta hoon

Hum to aseer-e-khwaab thay , tabeer jo bhi thi

Dewaar pe likhi hui tehreer jo bhi thi

Jo samnay hai sab hai yeh apnay kiye ka phal

Taqdeer ki choriye , taqdeer jo bhi thi

Aya aur ik nigha main barbaad kar gaya

Hum ehl-e-intizaar ki jageer jo bhi thi

Talib hain teray reham ky hum adal ky nahin

Jaisa bhi apna juram tha , tafseer jo bhi thi

Amjad hamari baat woh sunta to aik baar

Aankhon se us ko choomtay ,tazeer jo bhi thi

Ajnabi si raahon ka Ajnabi musafir ik

Ajnabi si raahon ka

Ajnabi musafir ik

Mujh se pooch baitha hai

Raasta bata do gy

Ajnabi si raahon ky

Ajnabi musafir sun

Raasta koi bhi ho

Wasta koi bhi ho

Manzalein nahin milti

Manzalain to dhokha hain

Manzlein gar mil jayein

To justagoo nahin rehti

Zindagi ko jeenay ki

Aarzoo nahin rehti

Ab to her lamha azaab lagta hai

Tera milna bhi ik khwaab lagta hai

Her koi dukhi hai is duniya main

Ab to yeh ranj-o-gham nisaab lagta hai

Us ki aankhon main chupay hain sawaal kai

Is ka chup rehna jawaab lagta hai

Bas ik hi gham hai zindagi main meri

Aur wohi gham be'hisaab lagta hai

Us ki surat hai keh chaand ho jaisay

Us ka lehja bhi la'jawaab lagta hai

Main abhi talak na samjha mujhay tujh se piyaar kiyon hai

Teray wastay mera dil jo hai be'qaraar kiyon hai

Mujhay chor ky youn tanha tu kab ka ja chuka hai

To hai raah pe Kiyon nazrain , tera intizaar kiyon hai

Tu jo hamsafar tha , to dhuwan dhuwan tha mousam

Tu jo sath main nahin hai to yeh intishaar hai kiyon

Meri aankhon ki udasi tu kabhi bhi parh na paya

Mujhay yeh samjh na aya , tera intizaar kiyon hai

Thein is qadar ajeeb musafatein keh mat poocho

Aankhain abhi safar main thein aur khwaab thak gaye

Kahin tum bhi na ban jana mazmoon kisi kitaab ka

Log baray shouq se parhty hain kahaniyaan be'wafaon ki

Na janay kon duaon main yaad rakhta hai

Main doobta hoon samandar uchaal deta hai

Khwaab main bhi woh ab nahin atay

Nafratein in dino urooj par hain

Yeh soch ky dil phir se hai amada-e-ulfat

Keh her baar mohabbat main khasara nahin milta

Aao kabhi youn bhi meray paas

Keh anay main lamha aur janay main zindagi guzar jaye

Kitaab-e-dil ka koi bhi warq sada nahin hota

Nigha us ko bhi parh leti hai , jo likha nahin hota

Bhool jana ussay asaan to nahin hai lakin

Kaam asaan bhi hum se kahan hotay hain

Her koi apnay chaand se tha mehav-e-gutagoo

Main apna chaand dhoondta raha aur eid guzar gayi

Meri her nazar teri muntazir

Teri her nazar kisi aur ki

Na janay kiya chupa tha us ki nigha-e-ulfat main

Na chahaty huwey bhi us se izhaar-e-dil'lagi kar baithay

Mujh se milna teri hi qismat main tha shayed

Itni haseen meray hathon ki lakeerain to nahin

Kitni dil'kash hai us ki khamoshi

Sari batain fazool hon jaisay

Dil kisi aur ka na ho paya

Arzoo meri aaj bhi tum ho

Tumhari aankhon main laal dhagay

Raat kis ky naseeb jaagay ? ?

Jalti dhoop main sard hawa main rehna seekh liya

Us se bichar ky hijar ka ik ik mousam sehna seekh liya

Sahil sahil takra ky choor huwey to hum ne bhi

Dariya ki lehron ki main lehrain ban kar behna seekh liya

Apna dukh bas apna hi dukh hota hai yeh jaan liya

Apnay aap se apni saari baatein kehna seekh liya

Naye navaili tanhai ki baanhain daal kar baanhon main

Raat gaye tak nehar kinaray baithay rehna seekh liya

Ashk aankhon main bharty rahay raat bhar

Khud se lipat kar aah bhartay rahay raat bhar

Wada tha us ka keh milain gy khwaab main

Hum thay keh sanwarty rahay raat bhar

Shab-e-wasal thi aur is qadar tareek

Apnay saaye se dartay rahay raat bhar

Mat poocho keh kitni shiddat thi un main

Jo qehar dil pe guzarty rahay raat bhar

Dekha ussy shadmaan jo mehfal-e-raqeeban main

Gumaan dil main ubhartay rahay raat bhar

Ujjri hui aankhon se aiyaan hai shahid

Dil se toofaan guzarty rahay raat bhar

Hazaron khwaishein aisi keh her khwaish pe dam niklay

Bhout nikly meray armaan lakin phir bhi kam niklay

Daray kiyon mera qatal kiya rahay ga is ki gardan par

Woh khoon , jo chashm-e-tar se umar bhar youn dam na dam niklay

Nikalna khald se aadam ka suntay aye hain lakin

Bhout be'abru ho kar teray koochay se hum nikly

Bharam khul jaye zaalam teray qamat ki drazi ka

Agar is tarah ka paig-o-kham niklay

Magar likwey koi is ko khat to hum se likhwaye

Hui subha aur ghar se kaan pe rakh ky qalam niklay

Hui is dour main mansoob mujh se baada-e-aashaami

Phir aya woh zamana jo jahan main jaam-e-jam nikly

Hui jin se tawaqaa khat ki daad panay ki

Woh hum se bhi ziada khasta teaigh-e-sitam nikly

Mohabbat main nahin hai faraq jeenay aur marney ka

Usi ko dekh ky jeetay hain jis kaafir pe dam nikly

Kahan mea'khanay ka darwaza ghalab aur kahan waa'az

Par itna jantay hain kal woh jata tha keh hum nikly