Imran's Poetry: 02/09/16

Feb 9, 2016

Asar us ko zara nahin hota

Ranj rahat fiza nahin hota

Tum hamaray kisi tarah na huye

Warna duniya main kya nahin hota

Na'rasai se dam ruk to ruk

Main kisi se khafa nahin hota

Tum meray paas hotay ho goya

Jab koi doosra nahin hota

Haal-e-dil yaar ko likhon kiyon kar

Haath dil se juda nahin hota

Kiyon sune Arz-e-Muztarib ae Momin

Sanam Aakhir Khuda nahin hota

Sun to sahi jahan main hai tera fasaana kya ?

Kehta hai tujh ko khalq-e-khuda , ghaibana kya ?

Zer-e-zameen se aata hai go gul soz rabakuf

Qaroon ne raastay main lutaya khazana kya

chaaron taraf se surat jaana.n ho jalwa'gar

Dil saaf ho tera , tu hai Aayna-e-khana kya ?

Siyaad , aseer daam rag gul hai Andleeb

Dikhla raha hai chup kay daam dewana kya

Talb-e-ilam na paas hai apnay , na mulk-o-maal

Hum se khilaaf ho kay karay ga zamana kya

Aati hai kis tarah se mir qabz rooh ko

Dekhon to mout dhoond rahi hai bahana kya

Tirchee nigah se taahir dil ho chuka shikaar

JAb teer kajj paray ga , urray ga nishana kya

Youn muddai hasad se na de daad , tu na de

Aatish ghazal yeh tu ne kahi Aashqana kya ?

Kis qadar aag barasti hai yahan

Khalq shabnam ko tarasti hai yahan

Sirf andesha-e-Afi hi nahin

Phool ki shaakh bhi dusti hai yahan

Rukh kidher mor gaya hai dariya

Ab na woh log na basti hai yahan

Zinda dar'gor huye Ehl-e-nazar

Kis qadar murda parasti hai yahan

Zeest woh jins-e-giraan hai keh Faraz

Mout kay mool bhi sasti hai yahan

Qaatil kay qissay Maqtal ki baatein hain

Aaj ki mehfil main bhi kal ki baatein hain

Dewano par ik ik lamha bhaari hai

Hosh ki baatein kitni halki baatein hain

Tang qaba'aye kaj'kalay , zareen kamray

Is kaafir main saari ghazal ki baatein hain

Apni tehi dasti par main sharminda hoon

Teray labon par taaj mehal ki baatein hain

Aqal kay andhon ki mehfil main chup hai Faraz

Kitni siyaani us pagal ki baatein hain

Her gham ko dil'awaiz kiye deta hoon

Ehsaas ki lu tez kiye deta hoon

Tu zulf ko kuch aur pershaan kar de

Main jaam ko labraiz kiye deta hoon

Qaaflay guzray hain zanjeer ba'pa

Daaim Aabaad rahay shaher tera

Dil hai ya shaher-e-khamoshan koi

Na koi chaap na koi dharkan na sada

Aakhir-e-ishq ki ruswai hai

Ab hua charcha to ghar ghar ho ga

Tujh ko dekha hai to ab sochtay hain

Tujh se milnay ka sabab kya ho ga

Weham tha qaafla-e-hum'safran

Murr kay dekha to koi saath na tha

Shab-e-tera hi ghaneemat thi Faraz

Chaand nikla hai to dil doob chala

Inkaar na iqraar bari dair se chup hain

Kya baat hai sarkaar bari dair se chup hain

Asaan na kar di ho kahin mout ne mushkil

Rotay huye bemaar bari dair se chup hain

Ab koi ishaara hai na paighaam na Aahat

Baam-o-dar-o-dewaar bari dair se chup hain

Saqi yeh khamoshi bhi to kuch ghour talab hai

Saqi teray meh-khawaar bari dair se chup hain

Yeh barq nashaiman pe giri thi keh qafas par

Murghaan-e-griftaar bari dain se chup hain

Is shaher main her jins bani yousaf-e-kinan

Bazar kay Bazar bari dair se chup hain

Phir naara-r-mastana Faraz ayo lagaein

Ehal-e-risan-o-daar bari dair se chup hain

Woh Qaol woh sab qaraar tootay

Dil jin se maal-e-kaar tootay

Ho khatam khasha,kash zamana

Ya daam-e-khayal-e-yaar tootay

Phir tujh pe yaqeen kar rahay hain

Woh dil jo hazaar baar tootay

Khayein gay faraib hum khushi se

Par, youn keh na Aitabaar tootay

Woh pichla pehar shab-e-alm ka

Aansoo bhi sitaara waar tootay

Kya chortay yaad wusaton ki

Woh teer jo dil kay paar tootay

Kaamp uthay Faraz dono Aalam

Jab saaz-e-wafa kay taar tootay

Sakoot-e-shab hi sitam ho to , hum uthaein bhi

Woh yaad aaye to chalnay lagein hawaein bhi

Yeh shaher meray liye ajnabi na tha lakin

Tumharay saath badalti gayein fizaein bhi

Jo bazam-e-dost se uth kar chalay bazam tamaam

Koi pukaray to shayed woh loat ayein bhi

Dilon ka qurb kahin faaslon se mit'ta hai

Yeh khud faraib tera shaher chor jayein bhi

Hum aisay log jo ashoob-e-dehar main bhi hain khush

Ajab nahin hai agar tujh ko bhool jayein bhi

Sehar gazeeda sitaaron ka noor bujhnay laga

Faraz utho ab us ki gali se jayein bhi