Imran's Poetry: 03/11/15

Mar 11, 2015

Chor diya hum ne Aitabaar qismat ki lakeeron pe "Wasi"

Jo dilon main bas jayein woh lakeeron main nahin mila kartay

Lay kar us ko baanhon main sochtay rahay Ae dost

Aag hai jahanum ki , , , , phir kiyon hai maza jannat sa ?

Wafa ki talaash to be'wafaon ko hoti hai "Faraz"

Hum ne to duniya hi chor di kisi ki wafa kay liye

Chalay bhi Aao Keh main to

Chalay bhi Aao

Keh main to khud ko tumharay rangon main rang

Chuka hoon

Tumharay sanchon main dhal chuka hoon

Tumharay kehnay pe aa kay dekho

Main khud ko kitna badal chuka hoon

Kitnay baras lagay yeh jananay main

Kitnay baras lagay

YEh jananay main

Keh meray andar tear hona kya hai

Aisa hona bhi chahiye tha

Shaam hotay hi

Chand main roshni nahin aa jaati

Raat hotay hi

Raat ki raani mehak nahin uth'ti

Shaam aur khushboo kay beech

Aik aisa lamha hota hai

Jis ka hamari zameen se koi taaluq nahin hota

Is Aasmani lamhay ne

Ab hamein choo liya hai

Parveen shakir

Jab tasawur mera chupkay se tujhay choo aaye

Apni her saans se mujh ko teri khushboo aaye

Mashgala ab hai mera chand ko taktay rehna

Raat bhar chain na mujh ko kisi pelu aaye

Jab kabhi gardish-e-doran ne sataya mujh ko

Meri janib teray phailay huye baazu aaye

Jab bhi socha keh shab-e-hijar na ho gi roshan

Mujh ko samjhanay teri yaad kay jugnoo aaye

Kitna hasaas meri Aas ka sanaata hai

Keh khamoshi bhi jahan baandh kay ghungaroo aaye

Mujh se milnay ko sar-e-shaam koi saaya sa

Teray aangan se chalay aur lab-e-ju aaye

Us kay lehjay ka asar to hai bari baat "Qateel"

Woh to aankhon se bhi karta huwa jaadu aaye

Baatein kartay huye hont achanak ruk jatay aur

Aankhein is kay peechay peechay chal parti thein

Dhiyaan ka rasta kho jata tha

Mehfil main jis simt woh jaati

Kamray ka woh hissa jaisay yak'dam roshan ho jata tha

Jadoo gar thein aankhein us ki

Palkain thein ik raaz

Rooh main jhil mil kar deti thi

Aisi thi awaz

Di tisnagi khuda ne to chashmay bhi de diye

Seenay main dasht, aankhon main dariya kiya mujhay

MAin youn sambhal gayi keh teri be'wafai ne

Be'aitabariyon se shanasa kiya mujhay

Justagoo khoye huwon ki umar bhar kartay rahay

Chand kay hum'rah hum her shab safar kartay rahay

Raaston ka ilm tha hum ko na simton ki khabar

Shaher-e-na'maloom ki chahat magar kartay rahay

Hum ne khud se bhi chupaya aur saray shaher se

Teray janay ki khabar dewaar-o-dar kartay rahay

Woh na aaye ga hamein maloom tha is shaam bhi

Intizaar us ka magar kuch soch kar kartay rahay

Aaj aaya hai hamein bhi un uraano ka khayal

Jin ko teray zoham main be'baal-o-par kartay rahay

Haan theek hai , main apni anaa ka mareez hoon

Aakhir meray mizaaj main kiyon dakhl de koi

Dasht-e-shab pe dikhai kya dain gi

Salwetein roshni main ubhrain gi

Ghar dewaarain meray janay par

Apni tanhaiyon ko sochain gi

Ungliyon ko taraash doon phir bhi

Aadatan us ka naam likhein gi

Rang-o-boo se kahin pannah nahin

Khwaishain bhi kahan amaan dain gi

Aik khushboo se bach bhi jaaon agar

Dosri nikhatein jakkar lain gi

Khirkiyon par dabeez parday hon

Baarishain phir bhi dastak dain gi

Jab shab kay shakista zeeno se Mehtaab ubharnay lagta hai

Jab gham kay sard Alaao main umeedain bujhnay lagti hain

Jab dil kay shoreeda samandar main awazein marnay lagti hain

Jab mousam haath nahin aatay jab titli baat nahin karti

Jab zinda rehna ik be'mehni kaam dikhai deta hai

Jab aanay wala her lamha dishnaam dikhai deta hai

Jab yaad kay gehray sanaatay main chehray gum ho jatay hain

Jab dard se bojhal aankhon main gardaab se parnay lagtay hain

Jab shammein gul ho jati hain jab khwaab bikharnay lagtay hain

Uss waqat agar tum aa jaao

Ussay taraash kay heera bana diya hum ne Faraz

Magar ab yeh sochtay hain ussay khareedain kaisay

Intizar-e-umar-e-taweel kay baad bhaiga jo qasid ko un ki taraf

Qasid palat kay khoon roya , keh ta'aaruf poochtay hain woh

Paas jab tak woh rahay dard thama rehta hai

Phailta jaata hai phir aankh kay kajal ki tarah

Ek umar sunaein to hikayat na ho poori

Do roz main hum par jo yahan beet gayi hai

Habib Jalib

Gham-e-hayat ka jhagra mita raha hai koi

Chalay bhi aayo keh duniya se ja raha hai koi

Ajal se keh do keh ruk jaye do gharri

Suna hai aanay ka wada nibhaa raha hai koi

Woh iss naaz se baithay hain laash kay paas

Jaisay roothay huye ko mana raha hai koi

PAlat kar na aa jaye saans nabzoo'n main "Faraz"

Itnay haseen haathon se miyyat saja raha hai koi

Jin kay hamsafar rooth jaya kartay hain

Woh chain se kab soya kartay hain

Sunaatay nahin kisi ko dukh apna

Bas akelay main chup kar roya kartay hain

Bari khoon adaa hai yeh ehal-e-wafa ki

Aankhon main nami aur honton se muskuraya kartay hain

Bhalay hi hazaron shikwe hon mehboob se

Woh bas haal pooch lay to sab bhool jaya kartay hain

Bari ajeeb hai duniya ehal-e-dard ki

Tanhai main aksar mehfalon ko sajaya kartay hain

Aata hi nahin uss nadaan kay baghair jeena

Ae kaash us shakhs ne marna bhi sikha diya hota

Main anjaam-e-mohabbat sochta hoon

Dil-e-be'taab ko apni parri hai

Us ne jab se yeh kaha kon ho tum

Tab se main kon hoon pata nahin mujhay

Ghazab ka pyaar tha us ki udaas aankhon main

Gumaan tak na hua keh woh bicharnay wala hai

Baray zor-o-shor se chal raha hai karobaar-e-mohabbat

Kahin chahtain bik rahi hain , kahin log badal rahay hain

Nahin chor saktay hum doston kay haath main tum ko

Wapis loat aayo na keh hum abhi tak tumharay hain

Ehsaas to bhout hai us ko meri chahat ka

Woh mujh ko tarpaata hai is liye keh main aur bhi toot kar chahon ussay

Chand se chehray ka sadqa bhi utaara keejiye

Mashwara hai yeh meri jaan gawara keejiye

Roshni din ki Aandheron main simat jaati hai

Ghar kay Aangan main na youn zulfain sanwara keejiye

Hum to jaan hatheli pe liye phirtay hain

Bas kisi roz hamein halka sa ishaara keejiye

Aap to mehal nasheen naram mulaim se hain

Jhompri hai yeh ghreebon ki guzaara keejiye

Hum to raahon main liye phirtay hain kaasa-e-dil

Haal kaisa hai mera kisi roz nazara keejiye

Main kya likhon Keh ab to thak chuka hoon likh likh kar

Main kya likhon

Keh ab to thak chuka hoon likh likh kar

Dard jo bhi sahay hain woh likhon?

Ya dard denay walay ka hosla likhon

Ya apni be'basi ka fal'safa likhon ?

YA us kay door honay tak ka faasla likhon ?

Aakhir kya likhon ?

Ab to dard itna honay laga hai

Keh dil phatta jaata hai

Kiyon hota hai dard mujhay

Kya woh haadsa likhon ?

YA kuch na likhon aur tor doon qalam ?

Ya yeh likhon keh ab mujhay marnay ka shouq hai

LAkin maron bhi to kis kay liye ?

Kon hai jo mujhay kaandha dy ga ?

Kon hai jo mujhay yaad karay ga ?

Woh ?

Woh jo jeetay jee baat nahin kartay

Ya woh ?

Jo bhoolay se bhi yaad nahin kartay

Khwaab saaray , khayal saaray

Haqeeqat ka libaas orhay

Tumhari hasti sanwaar jayein

YEh chand suraj yeh saray taaray

Chragh jitnay bhi jal rahay hain

Tumharay chehray kay rang dekhein to haar jayein

YEh behti nadiyan yeh charhtay dariya

YEh gehra sagar yeh jheel jharnay yeh Aabsharein

Yeh apna jeevan tumhari aankhon pe waar jayein

Rang khushboo gulaab saaray

Mohabbaton kay nisaab saaray

Nazar tumhari utaar jayein

Ek khwaab ajab sa dekha tha

Hum us din se be'zaar piya

Ab neend bhi hum se rooth gayi

Phir kaisay ho deedar piya

Ab keh daalo to behtar hai

Jo karna hai iqraar piya

Dil gham se hi phatt jaye ga

Kar dena na inkaar piya

Un aankhon ko un aankhon ki

Na rok sakay dewaar piya

Tumhain paa kay khona meray bas main nahin

Ab koi aur zakham pirona meray bas main nahin

Ek umar tak dhoya hai dil kay daaghon ko

Ab yeh daagh dhona meray bas main nahin

Jaag chukay hain bhout shab ki tanhaiyon main

KEh ab raaton ko sona meray bas main nahin

Shouq-e-talab ko dard ki meezan main toliye

Lakin kabhi Aarzoo kay dareechay na kholiye

Shaher-e-wafa ki simt uthaya hi tha qadam

Toofan Aafton kay maray saath ho liye

Shana hila kay fikar ne baidaar kar diya

Jab bister-e-Anaa pe bhout dair so liye

Hum ko sata kay chain se woh bhi na reh saka

Kaantay khud apni raah main zaalim ne bo liye

Aankhon se apni karb ka baadal barsa chuka

Jee khol kay hum apni tabahi pe ro liye

Har koi jaati hui rutt ka ishaara janay

Gul na janay bhi to kya , baagh to sara janay

Kis ko batlaein keh ashoob-e-mohabbat kya hai

Jis pe guzri ho wohi haal hamara janay

jaan nikli kisi bismil ki na suraj nikla

Bujh gaye kiyon shab-e-hijraan ka sitara janay

Jo bhi milta hai hum hi se gila karta hai

Koi to surat-e-halaat khudaara janay

Dost ehbaab to reh reh kay galay miltay hain

Kis ne khanjar meray seenay main utaara janay

Tujh se barh kar koi nadaan nahin ho ga "Faraz"

Dushman-e-jaan ko bhi tu jaan se pyaara janay

Kathan andheron ki raah'guzar pe chragh-e-subh jala jala kay

Qasam se aankhein bhi thak gayi hain tum se aansoo chupa chupa kay

Yeh kya khabar thi keh ek chehray se kitnay chehray kasheed hon gay

MAin thak gaya hoon tumharay chehron ko aainay main saja saja kay

Hum itnay sada mizaaj kab thay magar saraabon ki rah'guzar pe

Faraib deta raha zamana , tumhari surat dikha dikha kay

Ajab tanasub se zehan-o-dil main kahyal taqseem ho rahay hain

Mujhay mohabbat si ho gayi hai , tumhain mohabbat sikha sikha kay

Aik ghazal teray liye zaroor likhon ga

Be'hisaab uss main tera qasoor likhon ga

Tu guftaar ki maahir ti kirdaat ki maahir

Par husan ko teray , tera ghroor likhon ga

Toot gaye bachpan kay teray saray khilonay

Ab dilon se khailna tera dastoor likhon ga

Raha ishq ka dawa tujhay tamaam umar kahan

Wafa ki dehleez se tujhay mafroor likhon ga

Khud shakista jo hai tera judai ka faisala

Aisay her iqdaam ko na'manzoor likhon ga

Hamain kehnay ki aadat nahin likhnay ka shouq hai

JAzbon ko apnay qalam ki taseer likhon ga

Tera wajood mera wajood mujhay ik se lagay

Par tujhay main khud se bhout door likhon ga

Kal teray shaher ka ek shakhs mila jo mujh se

Baaton baaton main tera zikar bhi zaalim ne kiya

Naam kya aaya tera uss kay labon par jana

Jis tarah rooh kisi jism se khinch kar aaye

Youn laga mout kay saaye meray sar pe aaye

Phir teray pyaar ki pazaib achanak chamki

Phir mera weham dilaason ki haddon se nikla

Phir meri aankh main sawan kay katoray chhalkay

Phir meri jaan pe qayamat ki gharri aa tehri

Phir meray dil ne ajab maangi dua Maalik se

Aaj kay baad tera zikar karay na koi

Aaj kay baad koi tera shanaasa na milay

Suna tha jashan ho ga aur ghar ghar roshni ho gi

Nahin maloom yeh taqreeb kab tak multavi ho gi

Taluh-e-subh-e-sadiq ki chamak kuch aur hota hai

Tumhain dhoka hua ho ga kahin bijli giri ho gi

Meray jurm-e-wafa ka faisala kuch iss tarah ho ga

Saza ka hukam fori aur sama'at sar'sari ho gi

Yeh be'maqsad safar ab khatam ho jaye to acha hai

Na tum se reh'bari ho gi na hum se pairwi ho gi

Hamein darbaar-e-saahil tak na lay jaao to acha hai

Hamara kuch na jaye ga , tumhain sharmindagi ho gi

Anjaam-e-ishq , gardish-e-halaat daikh lay

Aankhon se meri hasrat-e-na'kaam daikh lay

Tujh ko kisi maqaam pe ruswa nahin kiya

Sir pe liya hai main ne hi ilzaam daikh lay

Mero mohabbaton ka tujhay gar yaqeen nahin

Yaadon kay jugno'on ko sar-e-shaam daikh lay

Teray liye main mout kay munh main poonch gaya

Aa meray intizaar ka anjaam daikh lay

Teray baghair shaher hi sara ujar gaya

Soonay paray huye hain dar-o-baam daikh lay

Dil kay warq warq pe baray ehtraam se

Ashkon se likh diya hai tera naam daikh lay

Youn to hai sara shaher teri zulf ka aseer

Hoon teray ishq main badnaam daikh lay

Mil hi jaye ga kahin , dil ko yaqeen rehta hai

Woh is shaher ki galiyon main kahin rehta hai

Ek zamana tha keh sab ik jaga rehtay thay

Aur ab koi kahin , koi kahin rehta hai

Jis ki saanson se Mo'atar tha dar-o-dewaar tera

Ae makaan bol, Kahan ab woh makeen rehta hai

Roz milnay pe bhi lagta hai keh jag beet gaye

Ishq main waqat ka ehsaas kahan rehta hai

Dil afsurda to hua , dekh kar us ko Mohsin

Umar bhar kon jawaan , kon haseen rehta hai

Qurbaton kay sawan main hijar ki ghata ho ja

Phir se tor dil mera , phir se be'wafa ho ja

Mujh se kya tujhay haasil main nahin tera saahil

Khud safeena ban apna khud hi na khuda ho ja

Kal ko tu jo nochay gi apna chehra nochay gi

Tab juda hona hai , ab hi tu juda ho ja

Iss se barh kay dil joyi kar na paye ga koi

Jurm jo kiya main ne us ki tu saza ho ja

Bojh mujh se reh jaye baad-e-marg kiyon tera ?

Qarz agar hai tu mera , waqat par adaa ho ja