Aaina daikh kar tasali hui

Aaina daikh kar tasali hui 

Hum ko is ghar main jaanta hai koi 

Rukay rukay se qadam ruk kay baar baar chalay

Rukay rukay se qadam ruk kay baar baar chalay 

Qaraar de kay teray dar se be'qaraar chalay 

Uthaye phirtay thay ehsaan jisam ka jaan par 

Chalay jahan se to yeh peh'rahan utaar chalay 

Na janay kon si matti watan ki matti thi 

Nazar main , dhool , jigar main liye ghubaar chalay 

Sehar na aayi kai baar neend se jaagay 

So raat raat ki yeh zindagi guzaar chalay 

Mili hai shamma se yeh rasm-e-aashiqui hum ko 

Gunnah haath pe lay kar gunnag gaar cahlay

Shaam se aankh main nami si hai

Shaam se aankh main nami si hai 

Aaj phir raat ki kami si hai 

Dafan kar do hamein keh saans aaye 

Nabaz kuch dair se thami si hai 

Kon pathraa gaya hai aankhon main 

Barf palkon pe kiyon jami si hai 

Waqat rehta nahin kahin tik kar 

Aadat us ki bhi aadmi si hai 

Aaiye raastay alag kar lain 

Yeh zaroorat bhi bahami si hai 

Mujh ko bhi tarkeeb sikha koi yaar jula hai

Mujh ko bhi tarkeeb sikha koi yaar jula hai 

Aksar tujh ko dekha hai tana buntay 

Jab koi dhaga toot gaya ya khatam hua 

Phir se bandh kay  

Aur sira koi jor kay us main 

Aagay bun'nanay lagtay ho 

Teray us taanay main lakin 

Aik bhi ganth girah bintar ki 

Koi dekh nahin sakta 

AMin ne to aik baar buna tha aik hi rishta 

Lakin us ki sari girhain saaf nazar aati hain 

Mere yaar jula hai 

Poet : Gulzaar 

Zindagi kay jo qarz denay hain

Itni mohlat kahan keh ghutno se 

Sar utha kar mulk ko dekh sakon 

Apnay tukray utha'on daanton se 

Zara zara karaidta jayon 

Cheelta jayon rait se afshaan 

Waqat baitha hua hai gardan par 

Torta ja raha hai tukron main 

Zindagi de kay bhi nahin chuktay 

Zindagi kay jo qarz denay hain 

Poet : Gulzaar

Raat chup chaap dabay paaon chali jaati hai

Kaash ik baar 

Raat chup chaap dabay paaon chali jaati hai 

Sirf khamoshi hai , roti nahin , hansti bhi nahin 

Kaanch ka neela sa gumbad bhi urra jaata hai

Khaali khaali koi bajra sa bahaa jaata hai 

Chaand ki kirno main woh roz sa resham bhi nahin 

Chaand ki chikni dali hai keh ghulli jaati hai 

Aur snaaton ki ik dhool urri jaati hai 

Kaash ik baar kabhi neend se uth kar tum bhi 

Hijar ki raaton main yeh dekho to kiya hota 

Poet : Gulzaar

Shaam se aankhon main nami si hai

Shaam se aankhon main nami si hai 

Aaj phir aap ki kami si hai 

Waqat rehta nahin kahin tik kar 

Is ki aadat bhi aadmi si hai 

Poet : Gulzaar

Tujh se naraz nahin zindagi hairaan hoon main

Tujh se naraz nahin zindagi hairaan hoon main 

Teray masoom sawalon se parishaan hoon main 

Jeenay kay liye socha hi na tha dard sambhalnay hon gay 

Muskura'on to muskuranay kay qarz utarnay hon gay 

Muskuraon kabhi to lagta hai 

Jaisay honton pe qarz rakha hai 

Tujh se naraz nahin zindagi hairaan hoon main 

Aaj agar bhar ayi hain , boondain baras jayein gi 

Kal kya pata in kay liye aankhein taras jayein gi 

Janay kahan gum hua kahan khoya 

Aik aansoo chupaa kay rakha tha 

Tujh se naraz nahin zindagi hairaan hoon main 

Zindagi teray gham ne hamein rishtay naye samjhaye

Milay jo hamein dhoop main milay chaaon kay thanday saaye 

Tujh se naraz nahin zindagi hairaan hoon main 

Shaam se aaj saans bhari hai

Shaam se aaj saans bhari hai

Be-qarari si ba-qarari hai

Aap ke baad her ghari hum ne

Aap ke sath hi guzari hai

Raat ko de do chandi ki rida

Din ki chadar abhi utari hai

Shaakh pe koi qeh'qaha to khilay

Kaisi chup se chaman pe tari hai

Kal ka her waqiya tumhara tha

Aaj ki dastaan hamari hai

Poet : Gulzaar