Shayed abhi hai raakh main koi sharaar bhi

Shayed abhi hai raakh main koi sharaar bhi 

Kiyon warna intizaar bhi hai iztaraar bhi 

Dhiyaan aa gaya hai marg-e-dil-e-na'muraad ka 

Milnay ko mil gaya hai sakoon bhi qaraar bhi 

Ab dhoondnay chalay ho musaafir ko dosto 

Had-e-nigaah tak na raha jab ghubaar bhi 

Her Aastaan pe naasiya-farsaa hain aaj woh 

Jo kal na kar sakay thay tera intizaar bhi 

Ik raah ruk gayi to thit'tak kiyon gaye Ada

Aabaad bastiyaan hain paharron kay paar bhi

Dil dukhatay rahay jee jalatay rahay

Dil dukhatay rahay jee jalatay rahay 

Hoslay dard ke azmatay rahay 

Door itni na thi manzil-e-arzoo 

Raastay doosron ko dikhatay rahay 

Heela-e-soz thi mishal-e-arzoo 

Khud jalatay rahay khud bujhatay rahay

Jaan pehchaan apni kahan ho saki 

Log aatay rahay log jaatay rahay 

Rang-o-boo ki jaga dhool hai khaak hai !

Phool gulzaar se khaar khaatay rahay 

Saans lenay ki fursat kahan thi "adaa"

Yaad anay ko woh yaad atay rahay

Kis ko sunaein haal dil-e-zaar Ae adaa

Kis ko sunaein haal dil-e-zaar Ae adaa

Awargi main hum ne zamanay ki sair ki

Honthon pe kabhi un ke mera naam he aye

Honthon pe kabhi un ke mera naam he aye

Aye to sahe bar sar-e-ilzaam he aye

Hairaan hain lab basta hain , dil geer hain gunchay

Kushboo ki zubaani tera payghaam he aye

Taroon se saja lain ge raah shaher-e-tamana

Maqdoor nahin subha chalo shaam he aye

kiya raah badalney ka gila humsafron se

jis raah se chalay teray dar-o-baam he aye

Thak haar ke baithay hain sar kooaye tamana

kaam aye to phir jazba-e-nakaam he aye

Baqi na rahay saakh ada dasht-e-junoon ki

dil main agar andesha-e-anjaam he aye

Poet : Ada Jaferi

honton pe kabhi un kay mera naam hi aaye

honton pe kabhi un kay mera naam hi aaye
aaye to sahi bar-sar-e-ilzam hi aaye

hairan hain labbasta hain, dilgeer hain ghunchay
khushbu ki zubani tera paigham hi aaye

lamhat-e-masarrat hain tasawur se gurezan
yaad aaye hain jab bhi gham-o-alam hi aaye

taaron se saja len ge rah-e-shahar-e-tamanna
maqadur nahi subho chalo sham hi aaye

yaadon ke, wafaon ke, aqeedon ke, ghamon ke
kam aaye jo duniya mein to is naam hi aaye

kya rah badalne ka gila hamsafaron se
jis rah se chale tere dar-o-bam hi aaye

thak har ke baithe hain sar-e-ku-e-tamanna
kam aaye to phir jazba-e-nakam hi aaye

baqi na rahe sakh “ada” dasht-e-junun ke
dil mein agar andesha-e-anjam hi aaye

Poet: ada jaferi