Dil kay toot janay par bad'guman nahin hotay
Aisay haadsay jana ! phir kahan nahin hotay
Woh badal gaya hai to .... ab malaal kya karna
Zeest kay sabhi mousam meharban nahin hotay
Apr 20, 2018
Mujhay bas itna khena hai
Mujhay bas itna khena hai
Kabhi main yaad ayon to
Kabhi tanhai ki raatein
Tumhein ziyada sata'ein to
Kabhi titli na bolay to
Aur jugnoo loat jaye to
Kabhi jab dil bhi bhar aaye
Kabhi jab sun na paye to
Agar sab dost sathi bhi
Jo tum se rooth jayein to
Kabhi jab khud se lar lar kar
Thakan se choor ho jao
Kabhi chahtay huye bhi khud
Akelay ro na pao to
Apni aankhon ko band karna
Mujhay awaz de dena
Aur phir meray tasawur se
Jo chaho baatein keh dena
Meray kandhay pe sar rakh kar
Tum jitna chaho ro lena
Phir khudi main jab loat jao to
Uss hi duniya chalay jana
Magar bas itna kehna hai
Keh jab bhi dukh ya khushiyon main
Hamein dil se pukaro gay
Hamein tum paas pao gay
Apr 18, 2018
Thahar gaye thay sar-e-rah guzar bas youn hi
Thahar gaye thay sar-e-rah guzar bas youn hi
Tumhara kartay rahay intezaar bas youn hi
Yeh jaan kar bhi keh tu apni das'taras main nahin
Wafa ka kheench diya ik hisaar bas youn hi
Woh mera tha hi nahin , main kisi se kiyon kehti
Yeh raaz ho gaya hai Aash'kaar bas youn hi
Tum apnay ehad main na'mohtabar sada kay thay
Tumhara kar liya phir Aitbaar bas youn hi
Hazar baar tumhein jeetnay ki koshish main
Tumharay samnay maani hai haar bas youn hi
Shikaar honay kay dar seliye diye se rahay
Yeh teer ho gaya hai aar paar bas youn hi
Hamaray qariya-e-jaan par hakoomatein kar lo
Tumhein yeh de rahay hain ikhtiyaar bas youn hi
Meri zameen pe qayamat to nayi baat na thi
Yeh aankh ho gayi hai ashkbaar bas youn hi
Phir aik baar lahu main hain hidatein jaagein
Utar na jaye yeh bukhaar bas youn hi
Jab dil tumhara apna ho
Jab dil tumhara apna ho
Par baatein saari uss ki hon
Jab saansein tumhari apni hon
Aur khushbu aati uss ki ho
Jab had darja masroof ho tum
Woh yaad achanak aaye to
Jab aankein neend se bojhal hon
Tum paas ussay hi paao to
Phir khud ko dhoka mat dena
Aur uss se jaa kay keh dena
Iss dil ko mohabbat hai tum se
Sharmatay is qadar rahay kiyon aap raat ko
Sharmatay is qadar rahay kiyon aap raat ko
Muddat se go milay thay , magar main naya na tha
Mohabbat kay safeeron kay sabhi kirdar jhoote hain
Mohabbat kay safeeron kay sabhi kirdar jhoote hain
Main sach kehta hoon duniya ko meray sab yaar jhoote hain
Yahan bint-e-hawa ka bhi hua hai sar nagoon aksar
Yahan arbaab jhootya hain , sabhi kirdaar jhoote hain
Yahan majboor insaan ki ana bikti bhi dekhi hai
Yeh shaher jhoot nagri hai , aur pehray daar jhootay hain
Yahan mujh se sukhan'war bhi keh jin ki soch bikti hai
Sabhi dewaan jhootay hain , sabhi afkaar jhootay hain
Hazaron hi woh waday jo meray tum sath kartay ho
Bhala tum se na kehta tha , meri sarkar jhootay hain
Teri her baat mohabbat main gawara kar kay
Teri her baat mohabbat main gawara kar kay
Dil kay bazar main baithay hain khasra kar kay
Aatay jatay hain kai rang meray chehray par
Log letay hain maza , zakar tumhara kar kay
Kar kay jata to duniya ki nazron main aa jata
Kar kay jata to duniya ki nazron main aa jata
Samjh'daar qaatil tha mohabbat kar kay chor diya
Subscribe to:
Comments (Atom)
