Her raat mujhay ik naam yaad aata hai

Her raat mujhay ik naam yaad aata hai 

Kabhi kabhi subah sham yaad aata hai 

Jab sochta hoon keh kar loon doosri mohabbat 

To pehli mohabbat ka anjaam yaad aata hai 

Kisi bhi rutt main kuredo , koi bhi mousam ho

Kisi bhi rutt main kuredo , koi bhi mousam ho 

Dilon kay zakham hamesha harray nikaltay hain 

Sukhan waron kay qabeelay main yeh kharabi hai 

Udaas log hi dil kay kharray nikaltay hain 

Dil kay toot janay par bad'guman nahin hotay

Dil kay toot janay par bad'guman nahin hotay 

Aisay haadsay jana ! phir kahan nahin hotay 

Woh badal gaya hai to .... ab malaal kya karna 

Zeest kay sabhi mousam meharban nahin hotay 

Hisab-e-umar ka itna sa goshwara hai

Hisab-e-umar ka itna sa goshwara hai 

Tumhein nikaal kay dekha to sab khasara hai 

Woh kya visaal ka lamha tha Jis kay nashay main 

Tamaam umar ki furqat hamen gawara hai 

Mohabbat ko aqeeda , aashqui ko deen kehta tha

Mohabbat ko aqeeda , aashqui ko deen kehta tha 

Koi tha jo meri her baat pe Ameen kehta tha 

Kabhi aanay nahin deta tha , meri aankh main aansu 

Meray ashkon ko apnay ishq ki toheen kehta tha 

Tumhara deen mushkil hai , mera aasaan rehnay do

Tumhara deen mushkil hai , mera aasaan rehnay do 

Khudara sheikh mujh ko tum faqat insaan rehnay do 

Kahani qissa go mujh ko jahanum ki suno mat

Khuda ki rehmaton par tum mera emaan rehnay do 

Aag hain amal meray ya sawab rehnay de

Aag hain amal meray ya sawab rehnay de

Hashar main hi daikhein gay yeh hisaab rehnay de

Zindagi mo'alam hai tujh ko sab sikha de gi 

Uss ko seekh le parhna , her kitab rehnay de

Khayal baandh kay laa'on kamal kar daalon

Khayal baandh kay laa'on kamal kar daalon 

Tumhari zaat ko phir be'misal kar dalon 

Tu pukaray to phir mujh pe wajd taari ho 

Main paa'on jhoom kay rakhon dhamaal kar daalon 

Yeh lamhay ishq-o-masti kay kabhi pa'band nahin rehtay

Yeh lamhay ishq-o-masti kay kabhi pa'band nahin rehtay 

Sada khushiyan nahin rehti , hamesha gham nahin rehtay 

Zara dekho darwaze pe dastak kon deta hai 

Mohabbat ho to keh dena , yahan ab hum nahin rehtay 

Her baar mujhay zakham-e-judai na diya kar

Her baar mujhay zakham-e-judai na diya kar 

Agar tu mera nahin to mujh ko dikhaai na diya kar

Sach jhoot teri aankh se ho jata hai zaahir

Qasmein na utha ........itni safaai na diya kar 

Kuch hum bhi thak gaye hain ussay dhoondtay huye

Kuch hum bhi thak gaye hain ussay dhoondtay huye 

Kuch zindagi kay paas bhi mohlat hi nahin rahi 

Uss ki aik aik adaa se jhalaknay laga khaloos 

Jab hum ko aaitabar ki aadat na rahi 

Anjaan is ghum se koi reh nahi sakta

Anjaan is ghum se koi reh nahi sakta

Koi sabar karta hai to koi seh nahi sakta

Mohobbat to har dil ko ho hi jati hai

Bas koi izhar karta hai to koi keh nahi sakta

Yaad to hon gi woh baatein tujhay ab bhi lakin

Yaad to hon gi woh baatein tujhay ab bhi lakin 

Shelf main rakhi hui band kitabon ki tarah 

Kon janay keh naye saal main tu kis ko parhay 

Tera miyaar badalta hai .....nisabon ki tarah 

Issi khayal main guzri hai shaam-e-dard aksar

Issi khayal main guzri hai shaam-e-dard aksar 

Keh dard had se barhay ga to muskura doon ga 

Tu aasmaan ki surat hai , gir paray ga kabhi 

Zameen hoon main bhi magar tujh ko Aasra doon ga 

Ik khwaab ne aankhain kholi hain

Ik khwaab ne aankhain kholi hain 

Kiya mor aaya hai kahani main 

Woh bjeeg rahi hai baarish main 

Aur aag lagi hai paani main

Koi atkaa hua hai pal shayed

Koi atkaa hua hai pal shayed 

Waqat main par gaya hai bal shayed

Dil agar hai to dard bhi ho ga 

Is ka koi nahin hai hal shayed 

Kaash koi aisa ehal-e-dil hota jo meri aarzoo karta

Kaash koi aisa ehal-e-dil hota jo meri aarzoo karta 

Kho jaata agar main kahin , to meri justagoo karta 

MAin us kay zehan-o-dil main kuch is tarah sama jaata 

Keh lab jab bhi kholta meri justagoo karta

Teray dard ka dil-e-na'tawaan

Teray dard ka dil-e-na'tawaan 

Main ilaaj karoon to kiya karoon 

Na tabeeb hoon keh dawa karon 

Na fakeer hoon keh dua karoon

Kabhi faqeer kabhi badshah hona tha

Kabhi faqeer kabhi badshah hona tha 

Mohabbaton main hamein youn tabbah hona tha 

Barjumaan thay dono bulandiyon par to phir

Soch kaisay hamara nibaah hona tha 

Kuch is tarah se wafa ki misal deta hoon

Kuch is tarah se wafa ki misal deta hoon 

Sawal karta hai koi to taal deta hoon 

Usi se khaata hoon aksar fraib manzil ka 

Main jis kay paaon ka kaanta nikal deta hoon