Imran's Poetry: 06/13/14

Tum ne to keh diya mohabbat nahin hai
Mujh ko to yeh kehnay ki mohlat nahin mili

Neendon ky dais jatay joi khwaab dekhay
Lakin dia jalanay se fursat nahin mili

Tujh ko to khair shaher ky logon ka khauf tha
Aur mujh ko apnay ghar se ijazat nahin mili

Baizaar youn huwey keh teray ehad main hamain
Sab kuch mila, sakoon ki doulat nahin mili

Woh ana parast sahi us ki baaton main iqraar bhi tha

Us ky chubtay huwey lehjay main chupa piyaar bhi tha

Woh mujhay likhta tha muntazir na rehna lakin

Us ki tehreer main sadiyon ka intizaar bhi tha

Woh kehta hai keh mat rootho keh manana nahin ata

Meri narazgi pe lakin woh be'qaraar bhi tha

Woh shayed phir na likhta ussay apni khabar lakin

Dosti ka bharam rakhna tah , kuch dil be'ikhtiyaar bhi tha

Shayed yahi us ka andaaz-e-mohabbat ho faysal

Woh mera humdam bhi tha sitam sha'aar bhi tha

Mumkin ho aap se to bhula dijiye mujhay

Pathar pe hoon lakeer , mitta dijiye mujhay

Her roz mujh se taza shikayat hai aap ko

Main kiya hoon , Aik baar bata dijiye mujhya

Meray siwa bhi hai koi mozo-e-gutagoo

Apna bhi koi rang dikha dijiye mujhay

Main kiy ahoon , kis jaga hoon , mujhay kuch kahabar nahin

Hain aap kitnay door zara sada dijiye mujhay

Ki main ne apnay zakham ki tasgreeh ja baja

Main manta hoon jurm, saza dijiye mujhay

Qaim to ho sakay koi rishta ghour ky sath

Gehray samandron main baha dijiye mujhay

Shab bhar kiran kiran ko trasnay se faida

HAi tairagi to Aag laga dijiye mujhay

Jaltay dino main khud paas-e-dewaar baith kar

Saaye ki justagoo main laga dijiye mujhay

Youn to shola-e-jaan sard ho chuka

Lakin sulag uthon to hawa dijiye mujhay

Hum ne kisi ki yaad main rona hi chor dia

Apni zindagi ko talaash karna hi chor dia

Sab beeti hui batain bhula di hum ne

Ab dil main mazi basana chor dia

Kaanton se bhar detay hain log daaman

Hum ne aangan main phool khilana hi chor diya

Kabhi na mangain gy kisi se bheek mohabbat ki

Is hi liye hum ne piyaar karna hi chor dia

Ae mohabbat teray anjaam pe rona aya

Janay kiyon teray naam pe rona aya

Youn to her shaam umeedon main guzar jati hai

Aaj kuch baat hai jo shaam pe rona aya

Kabhi taqdeer ka maatam kabhi duniya ka gila

Marzi yeh ishq main her kaam pe rona aya

Jab hua zikar zamanay main mohabbat ka mir

Mujh ko apnay dil-e-na'kaam pe rona aya

Pooch lo tum bhi is zamanay se

Piyaar chupta nahin chupanay se

Paas atay ho chooty ho baat kartay ho

Kabhi matlab se kabhi bahanay se

Piyaar dil main hai to layo zubaan pe

Aag barhti hai yeh bujhanay se

Tumhain na pana shayed behtar hai

Paa kar ohir se tumhain ganwanay se

Chalo ek dua to apni poori hui

Mil liya apnay ik deewane se

roye jatay ho , bas roye jatay ho

Kiya ho ga yeh dhan lutanay se

Karo koshish keh qurbatein hi rahein

Doorian barh jati hain barhanay se

Kiya sunaein kisi ko raaz-e-dil

Dard bhi barhta hai su'nanay se

Juda jab ho jayon to meri yaad main roya mat karna

Her waqat ka jagna aur dair se soya mat karna

Youn hi sotay main agar zikar ho jaye mera

Khwaab palkon pe meray piroya mat karna

Ho dil be'taab jab mujh se milnay ko

Pyaar ki is judai main khud ko be'haal mat karo

Hamain to her haal main jeena hai youn hi tanha

Tum apni zindagi banana , hargiz mera intizaar mat karna

Chupaye dil main ghamon ka jahan baithay hain

Teri bazam main hum be'zubaan baithay hain

Yeh aur baat keh manzal pe hum ponch na paye

Magar yeh kam hai kiya chaan baithay hain

Fugaan hai dard hai soz-e-firaaq-o-daagh-e-alam

Abhi to ghar main bhout meharbaan baithay hain

Ab aur gardash-e-taqdeer kiya staaye gi

Lutaa ky ishq main naam-o-nishaan biathay hain

Woh ik lafaz-e-mohabbat hai dil ka dushman hai

Jissay shartay ehsas maan baithay hain

Hai mehkadon ki baharon se dosti sagar

Baray had-e-yakeen-o-gumaan baithay hain

Jab tak main zinda hoon mujhay jee bhar sataa lo

Phir kis se meray baad yeh ashaa karo gay

Dekho na stayo chup rehnay do aye dost

Mar jayein gy jis din to bhout yaad karo gay

Bhar aye ga dil tum se ansoo na rokain gy

Ro ro ky tasawar main hamain yaad karo gy

Aa jao keh nahin lagta ab dil kisi surat

Kiya is dil ko kabhi na abadaad karo gy

Aye dost tumhain chaha hai tamana'on se barh kar

Khud aik roz is baat ka iqraar karo gy

Tera aana meri duniya main aur chalay jana

Jiasay ik phool ka bahar main murjha jana

Dil ki duniya main keh bas zindagi mehk'kana

Aur phir door ja kay deep sab bhujha jana

Kushki se chal ky samandar ky beech ly ana

aur manjh'dhaar main youn chor ky chalay jana

Doori-e-tashnagi ky ehad ki wafa kay liye

Laab-e-fursat se piyasa mujhay loata dena

Umar bhar sath nibhanay ka ehad kar ky ae dost

Do qadam chal ky hi daaman ko churra jana

Teray firaaq main gar jaan chali jaye to

Meri laash pe ik ashk to baha jana

Aaj rootha hua ik dost bhout yaad aya

Acha guzra hua kuch waqat bhout yaad aya

Meri aankhon ky her ik ashk pe ronay wala

Aaj jab yeh aankh rio to bhout yaad aya

Jo maeray dard ko seenay main chupa leta tha

Aaj jab dard hua mujh ko bhout yaad aya

Jo meri aankh main kajal ki tarah rehta tha

Aaj kajal jo lagaya to bhout yaad aya

Jo meray dil ky tha qareeb faqat us ko hi

aaj jab dil ne bulaya to bhout yaad aya

Meray jeevan ki her kushi main wohi tha sonu

Aaj jab yaad woh aya to bhout yaad aya

Agar hum kahein aur woh muskura dain

Hum un ky liye zindgani luta dain

Her ik morr pe hum ghammon ko saza dain

Chalo zindagi ko mohabbat bana dain

Agar jhud ko bhoolay to kuch bhi na bhoolay

Keh chahat main un ki khuda ko bhula dain

Kabhi gham ki aandhi jinhain choo na paye

Wafaon ko hum woh nashaiman bana dain

Saza dain keh na dain bana ky mitta dain

Magar woh koi faisala to suna dain

Ab kis aas main baitha hai Nayi dehleez-e-hayat py

Is tarah se muntazir rehna bhi kuch munasib nahin

Meri mohabbat ki tapish tujh ko pighla dy gi ik din

Jhooti umeedon se jee ko behlana bhi kuch munasib nahin

Hua kar kar masloob ishq e navi , koi kiya janay

Her ik ko raaz'daan banana bhi kuch minasib nahin

Dil main ab youn teray bhoolay huwey gham atay hain

Jisay bichray huwey kaabay main sanam atay hain

Aik aik kar ky huwey jatay hain taaray roshan

Meri manzal ki taraf teray qadam atay hain

Raqas-e-meay tez karo saaz ki lay tez karo

Soo-e-maikhana safranay harr'am atay hain

Sirf itna hi kaha hai payar hai tum se

Jazbon ki koi numaish nahin ki

Piyaar ky badlay sirf piyaar manga hai

Rishtay ki to koi guzarish nahin ki

Chaho to bhula dena hamain dil se

sada yaad rakhnay ki sifarish nahin ki

Khamoshi se toofan seh leta hai jo

Un badlon ne izhaar ki barish nahin ki

Tumhain hi mana hai reh'numa apna

Aur to kisi cheez ki khwaish nahin ki

Pathar bana dia mujhay ronay nahin diya

Daaman bhi teray gham ne beghonay nahin dia

Tanhaiyaan tumhara pata poochti rahein

Shab bhar tumhari yaad ne sonay nahin diya

Aankhon main aa kar baith gayi ansoon ki lehar

Palkon pe koi khwaab peronay nahin dia

Dil ko tumharay naam ky ansoo aziz thay

Duniya ka dard dil main semonay nahin dia

Nasir youn us ki yaad chali hath thaam ky

Mele main is jahan ky khonay nahin dia

Shaahon ki tarah thay, na ameeron ki tarah thay

Ham shehr e muhabat ki faqeeron ki tarah thay

Daryaaon mein hotay thay jazeeron ki tarah ham

Sehraaon mein pani k zakheron ki tarah thay

Afsos keh samjha na hamain ehl e nazar ne

Ham waqt ki zambeel mein heeron ki tarah thay

Gham tauq e guloo, paaon mein zanjir anaa ki

Azaad bhi thay ham tau aseeron ki tarah thay

Hairat hai Keh wo loug bhi ab, chhorr chalay hain

Jo hathaili main hamari, laKeeron ki tarha thay

Yeh Mazaq Hy Meri Zaat Say Ya Riwaj Hay Tery Shehr Ka

Yeh mazaq hay meri zaat say ya riwaj hay tery shehr ka

Kabi is taraf kabi us taraf kia mizaaj hay tery shehr ka

Yahan nafratain bari aam hain yahan chahton ki qadr nhi

Wo jo khoon tha mery jism main wo anaaj hay tery shehr ka

Nhi hadd yahan kisi zulm ki na hi pas hay kisi rabt ka

Wo jo haal tha yahan kal talak wohi aaj hay tery shehr ka

Yahan kaatna kisi or ko hy bahaduri ki alaamtain

Wo jo jangalon main b tha kbi wohi raj hay tery shehr ka

Sakoon kay din, Faraghat ki raat say bhi gay

Tujhy ganwa kay bhari kainaat say bhi gay

Juda hotey thay magar dil kabhi na toota tha

Khafa huey to tere iltafaat sy bhi gay

Chalay to Neel ki gehraiyan theen ankhon mein

Palat kay aaey to mouj-e-Faraat sy bhi gay

Khayal tha k tujhy paa k khud ko dhoonden gy

Tu mil gaya to khud apni zaat se bhi gaey

Bichharr kay khat bhi na likhay udaas yaron ne

Kabhi kabhi ki adhoori si baat say bhi gay

Muhabbat ki tmanna hai to phir woh wasf peda kar

Jahan se ishq chalta he wahan tak naam peda kar

Agar sachaai mere ishq main to ae bani Adam

Nigah-e-ishq peda kr jamal-e zarf peda kar

Main tujh ko ,tujh se ziada aur sab se ziada chahon ga

Magar shart yeh hai keh apny andr meri justaju to peda kar

Agar na badloun teri khatir hr ik cheez to kehna

Tu apne aap me pehly andaz-e-wafa to peda kar

Ajeeb lagti hai sham kabhi kabhi

Zindagi lagti hai be-jan kabhi kabhi

Samajh aaye to hamein bhi batana

Kiyon karti hai yadain pareshan kabhi kabhi

Mousam-e-karb-e-intizar bhi jhoot

Dil na maany to wasl-e-yar bhi jhoot

Ay mout.! Teri talab bhi larzish-e-lab

Ay zindagi.! Tera aaitbaar bhi jhoot

Wus'at-e-daastan-e-shouq ghalat

Koshish-e-harf-e-ikhtisaar bhi jhoot

Sirf us ka jhoot hai sach ''mohsin''

Mera pyar b jhoot, mera aitbar bhi jhoot