Makano aur dukano par ajab ik saaniha guzra

Makano aur dukano par ajab ik saaniha guzra 

Zaroorat ki her ik shay be'zaroorat ho gayi aakhir

Chara sazon ki chara sazi se

Chara sazon ki chara sazi se

Dard bad'naam to nahin ho ga 

Haan , dawa do magar yeh batloo do 

Mujhay Aaraam to nahin ho ga 

Ik teri bra'bari kay liye

Ik teri bra'bari kay liye 

Khud ko kitna gira chuka hoon main 

Youn jo takta hai aasmaan ko tu

Youn jo takta hai aasmaan ko tu

Koi rehta hai aasmaan main kya 

Hum ne jana to hum ne yeh jana

Hum ne jana to hum ne yeh jana

Jo nahin hai woh khoobsurat hai 

Hai mohabbat hayat ki lazzat

Hai mohabbat hayat ki lazzat

Warna kuch lazzat-e-hayat nahin 

Tumharay naam tumharay nishaan se be-sar-o-kaar

Tumharay naam tumharay nishaan se be-sar-o-kaar 

Tumhari yaad kay mousam guzartay jaatay hain 

Roshni bharr gayi nigahon main

Roshni bharr gayi nigahon main 

Ho gaye khawab be'amaan jaana

Uss ki umeed-e-naaz ka hum se yeh maan tha keh aap

Uss ki umeed-e-naaz ka hum se yeh maan tha keh aap 

Umar guzaar deejiye , umar guzaar di gayi 

Main khud yeh jaanta hoon keh halaat hon kharaab

Main khud yeh jaanta hoon keh halaat hon kharaab 

Meray khilaaf zehar ugalta phirray koi 

Kar kay ik doosray se ehad-e-wafa

Kar kay ik doosray se ehad-e-wafa 

Ayo ! kuch dair jhoot bolein hum 

Hain Da'leelain teray khilaaf magar

Hain Da'leelain teray khilaaf magar 

Sochta hoon teri himayat main 

Dukh bhi tha us ko shadi ka

Zindagi ki Ranga Rangi 

Dukh bhi tha us ko shadi ka 

Khush bhi hai woh dekho kitni 

Yeh mujhay chain kiyon nahin parta

Yeh mujhay chain kiyon nahin parta 

Aik hi shakhs tha jahan main kya 

Teri yaadon kay raastay ki taraf

Teri yaadon kay raastay ki taraf 

Ik qadam bhi nahin barhon ga main 

Dil tarapta hai teray khatt parh kar 

Ab teray khatt nahin parhon ga main 

Ajab tha us ki dil'daari ka andaaz

Ajab tha us ki dil'daari ka andaaz 

Woh barson baad jab mujh se mila hai 

Bhala main poochta us se to kaisay 

Mata-e-jaan ! tumhara naam kya hai ?

Baat hi kab kisi ki maani hai

Baat hi kab kisi ki maani hai 

Apni hatt poori kar kay choro gi 

Yeh kalaai yeh jisam aur yeh kamar 

Tum surahi zaroor toro gi 

Tishna-e-naaz ne be'haal kiya hai tum ko

Tishna-e-naaz ne be'haal kiya hai tum ko 

Apnay hi zor main kam'zor hui jaati ho

Main koi aag nahin , aach nahin , dhoop nahin 

Kiyon paseenay main sharaboor hui jaati ho 

Ik gumaan-e-be'gumaan hai zindagi

Ik gumaan-e-be'gumaan hai zindagi 

Daastan ki daastan hai zindagi 

Dam ba dam hai ik firaaq-e-jawidaan 

ik jabeen-e-be'aastaan hai zindagi 

Keh'kishan bar keh'kishan hai ik guraiz

Bood-e-be'sood-o-ziyaan hai zindagi 

Hai meri tehra nigahi ik talash 

Tum kahan ho aur kahan hai zindagi

Kuch nahin tha kya haqeeqat kya khayal

Kuch nahin tha kya haqeeqat kya khayal 

Aik afsanay thay mumkin aur mohaal 

Ik "Abas" main khoon-e-dil thooka gaya 

Koi bhi halat nahin thi aur haal