Hamein dariyaaft karnay se

Hamein dariyaaft karnay se 

Hamein taskheer karnay tak 

Bahut hain marhalay baqi 

Hamein zanjeer karnay tak 

Hamaray hijar kay qissay 

Sameto gay to likho gay 

Hazaron baar socho gay 

Hamein tehreer karnay tak 

Hisab-e-umar ka itna sa goshwara hai

Hisab-e-umar ka itna sa goshwara hai 

Tumhein nikaal kay dekha to sab khasara hai 

Woh kya visaal ka lamha tha Jis kay nashay main 

Tamaam umar ki furqat hamen gawara hai 

Abhi umeed baqi hai keh woh bichra hua ik shakhs

Abhi umeed baqi hai keh woh bichra hua ik shakhs 

Kisi bhi mor pe aa kar mujhay hairaan kar de ga 

Kaash keh kabhi aisa bhi ho

Kaash keh kabhi aisa bhi ho 

Aadhi raat ko meray mobile pe koi call aaye 

Screen pe tumhara naam jag'maga raha ho 

Jissay daikh kar hamesha ki tarah 

Meri aankhein num ho jayein 

Phir main laraztay huye haathon se 

Mobile ko uthaon 

Tumhari call receive karon 

Aur phir 

Tumhari siskiyon bharri awaz aaye 

Aur tum kaho 

Phir se loat aayo na 

Tumhari yaad aati hai 

Aur phir khamoshi sari raat baatein karay 

Kehtay hain keh waqat kay saath

Kehtay hain keh waqat kay saath 

her zakham bhar jata hai 

Magar sach to yeh hai 

Keh hum dard kay saath jeena seekh jatay hain 

Kisi ko ghar se nikaltay hi mil gayi manzil

Kisi ko ghar se nikaltay hi mil gayi manzil 

Koi hamari tarah umar bhar safar main raha 

Tark-e-ta'aluq kaam na aaya

Tark-e-ta'aluq kaam na aaya 

Un se mohabbat aaj bhi hai 

Woh jo ishq tha , woh junoon tha

Woh jo ishq tha , woh junoon tha 

Yeh jo hijar hai , yeh naseeb hai !! 

Tum aakhri manzil ho meray saray safar ki

Tum aakhri manzil ho meray saray safar ki 

Ab mujh se koi naqal makani nahin ho gi 

Mera sochna teri zaat tak

Mera sochna teri zaat tak 

Meri guftagoo teri baat tak 

Na tum milo jo kabhi mujhay 

Mera dhoondna tujhay paar tak 

Main ne apna sab kuch ganwa diya 

Teri nafraton se pyar tak 

Kabhi fursatein jo milein to aa

Meri zindagi kay hisaar tak 

Main ne jana keh main kuch nahin 

" Teray pehlay se teray baad tak "