Woh meray dil ki manzal tha to meray rastay jee leta
Mujhay pyaar ka amrat de deta phir jeena mera jee leta
Main manind-e-shamma pighal jati , woh parwana sa na bhi jalta
Itna to sath hi de deta , in aankhon ky dard pee leta
Main koi amawas ki shab na thi mujha main diaye si loo bhi thi
Bas main andar se tanha thi , meri tanhai woh jee leta
Main mann hi mann ghul jati , kuch na kehti par woh samjh leta
Meri rooh ky her aik ghayo ko woh bin mangay hi si leta
Main dewani bas us ki thi , aur dil ki ik tamana thi
Woh koi sadhoo, sodai na tha , Woh meray rang to jee leta
Main doobi rahi chup ky sagar main woh pass aa kar chala bhi gaya
Meray zabat ko woh samjh leta , phir so judaiyan jee leta
No comments:
Post a Comment