Hum ne aaj kuch sach likhnay ki himmat ki hai
Koi jaado nahin ! hum ne tum se mohabbat ki hai
Woh ik lamha bhi jo teri yaad kay bina guzra
Us pal main hum ne khud se bhi nafrat ki hai
Her shakhs milta hai aa kar humain khuloos se
Baat meri surat ki nahin ! baat to seerat ki hai
Tum se pehlay koi bhi na aa saka wahan
Dost jis dil pe aaj tum ne hakoomat ki hai
Yeh meray dil ka dard kam kiyon nahin hota
Ae dil hum ne kiya dukhon se ulfat ki hai
Saza milegi tum ko bhi is faisalay kay baad
Meray zameer ne sach bolnay ki jurrat ki hai
Kiya karoon woh to pyaar ka matlab bhi nahin jaanta
Dil-e-nadaan hum ne kis shaks se mohabbat ki hai
No comments:
Post a Comment