Kabhi ruk gaye kabhi chal diye , kabhi kabhi bhatak gaye
Youn hi umar sari guzaar di youn hi zindagy kay sitam sahay
Kabhi neend main kabhi hosh main tu jahan mila tujhay dekh kar
Na nazar mili na zubaan mili youn hi sar jhuka kay guzar gaye
Kabhi zulf par kabhi chasham par kabhi kabhi teray haseen wajood par
Jo pasand thay meri kitaab main woh shair saray bikhar gaye
Kabhi arsh par kabhi farsh par kabhi un kay dar kabhi dar-ba-dar
Gham-e-aashqui tera shukriya ham kahan kahan se guzar gaye
Parveen Shakir
No comments:
Post a Comment