Ku-ba-ku phail gayi baat shanasai ki
Us ne kushboo ki tarah meri pazirai ki
Kaisay keh doon keh mujhe chor diya hai us ne
Baat to sach hai magar baat hai ruswaai ki
Woh kahin bhi gaya loata to mere paas aya
Bas yahi baat hai achi mere harjai ki
Tera pehlu tere dil ki tarah abaad rahe
Tujh pe guzray na qayamat shab-e-tanhai ki
Us ne jalti hui paishani pe jo hath rakha
Rooh tak aa gayi taseer masihai ki
No comments:
Post a Comment