Main ne us ko barf dino main dekha tha
Us ka chahera suraj jaisa lagta tha
Youn hi nazrain aapis main mil leti thein
Woh bhi pehron chaand ko takta rehta tha
Woh galiyaan woh raastay kitnay achay thay
JAb main nangay paaon ghooma karta tha
Charoon janib us ki kushboo bikhri thi
Hijar ka aik mousam bhi us kay jaisa tha
Door kahin awaaz ke ghangroo bajtay thay
Aur main kaan lagaye sunta rehta tha
Sabaz ruton main aksar mujh ko yaad aya
Us ne khat main sookha patta bhaiga tha
Poet : Hassan Rizvi
No comments:
Post a Comment