Mujhay rona nahin awaaz bhi bhaari nahin karni
Mohabbat ki kahani main ada'kaari nahin arni
Hamara dil zara uktaa gaya tha ghar main reh kar
Youn bazaar aye hain , kharidaari nahin karni
Tahammuel ae mohabbat , hijar pathreela ilaaqa hai
Tujhay is raastay pe tez raftaari nahin karni
Hawa kay khauf se lipta hua hoon khushk tehni se
Kahin jana nahin , jaane ki tayari nahin karni
Ghazal ko kam nigahon ki ponch se door rakhta hoon
Mujhay banjar dimaagon main shajar 'kaari nahin karni
Naseehat ki thi mujh ko qais ne sehra kay baaray main
YEh mera ghar hai is ki chaar dewaari nahin karni
No comments:
Post a Comment