Teri mushkil na barha'on ga chala jaaon ga
Ashk aankhon main chupaaon ga chala jaaon ga
Apni dehleez pe kuch dair para rehnay de
Jaisay hi hosh main aayon ga chala jaaon ga
Muddaton baad main aya hoon puraanay ghar main
Khud ko jee bar ke rulaaon ga chala jaaon ga
Chand yaadain mujhay bachon ki tarah piyari hai
Un ko seenay se lagaon ga chala jaaon ga
In mehalaat se kuch bhi nahin lena mujh ko
Bas tumhain dekhnay aayon ga chala jaaon ga
Khwaab lenay koi aye keh na aye koi
MAin to awaaz lagaon ga chala jaaon ga
Is jazeeray main ziada nahin rehna ab to
Aaj kal naao banayon ga chala jaaon ga
Aaj ki raat guzaroon ga madeenay main "Hasan"
Subha talwaar uthaon ga chala jaaon ga
No comments:
Post a Comment