Yeh mohjaza bhi mohabbat kabhi dikhaye mujhay
Keh sang tujh pe giray aur zakham aye mujhay
Wohi to sab se ziada hai nukta cheen mera
Jo muskura kay hamesha galay lagaye mujhay
Main apnay dil se nikaalon khyaal kis kis ka
Jo tu nahin to koi aur yaad aye mujhay
Woh mera dost hai saray jahan ko hai maloom
Dagha kare woh kisi se to shram aye mujhay
Woh meharbaan hai to iqraar kiyon nahin karta
Woh bad'gumaan hai to so baar azmaye mujhay
Main apni zaat main nelaam ho raha hoon "Qateel"
Gham-e-hayat se keh do khreed laye mujhay
Poet : Qateel Shifaai
No comments:
Post a Comment