Bara khathan hai raasta jo aa sako to saath do
Yeh zindagi ka faasla mitta sako to saath do
Baray faraib khao gi baray sitam uthao gi
Yeh umar bhar ka saath hai nibha sako to saath do
Jo tum kaho yeh dil kiya yeh jaan bhi fida kar doon
Jo main kahon ik nazar luta sako to saath do
Main aik ghreeb be'nawa main aik faqeer be'sada
Meri nazar ki iltaja jo paa sako to saath do
Hazaar imtihaan yahan , hazaar azmaishein
Hazaar dukh hazaar gham utha sako to saath do
Yeh zindagi yahan khushi , ghamon kay saath saath hai
Rulaa sako to saath do , hansa sako to saath do
No comments:
Post a Comment