Youn di hamain azaadi keh duniya hui hairaan

Youn di hamain azaadi keh duniya hui hairaan 

Ae Qaid-e-Azam tera ehsaan hai ehsaan

Her simat musalmaan pe chaai thi tabaahi

Mulk apna tha aur  aur ghairon kay haathon main thi shaahi
Aisay main utha deen-e-mohammad ka sipaahi

Aur naara-e-takbeer se di tu ne gawahi 

Islaam ka jhanda liye aya sar-e-maidaan 

Ae Qaid-e-Azam tera ehsaan hai ehsaan  

Dekha tha jo iqbaal ne  ik khwaab sohaana 

US khwaab ko ik roz  haqeeqat hai banana

Yeh socha jo tu ne to hansa tujh pe zamana 

Her chaal se chaha  tujhay dushman ne harana 

Maara tu ne woh daa'o keh dushman bhi gaye maan 

Ae Qaid-e-Azam tera ehsaan hai ehsaan  

Larnay ka dushmano se ajab dhang nikala 

Na toop , na bandooq , na talwaar , na bhaala

Sachai kay anmol asoolon ko sambhala

Jinnah teray paigham main jaado tha niraala

Emaan wale chal paray sun kar tera paighaam 

Ae Qaid-e-Azam tera ehsaan hai ehsaan  

Nqsha badal kay rakh diya is mulk ka tu ne

Saya tha Mohammad ka khaleefa teray sar pe

Duniya se kaha tu ne koi hum se na uljhye 

Likha hai is kamei pe  shaheedon ne lahoo se 

Azaad hai  azaad rahain gay yeh musalmaan 

Ae Qaid-e-Azam tera ehsaan hai ehsaan 

Youn di hamain azaadi keh duniya hui hairaan 

Ae Qaid-e-Azam tera ehsaan hai ehsaan