Khaak hui main jal jal kar

Woh qissa-e-gham sunaata raha 

Mera zabt azmaata raha 

Aaj sar-e-baam woh apnay 

Dil kay daagh dikhaata raha 

Noha-e-dil-e-barbaad koi 

Akheer-e-sab ko gaata raha 

Kisi kay haath main teer thay 

Koi zakham sehlaata raha 

Woh sakoon ka mutlaashi tha

Aur mujhay dard bhaata raha 

Us ki tanhai ka khyaal

Mujhay her pal stata raha 

Kiya hai hijr-o-wisaal aakhir

Waqat mujhay samjhata raha

Bhulaanay se woh nahon bhula

Reh reh kay yaad aata raha 

Raqabat ki intiha dekho

Suraj diya bhujhata raha 

Khaak hui main jal jal kar

Zamana raakh uraata raha 

Us ki aankh ka paani 

Mujhay shab bhar rulaata raha