Yeh to khwaab hai kisi aankh ka

Yeh thaka thaka sa jo chaand hai 

Yeh to khwaab hai  kisi aankh ka 

Jissay jaagnay ki saza milti , 

yeh jo chaand hai yeh azaab hai

Woh azaab 

Jis ne mila diya hai gulaab lamhon ko khaak main 

Yeh jo chaand hai yeh jawaab hai 

Kisi si tarah kay sawaal ka 

Keh jo aaj tak na utha kabhi kisi zehan main 

Yeh jo chaand hai 

Yeh to baab hai kisi dard ka 

Kisi hijar ka , kisi wasal ka , 

Kisi zard zard si fasal ka 

Yeh thaka thaka sa jo chaand hai 

Kabhi ban paray to yeh is se pooch kay dekhna 

Issay gehri gehri si neend se 

Bhala kis ne aa kay jaga diya 

Issay rog kis ne laga diya