Chaand, suraj aur sitaaray ajnabi
Ik musaafir sab nazaray ajnabi
Mojza hai gardish-e-halaat ka
Shaher apna log saray ajnabi
Ajnabiyat ka taaluq bhi khoob hai
Hum tumharay tum hamaray ajnabi
Jaan kay dushman hamaray aashna
Aashnaa saray kay saray ajnabi
Zindagi ki talkhiyaan hain hum'nasheen
Phool , khushboo rang saray ajnabi
Woh jissay hum ne apni pehchaan di
Aaj woh hum ko pukaaray ajnabi
No comments:
Post a Comment