Tera miyaar badalnay main bhout dair hui
Dost dushman ko parkhanay main bhout dair hui
Meri aankhon main nami dekh kay yeh us ne kaha
Abar-e-baraan ko barasnay main bhout dair hui
Muddaton baad yeh mehsoos kiya hai dil ne
Gham ki yeh aag bharkanay main bhout dair hui
Aakhri baar kaha us ne lab-e-saahil par
Paar yeh naao ko lagnay main bhout dair hui
Ban chuka hoon main yahan tum se bichar kar pathar
Ae meray yaar palatnay main bhout dair hui
Teray kehnay pe hua hoon main zamanay se alag
Youn hua mujh ko sambhalnay main bhout dair hui
Shikwa ab gardish-e-doraan se na karna "Jurrat"
Tera paimaana chalaknay main bhout dair hui
No comments:
Post a Comment