Uth to jaatay teri mehfil-e-shab se jaanan
Teri aankhon main jaltay deep mujhay roktay rahay
Teri masoom adaa'on ka sehar kuch is tarah taari raha
Haathon main lay kar bhi tera haath khatain roktay rahay
Paich-o-kham teri zulfon kay be'chain kiya rahay
Chah kar bhi sulajnay ki khwaishain roktay rahay
Bhout armaan hai teri basti se guzrain kabhi
Kuch adab kuch lihaaz magar raahain roktay rahay
Teray aanchal main chuppi hain kai bahaarain
Hum to jeewan ki teri khizaan roktay rahay
Yaqeen aa jaye meri jafaoon pe tujhay
Isi koshish main jaanan apni wafa'ain roktay rahay
Jurm to aisay thay keh sooli charh jaatay Qais
Kaamptay lab kisi kay magar sazaein roktay rahay
No comments:
Post a Comment