Ek tasveer jo kamray main lagai hui hai
Ghar ki tooti hui dewaar chupai hui hai
Dhol ka shor qayamat hai keh teri baraat
Doosray gaa'on se is gaa'on main ayi hui hai
Aankh pe sheesha lagaya hai keh mehfooz rahay
Teri tasveer jo paani main banai hui hai
Takhat aur taaj to paa'on main paray rehtay hain
Woh gadai teray darwaish ne pai hui hai
Qabar par deep na rakh naam ka kutba na laga
Hum ne mushkil se yeh tanhai kamai hai
No comments:
Post a Comment