Kuch un ki adaaon ka talab'gaar bhout tha
Kuch apni anaaon se mujhay pyaar bhout tha
Socha tha keh paa loon ga ussay ik na ik din
Pehli si mohabbat pe Aitabaar bhout tha
Manzil kaisay naseeb ho teray dayaar ki
Raasta jo teray ghar ka pur'israar bhout tha
Us ne kuch is andaz main izhaar kiya tha
Iqraar kam , iqraar main inkaar bhout tha
Mujh ko faqat pyaar main ruswaiyaan mileen
Shayed keh main mohabbat ka gunnah'gaar bhout tha
No comments:
Post a Comment