Wahan na phool khiltay hain na hi mousam badaltay hain
Wahan to kuch nahin hota jahan par tum nahin hotay
Wahan waisay to her soghaat asaani se milti hai
Par mera dil nahin lagta jahan par tum nahin hotay
Yahan to log sadiyon ko bhi lamhon main badaltay hain
Mera ik pal nahin kat'ta jahan par tum nahin hotay
Sabab ronay ka woh poochain to itna keh dena
Mujhay hansna nahin aata jahan par tum nahin hotay
No comments:
Post a Comment