Bhool gaye afsanay kitnay
Bikhray khwaab suhanay kitnay
Dil to hai ik khwaab jazeera
Us main hain veeranay kitnay
Do aankhein hain dost teri
Un main hain meh'khanay kitnay
Saqi ne jab aankh milai
Toot gaye paimanay kitnay
Shamma to ik raat jali thi
Jal gaye thay parwane kitnay
Apno ki tum baat na chairo
Apnay hain be'ganay kitnay
Jungle jungle ronq dekhi
Shehron main veerane kitnay
Mujh ko mujh se cheen kay tora
Ab bantay ho anjanay kitnay
No comments:
Post a Comment