Daao pe apni sari karamaat mat laga
Dil dasht hai to dasht main baghaat mat laga
Banti nahin hai baat to sab rang phenk de
Tasveer mat bigaar, Alamaat mat laga
Aisa na ho keh malba mera tujh pe aa giray
Dewaar khastagi hon mujhay haath mat laga
Ab toot kar jo abr bhi barsain to faida
Sookhay huye darakhton pe youn paat mat laga
Kya itabaar hai teray aagay daleel ko
Apnay biyaan kay saath haqeeqat mat laga
Tu mehr-o-mae se seekh zara zindagi kay dhang
Duniya kay kaam kaaj main din raat mat laga
Ae rehbar tu jaan lay , niyat pe hai muraad
Maqsad kay saath apnay mafadaat mat laga
Kuch malaal zaroori bhi hai magar
Her waqat us ki yaad main barsaat mat laga
Ae "Saad" apnay kaan kisi baat par na dhar
Apnay dil ko koi baat mat laga
No comments:
Post a Comment