Hum bhi kitnay dewane niklay
Diye se andhera mitane niklay
Gham-e-dil pe hamaray jo hansa kartay thay
Hum un ko hi haal-e-dil sunanay niklay
Kaaghzi phoolon par aati nahin baharain
Yeh jaan keh bhi gulshan sajanay niklay
Duniya main bikti hain jhooti kahaniyan
Sachay afsanay sab hum jalanay niklay
Log baithay hain bhar kay mutthi main namak
Janay kya soch kay hum zakham dikhanay niklay
No comments:
Post a Comment