Iss tarah de gaya ik shakhs hawalay apnay
Jis tarah chaand lutaata hai ujaalay apnay
Aik hasrat hai keh jee bhar kay na dekha us ko
Aik armaan hai keh armaan na nikaalay apnay
Main woh tinka keh sar-e-moj kahin kho jaaon
Tu woh dariya jo kinaray bhi baha lay apnay
Dekh kar shaam-o-sehar faiz risaani teri
Kitnay chotay nazar aatay hain piyalay apnay
Mai barasti hai wahan aaj bhi her waqat "Qateel"
Meray saaqi ne jahan jaam uchaalay apnay
No comments:
Post a Comment