Jungle thay tareek kahin
Kahin matti rait kay teelay thay
IShq ki raah main aanay walay
Pathar bhi Nokeelay thay
Chand si surat wala chehra
Dekha ek din wadi main
Zulf siyaah yaqooti lab aur
Uss kay nain nasheelay thay
Uss kay hijar kay naag ka dasna
Kuch itna zehreela tha
Meri aankh se behnay walay
Aansoo neelay neelay thay
Saanson ki shatranj bhi haari
Phir bhi mil na paya woh
US kay pyaar main haayel shayed
Reet , riwaaj , qabeelay thay
No comments:
Post a Comment