Kehty hain ussay shaher kay sab log maseeha
Woh shakhs meray dard se anjaan sa kiyon hai
Be'adal hi hoti rahi yahan pyaar ki taqseem
Is shaher main pyaar ka fuqdaan sa kiyon hai
Izhaar kay ba'wajood bhi mujh ko muyassar nahin to phir
Seenay main us kay pyaar ka toofan sa kiyon hai
Jo hum se koi taa'luq hi nahin rakhta
Us shakhs kay loat aanay ka imkaan sa kiyon hai
Matti ka bana hai to ghul kiyon nahin jaata
Pathar ka agar hai to phir insaan sa kiyon hai
No comments:
Post a Comment