Laakh masmaar kiye jayein zamanay walay
Aa hi jatay hain naya shaher basanay walay
Is ki zid par woh kabhi khud bhi to aa saktay hain
Yeh kahan jaantay hain , aag laganay walay
Ab to sawan main bhi barood barasta hai
Ab woh mousam nahin baarish main nahanay walay
Sar se jaata hi nahin wada-e-farwa ka junoon
Mar gaye adal ki zanjeer hilaanay walay
Hum na kehtay thay tujhay waqat bhout zaalim hai
Kya huye , ab woh teray naaz uthanay walay
Saaye main baithi hui nasal ko maloom nahin
Dhoop ki nazar huye pairr laganay walay
Ghar main dewaarein hain aur sehan main aankhein hain
Itnay azaad nahin wada nibhanay walay
No comments:
Post a Comment