Kaisi chali hai ab kay hawa teray shaher main
Banday bhi ho gaye hain Khuda teray shaher main
Kuch dushmani ka dhab hai na ab dosti kay tor
Dono ka aik rang hua teray shaher main
Ab kya diyar-e-ghair main dhoondein hum aashna
Apnay to ghair ho gaye sab apnay shaher main
Ik aap hain keh sara zamana hai aap ka
Ik hum keh ajnabi huye ab apnay shaher main
"Khatir" ab ehal-e-dil bhi banay hain zamana saaz
Kis se karein wafa ki talab apnay shaher main
No comments:
Post a Comment