Qissay meri ulfat kay jo marqoom hain saray
Aa dekh teray naam se mosoom hain saray
Bas is liye her kaam adhura hi para hai
Khadam bhi meri qoam kay makhdoom hain saray
Ab kon meray paon ki zanjeer ko kholay
Hakim meri basti kay bhi mehkoom hain saray
Shayed yeh zarf hai jo khamosh hoon ab tak
Warna to teray aaib bhi maloom hain saray
Sab jurm meri zaat se mansoob hain "Mohsin"
Kya meray siwa shaher main Masoom hain saray
No comments:
Post a Comment