Khouf raah-e-hayat kabhi chatt hi jaye ga
Mushkil sahi magar yeh safar kat hi jaye ga
Yeh ashk hai to phailnay se rok lo issay
Gar abar hai to raah se yeh hatt hi jaye ga
Us zar pe aadmi ki nahin dastaras koi
Aaye ga paas saamp to yeh batt hi jaye ga
Aab-e-rawan hi rehta hai shafaaf aur paak
Daman wagarna gard se yeh att hi jaye ga
Ae "Saad" aqal aaye gi jab darmiyan zaroor
Aankhon ka dil se raabta phir ghatt hi jaye ga
Ae "Saad" dil ki baat pe tasdeeq kis liye
Pagal ka kya hai raastay main dutt hi jaye ga
No comments:
Post a Comment